कलस्‍सी 1:18 - नेवाः बाइबल

¹⁸ मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

कलस्‍सी 1:18 ပူးပေါင်းရင်းမြစ်များ

भजनसंग्रहया सफू 89:27

हाकनं जिं वयात थः तःधिकःम्‍ह काय् व पृथ्‍वीया जुजुपिनि नायः दय्‌काबी।

श्रेष्‍ठगीत 5:10

झिद्वःम्‍ह स्‍वयाः नं जिमि यःम्‍ह प्रिय बांलाः अले बल्‍लाः, जिमि यःम्‍ह प्रिय तसकं ज्‍वाल्‍लं थीम्‍ह व न्‍यता ह्याउँस्‍य च्‍वंम्‍ह खः।

यशैया 52:13

स्‍व, जिमि दास ताःलाइतिनि। वयात च्‍वछाइ, थकाइ अले वयात तसकं तःधंकी।

मत्ती 23:8

“छिपिं धाःसा थःत ‘गुरु’ धाय्‌का जुइ मते, छाय्‌धाःसा छिपिं फुक्‍कं दाजुकिजापिं खः, छिमि छम्‍ह हे जक गुरु दु।

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

यूहन्‍ना 1:1

दक्‍वसिबय् न्‍हापा हे वचन दु, अले थ्‍व वचन परमेश्‍वर नाप दु। थ्‍व वचन हे परमेश्‍वर खः।

यूहन्‍ना 1:16

वय्‌कःयागु गुबलें मसुइगु दया मायायागु धुकुतिं झीसं यक्‍व दया माया काये खंगु दु।

यूहन्‍ना 1:27

जि स्‍वयाः लिपा झायादीम्‍ह वय्‌कः हे खः। वय्‌कःयागु लाकां पुतु फ्‍यनेत तकं जि मल्‍वः।”

प्रेरित 26:23

इमिसं धाःगु खँ थ्‍व हे खः – ‘मुक्ति बीम्‍ह ख्रीष्‍ट सी हे माः, अले हानं दकलय् न्‍हापा वय्‌कःयात हे सीम्‍हं म्‍वाकादी। वय्‌कलं हे यहूदी व यहूदीमखुपिं सकसितं बचय् यानाः जः बियादी।’”

रोमी 8:29

परमेश्‍वरं न्‍हापांनिसें म्‍हस्‍यूपिन्‍त वय्‌कःया काय् थें यानादीत न्‍हापांनिसें हे ल्‍यया तयादिल। वय्‌कः यक्‍व किजापिं मध्‍ये जेठाम्‍ह जुइमा धकाः थुकथं यानादीगु खः।

१ कोरिन्‍थी 11:3

अय्‌नं छता खँ न्‍यँ – न्‍ह्याम्‍ह मिजंयागु छ्यं ख्रीष्‍ट खः, अले मिसायागु छ्यं वया भाःत खः, अले ख्रीष्‍टयागु छ्यं परमेश्‍वर खः धयागु खँ छिमिसं थुइके माल।

१ कोरिन्‍थी 12:27

अथे हे छिपिं फुक्‍कं ख्रीष्‍टयागु मण्‍डली खः। छिपिं छम्‍ह छम्‍ह ख्रीष्‍टयागु म्‍हय् च्‍वंगु म्‍हब्‍वत खः।

१ कोरिन्‍थी 15:25

अथेसां ख्रीष्‍टया फुक्‍क शत्रुतय्‌त बुकाः परमेश्‍वरं वय्‌कःयागु पालि तःले मततले वय्‌कलं हे राज्‍य यानादी।

एफिसी 1:10

पाय्‌छिगु ई वइबलय् स्‍वर्ग व पृथ्‍वीइ दुगु फुक्‍क खँ ख्रीष्‍टया अधीनय् हयेगु परमेश्‍वरया ग्‍वसाः खः।

एफिसी 5:23

गथे मण्‍डली ख्रीष्‍टया म्‍ह खः, अले मण्‍डलीया छ्यं मुक्ति बीम्‍ह ख्रीष्‍ट खः अथे हे मिसातय् हामा वया भाःत खः।

कलस्‍सी 1:24

छिमिगु निंतिं थथे दुःखसिया च्‍वने दुगुलिं जितः तसकं लय्‌ता वः। ख्रीष्‍टयागु म्‍ह मण्‍डलीयागु निंतिं फये मानिगु वय्‌कःयागु दुःख जिं थःगु म्‍हय् फयाः पूवंके।

कलस्‍सी 2:19

थुमिसं ख्रीष्‍टयात क्‍वात्तुक ज्‍वनी मखु, गुम्‍ह मण्‍डलीया छ्यं खः। छेनं यानाः हे फुक्‍क म्‍हब्‍व मिलय् जुइ फइ, अले म्‍ह छम्‍हं स्‍वाना च्‍वने फइ। अले जक परमेश्‍वरया यःकथं म्‍ह थाहां वये फइ।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 1:8

दक्‍वसिबय् तःधंम्‍ह व शक्ति दुम्‍ह, आः नं दीम्‍ह व न्‍हापा नं दीम्‍ह, अले झायादीम्‍ह परमप्रभु परमेश्‍वरं धयादिल – “अल्‍फा व ओमेगा जि हे खः।”

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:13

अल्‍फा व ओमेगा जि हे खः। न्‍हापायाम्‍ह व लिपायाम्‍ह, अले शुरु व अन्‍त जि हे खः।”

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।