आमोस 8:3 - नेवाः बाइबल

³ परमप्रभु परमेश्‍वरं धयादी, “व न्‍हि देगःया म्‍ये ख्‍वःसलय् हिली। सीम्‍हत प्‍यखेरं वांछ्वइ! सुम्‍क च्‍वँ!”

आमोस 8:3 ပူးပေါင်းရင်းမြစ်များ

भजनसंग्रहया सफू 39:9

जि सुम्‍क हे च्‍वने, जिं छसः नं नवाये मखु। छाय्‌धाःसा जितः छिं हे थथे यानादीगु खः।

यशैया 37:36

अले परमप्रभुया दूत पिहां वल, वं अश्‍शूरीतय्‌गु छाउनीइ छगू लाख व चयन्‍याद्वःम्‍ह (१,८५,०००) अश्‍शूरी सिपाइँतय्‌त स्‍यानाबिल। सुथय् दंबलय् मनूतय्‌सं छाउनीइ सिपाइँत सिनाच्‍वंगु खन।

यर्मिया 22:18

अथे जुयाः यहूदाया जुजु योशियाहया काय् यहोयाकीमया बारे परमप्रभुं थथे धयादी, “‘हाय, जिमि किजा! हाय, जिमि केहेँ!’ धयाः इपिं वयागु निंतिं ख्‍वइ मखु। ‘हाय, जिमि मालिक! हाय, वय्‌कःया गौरव!’ धयाः इपिं वयागु लागि ख्‍वइ मखु।

विलाप 2:10

म्‍ह्याय् सियोनया थकालिपिं बँय् फेतुनाः छुं हे मधासे च्‍वनाच्‍वनी, इमिसं थथःगु छेनय् धू तःगु दु अले भाग्रां फिनाच्‍वंगु दु। यरूशलेमया ल्‍यासेपिन्‍सं थथःगु छ्यं बँय् तक हे क्‍वछुका तःगु दु।

योएल 1:11

अय् बुँज्‍या याइपिं, निराश जु। अय् दाखमा पीपिं ह्वाँय्‌ह्वाँय् ख्‍व। छ्व व तछ्वया लागिं ह्वाँय्‌ह्वाँय् ख्‍व, छाय्‌धाःसा बुँयागु अन्‍न नष्‍ट जूगु दु।

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

योएल 1:5

अय् अय्‌लाःगुलुत दँ, तःसलं ख्‍व! अय् दाखमद्य त्‍वनीपिं न्‍हूगु दाखमद्यया लागिं ह्वाँय्‌ह्वाँय् ख्‍व, छाय्‌धाःसा आवंलि छिमिगु म्‍हुतुइ दाखमद्य लाइ मखुत।

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

आमोस 4:10

“जिं छिमिगु दथुइ मिश्र देशय् थें महामारी छ्वयाहया। जिं छिमि ल्‍याय्‌म्‍हपिं मनूतय्‌त छिमिसं लाका काःपिं सलतनापं लडाइँ­लय् स्‍याना, छिमि सीपिं मनूतय्‌गु सीम्‍ह तसकं नवयाच्‍वंगु दु, अथे जूसां छिपिं जिथाय् फहिला मवः,” परमप्रभुं धयादी।

आमोस 5:16

अथे जुयाः प्रभु, दक्‍व शक्ति दुम्‍ह परमप्रभु परमेश्‍वरं थथे धयादी – “दक्‍व शहरया लँय् लँय् नुगः चेचेतुंक ख्‍वइगु व बिलाप जुइ, दक्‍व चुक चुकय् इमिसं हाय हाय याइ। बुँज्‍यायाइपिन्‍त बिलाप यायेत व मलामीतय्‌त दुखं च्‍वनेत सःती।

आमोस 5:23

छिमिगु भजन म्‍येया ग्‍यानापुगु सः जिपाखें तापाक ति। छिमिगु वीणाया सः जितः न्‍यने मयः।

आमोस 6:4

छिपिं किसिया दं तयाः दय्‌कातःगु खाताय् द्येनी, थथःगु लासाय् आरामं त्‍यांग्रापुला च्‍वनी। अले बांलाःपिं फैत व ल्‍ह्वंपिं द्वहंचातय्‌गु ला नइ।

आमोस 6:5

छिमिसं दाऊदं थें वीणा थाइ, बाजनय् थत्‍थें लय् पिकाइ।

आमोस 6:8

परमप्रभु परमेश्‍वरं थःगु हे नामं पाफयादीगु दु। दक्‍व शक्ति दुम्‍ह परमप्रभु परमेश्‍वरं घोषणा यानादी – “जिं याकूबया घमण्‍डयात यय्‌के मखु, अले वया किल्‍लातय्‌त तच्‍वकं मयय्‌के। जिं थुकी दुगु दक्‍वनापं थ्‍व शहरयात शत्रुतय्‌गु ल्‍हातिइ लःल्‍हानाबी।”

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

नहूम 3:3

सल गइपिनिगु हमला, प्‍वालाक्‍क वइगु तरवार व ज्‍वाल्‍लच्‍वंगु भाला। स्‍याना तःपिनिगु द्वँ, सीम्‍हतय्‌गु द्वँ अल्‍याख सीम्‍हत, सीपिंके मनूत लुफिंहाना क्‍वदली।

सपन्‍याह 1:7

परमप्रभु परमेश्‍वरया न्‍ह्यःने सुम्‍क च्‍वँ, छाय्‌धाःसा परमप्रभुयागु दिं सतिक वये धुंकूगु दु। परमप्रभुं छगू बलिदान तयार यानादीगु दु, अले थःम्‍हं सःतूपिं पाहांतय्‌त वय्‌कलं पवित्र यानादीगु दु।