आमोस 7:9 - नेवाः बाइबल

⁹ “इसहाकया ततःजाःगु पुजा याइगु थाय् भज्‍यंक नाश जुइ, अले इस्राएलया पवित्रथाय् भज्‍यंक स्‍यनी। जिं तरवार ज्‍वनाः यारोबामया घरानायात हमला याये।”

आमोस 7:9 ပူးပေါင်းရင်းမြစ်များ

उत्‍पत्ति 46:1

थःगु फुक्‍क सामान प्‍वःचिनाः इस्राएल मिश्रय् वन। बेर्शेबाय् थ्‍यंकाः वं थः बौ इसहाकया परमेश्‍वरयात बलि बिल।

२ राजा 14:24

वं परमप्रभुयात मयःगु मभिंगु ज्‍या यात। छाय्‌धाःसा व नबातया काय् यारोबामं इस्राएलीतय्‌त याकूगु पापपाखें अलग मजू।

यशैया 63:18

छिकपिनि प्रजां छुं ईया निंतिं जक छिगु पवित्र थासय् अधिकार याये खन। आः जिमि शत्रुतय्‌सं छिगु पवित्र थाय्‌यात न्‍हुत्तुन्‍हुगु दु।

यर्मिया 51:51

इस्राएलया मनूतय्‌सं धाइगु, “जिपिं मछालेमाःगु दु, छाय्‌धाःसा जिमित ब्‍वःब्‍यूगु दु। अले जिमिगु ख्‍वाः लज्‍यां ह्याउँसे च्‍वने धुंकल। छाय्‌धाःसा विदेशीत जिमि परमप्रभुया देगलय् दुहां वंगु दु।”

इजकिएल 6:3

अले धा, ‘हे इस्राएलया पर्वतत, परमप्रभु परमेश्‍वरयागु थ्‍व वचन न्‍यँ! पर्वतत व डाँडात, खुसिचा व बेँसीतय्‌त परमप्रभु परमेश्‍वरं थथे धयादी – स्‍व, जिं थःम्‍हं हे छिमिथाय् लडाइँ हयेत्‍यनागु दु, अले जिं छिमि पुजा याइगु थाय्‌यात नाश याये।

होशे 10:8

इस्राएलया पाप अर्थात दुष्‍टताया ततःजाःगु थाय् नाश जुइ। इमिगु वेदीइ कं व झाः बुया वइ। अले इमिसं पाहाडयात धाइ, “जिमित त्‍वपु।” अले डाँडायात धाइ, “जिमित ल्‍हाः वा।”

आमोस 3:14

“जिं इस्राएलीतय्‌त इमिसं याःगु पापया सजाँय बीगु दिनय् इमिसं याःगु पापया निंतिं सजाँय बी, जिं बेथेलया वेदीतय्‌त भज्‍यंक नाश याये, अले वेदीया नेकूत त्‍वधुलाः बँय् कुतुंवइ।

आमोस 5:5

बेथेलयात माले मते, गिलगालय् वने मते, बेर्शेबाय् वनाः पुजा याये मते, गिलगालया मनूतय्‌त धात्‍थें हे ज्‍वनायनी, बेथेल धाःसा मदयावनी।”

आमोस 7:11

छाय्‌धाःसा आमोसं थथे धयाच्‍वंगु दु, “‘यारोबामयात तरवारं स्‍याइ, अले इस्राएलयात धात्‍थें हे थःगु देशं तापाक ज्‍वनायंकीतिनि।’”

आमोस 7:13

बेथेलय् हाकनं गुबलें अगमवाणी धाये मते, छाय्‌धाःसा थ्‍व ला जुजुया पुजा याइगु थाय् व राज्‍य याइगु देगः खः।”

आमोस 8:14

सामरियाया मूर्तितय्‌गु नामं पाफइपिं वा ‘दानया द्यःत व बेर्शेबाया द्यःतय्‌गु’ नामं पाफइपिं दक्‍वं क्‍वदली, अले हाकनं गुबलें दने फइ मखु।”

आमोस 9:1

जि प्रभुयात वेदीनापं दनाच्‍वंगु खना, वय्‌कलं धयादी – “देगःया थांया च्‍वका च्‍वकाय् तसकं दा अले दक्‍व जग हे सनेमा। व त्‍वदुलाः कुतुं वयाः दक्‍व मनूतय्‌गु छेनय् लायेमा अले ल्‍यंदनिपिन्‍त धाःसा जिं तरवारं स्‍यानाबी। छम्‍ह नं बिस्‍युं वने फइ मखु, छम्‍ह नं बचय् जुइ फइ मखु।

मीका 1:5

थुपिं फुक्‍व याकूबया अपराध व इस्राएलया घरानाया पापया कारणं जूगु खः। याकूबया अपराध छु खः लय्? छु व सामरिया मखु ला? यहूदाया द्यःपुजा याइगु थाय् गन दु? छु व यरूशलेम मखु ला?