आमोस 7:3 - नेवाः बाइबल

³ थ्‍व खँय् परमप्रभु इपिंलिसें नरम जुयादिल। “थथे जुइ मखु,” परमप्रभुं धयादिल।

आमोस 7:3 ပူးပေါင်းရင်းမြစ်များ

उत्‍पत्ति 6:7

अले परमप्रभुं धयादिल, “जिं सृष्‍टि यानापिं फुक्‍क मनूतय्‌त पृथ्‍वीं न्‍हंकाछ्वयाबी। अज्‍ज ला फुक्‍क पशु, बँय्‌ घिसय् जुयाजुइपिं जन्‍तुत व आकाशय् च्‍वंपिं पंक्षीतय्‌त तकं न्‍हंकाछ्वयाबी। छाय्‌धाःसा थुमित सृष्‍टि यानाः जि पस्‍ताय् चाये धुन।”

१ इतिहास 21:15

अले परमेश्‍वरं यरूशलेम नाश यायेत छम्‍ह स्‍वर्गदूत छ्वयाहयादिल। तर वं व नाश यायेत्‍यंबलय् परमप्रभुं व खनाः उगु नाशपाखें थःगु मन हिकाः उपिं नाश याःवःपिं स्‍वर्गदूतय्‌त धयादिल, “आः गात! छंगु ल्‍हाः दीकि अबलय् उपिं स्‍वर्गदूत यबूसी अरौनाया खलाया लिक्‍क दनाच्‍वंगु खः।”

भजनसंग्रहया सफू 106:45

वय्‌कलं इमिगु लागि थःगु बाचा लुमंकादिल, अले थःगु सदां दयाच्‍वनीगु दया मायाया कारणं वय्‌कः नरम जुयादिल।

भजनसंग्रहया सफू 78:38

वय्‌कः दयादुम्‍ह जूगुलिं वय्‌कलं इमित क्षमा यानादिल। वय्‌कलं इमित नाश यानामदी। वय्‌कलं तःकः मछि थःगु तं क्‍वलाकादिल। वय्‌कलं थःगु तं प्‍वंकामदी।

भजनसंग्रहया सफू 90:13

अज्‍ज ग्‍वःन्‍हु तक छिगु तं दयाच्‍वनी? हे परमप्रभु! थः दासतय्‌त दया यानादिसँ।

प्रस्‍थान 32:14

अले परमप्रभुं थः मनूतय्‌त स्‍यंकेगु बिचाःयात हीकादिल।

यर्मिया 26:19

“छु! यहूदाया जुजु हिजकिया वा यहूदाया मेपिं सुनानं वयात स्‍यात ला? छु! जुजुं परमप्रभुयागु भय मकाः ला? परमप्रभुयाके दया मफ्‍वं ला? अले इमित नाश यायेत दय्‌कादीगु योजनायात वय्‌कलं पूरा यानाः मदिल। तर आः झीसं ला थःके तःधंगु सर्वनाश हयेत्‍यनागु मदु ला?”

यर्मिया 42:10

‘छिपिं थ्‍व हे देशय् च्‍वन धाःसा जिं छिमित नाश याये मखु तर छिमित तयातये, जिं छिमित लिनाकाये मखु तर पी, छाय्‌धाःसा जिं छिमिगु छु स्‍यंकागु खः उकिया निंतिं जिगु नुगः ख्‍वः।

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

योएल 2:13

नुगः मछिंकाः थःगु वसः मखु, तर थःगु नुगः खुनाः परमप्रभु थः परमेश्‍वरपाखे लिहां वा, छाय्‌धाःसा वय्‌कः दया व माया क्‍यनादीम्‍ह, तं क्‍यनेत हथाय् मचायादीम्‍ह, अले सदां दयामाया यानादीम्‍ह, अले थःगु सजाँय पनेत न्‍ह्याबलें तयार जुयादीम्‍ह खः।

योएल 2:14

सुनां स्‍यू- वय्‌कलं थःगु सजाँय पनादी ला? अले सराःया पलेसा आशिष बियादी ला? परमप्रभु छिमि परमेश्‍वरयात छिमिसं छायेत माःगु अन्‍नबलि व त्‍वँसाबलि बियादी ला?

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

आमोस 7:6

थ्‍व खँय् परमप्रभु इपिंलिसें नरम जुयादिल। “थथे नं जुइ मखु,” परमप्रभु परमेश्‍वरं धयादिल।

योना 3:10

इमिसं छु छु यात, इमिसं गुकथं मभिंगु ज्‍या त्‍वःतल फुक्‍क स्‍वयाः परमेश्‍वरं थःगु मन हीकादिल। वय्‌कलं इमित नाश याये धकाः क्‍वःछिनादीगु जूसां नाश याना मदिल।

व्‍यवस्‍था 32:36

परमप्रभुं थःमनूतय्‌गु बल मदयावंगु खन कि वय्‌कलं इमिगु न्‍याय यानादी। छु दास वा छु स्‍वतन्‍त्र इपिं सुं बचय् जुयाच्‍वंगु मदइबलय्, वय्‌कलं थःगु सजाँय दिकादी।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।