आमोस 7:2 - नेवाः बाइबल

² इमिसं बुँइ च्‍वंगु बालीनाली नये धुंकाः जिं धया, “हे परमप्रभु परमेश्‍वर, क्षमा यानादिसँ। याकूब गथे यानाः म्‍वाये फइ? व तसकं हे चीधिकः तिनि।”

आमोस 7:2 ပူးပေါင်းရင်းမြစ်များ

भजनसंग्रहया सफू 12:1

हे परमप्रभु! जिमित ग्‍वाहालि यानादिसँ। भिंपिं मनूत छम्‍ह हे मदये धुंकल। विश्‍वास यायेबहःपिं सुं हे मन्‍त।

प्रस्‍थान 10:15

फुक्‍क बँ हे हाक्‍कुसे च्‍वंक इमिसं त्‍वपुल। इमिसं प्‍वँ गाये धुंकाः ल्‍यं दुगु बाली व सिमाय् च्‍वंगु फल फुक्‍कं नयाबिल। मिश्र देशय् गनं हे वाउँगु धयागु मन्‍त।

प्रस्‍थान 34:9

वं धाल, “हे परमप्रभु, छिं जिमित धात्‍थे माया यानादियागु खःसा छि जिपिंनापं झासँ। थ्‍व छगू जिराहा जाति जूसां जिमिगु अधर्म व पाप क्षमा यानादिसँ, अले जिमित थःगु हे सम्‍पत्ति थें नाला कयादिसँ।”

यशैया 37:4

अश्‍शूरयाम्‍ह जुजुं म्‍वाःम्‍ह परमेश्‍वरयात हेस्‍यायेत थः छम्‍ह सेनापति छ्वयाहःगु दु। परमप्रभु छिकपिनि परमेश्‍वरं वं धाःगु खँ न्‍यनादीमा अले न्‍यनादीगु खँया लागि वयात सजाँय बियादीमा। उकिं झी गुलि मनूत म्‍वानाच्‍वंगु दु, इमिगु निंतिं प्रार्थना यानाब्‍यु।”

यशैया 51:19

थुपिं निगू विपत्ति छन्‍थाय् वःगु दु, छन्‍त सुनां सान्‍त्‍वना बी? झिजांमिजां व नाश अले अनिकाल व तरवार, सुनां छन्‍त सान्‍त्‍वना बी?

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 42:2

अले इमिसं वयात धाल, “जिमिगु बिन्‍ति न्‍यनादिसँ, जिपिं बचय् जूपिनिगु निंतिं परमप्रभु छिकपिनि परमेश्‍वरयात प्रार्थना यानादिसँ। छाय्‌धाःसा न्‍हापा यक्‍व दुपिं जिपिं आः कम हे जक ल्‍यनाच्‍वंगु छिं खँ हे खं।

इजकिएल 11:13

जिं अगमवाणी ल्‍हानाच्‍वनाबलय् हे आकाझाकां बनायाहया काय् पलत्‍याह सित, अले भ्‍वसुलाः तसकं हालाः जिं धया, “हाय, परमप्रभु परमेश्‍वर! छु छिं इस्राएलया ल्‍यनाच्‍वंपिन्‍त भज्‍यंक नाश यानादी ला?”

इजकिएल 9:8

इमिसं स्‍यानाच्‍वंबलय् जि छम्‍ह जक ल्‍यन। अले बँय् भ्‍वसुलाः ख्‍वख्‍वं जिं धया, “हे परमप्रभु परमेश्‍वर, यरूशलेमय् थःगु तं प्‍वंकादीबलय् इस्राएलयापिं ल्‍यंपिं सकसितं नं छिं स्‍यानादी ला?”

दानिएल 9:19

“हे परमप्रभु न्‍यनादिसँ, हे प्रभु पाप क्षमा यानादिसँ, हे प्रभु जिमिगु बिन्‍ति न्‍यनाः वकथं ज्‍या यानादिसँ। छिगु नांया लागि आः लिबाकादी मते। थ्‍व शहर व छिकपिनि मनूतके छिगु हे नां दु।”

योएल 2:17

परमप्रभुया न्‍ह्यःने सेवा याइपिं पुजाहारीत, देगःया दलान व वेदीया दथुइ च्‍वनाः ख्‍वयेमा। अले इमिसं थथे धकाः प्रार्थना यायेमा, “हे परमप्रभु, थः मनूतय्‌त दया यानादिसँ। छि थः मनूतय्‌त हेस्‍याके बियादी मते, अले मेपिं जातितय्‌गुपाखें हेपय् याकादीमते। ‘इमि परमेश्‍वर गन दु’ धकाः मेपिं जातितय्‌त छाय् धाय्‌के बीगु?”

आमोस 4:9

“जिं तःकः मछि छिमिगु क्‍यब व दाखक्‍यबय् ल्‍वय् व फ्‍वसा वय्‌काः सखाप याना। छिमिगु यःमरि व जैतूनया सिमायात क्‍वःबुइँचातय्‌सं सखाप याका, अथे जूसां छिपिं जिथाय् फहिला मवः,” परमप्रभुं धयादी।

आमोस 7:5

उबले जिं तसलं धया, “हे परमप्रभु परमेश्‍वर, बिन्‍ति दु, पनादिसँ। याकूब गथे यानाः म्‍वाये फइ? व तसकं हे चीधिकः तिनि।”

जकरिया 4:10

परमप्रभुं धयादिल, “ज्‍या भचा भचा जक शुरु जूगुयात हेला याये मते। अय्‌नं ज्‍या न्‍ह्याकेत यरूबाबेलया ल्‍हातय् दकःमिया खिपः दुगु खनाः इपिं लय्‌ताइ।” (उपिं त्‍वाःदेवाया न्‍हय्‌गः पाल्‍चा पृथ्‍वीया फुक्‍कभनं स्‍वया च्‍वनीगु परमप्रभुया मिखा खः।)

प्रकाश 9:4

पृथ्‍वीइ च्‍वंगु घाँय्, सिमा व वाउँगु छुं नं स्‍यंके मते धकाः इमित धाल। तर कपालय् परमेश्‍वरयागु छाप मदुपिं मनूतय्‌त जक कष्‍ट ब्‍यु धकाः इमित धाल।