आमोस 5:9 - नेवाः बाइबल

⁹ वय्‌कलं थत्‍थें बल्‍लाःपिन्‍त नाश यानादी, अले किल्‍ला दुगु शहर नं नाश यानादी।

आमोस 5:9 ပူးပေါင်းရင်းမြစ်များ

२ राजा 13:17

एलीशां धाल, “पुर्बपाखे च्‍वंगु झ्‍याः चाय्‌कि।” जुजुं झ्‍याः चाय्‌कल। एलीशां धाल, “वाण कय्‌कि।” जुजुं वाण कय्‌केवं अगमवक्तां तःसलं धाल, “छ परमप्रभुया वाण खः, थ्‍व वाणं वय्‌कलं अरामयात बुकादी। छ अरामीतलिसें अपेकय् ल्‍वाइ अले इमित भज्‍यकं नाश याइ।”

२ राजा 13:25

इस्राएलया जुजु येहोआशं स्‍वकः हजाएलया काय् बेन-हददयात बुकल। वं थः अबु यहोआहाजया पालय् बेन-हददं काःगु इस्राएलया शहर लित काल।

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

यर्मिया 37:10

छिपिंलिसें ल्‍वाइपिं बेबिलोनीतय्‌गु फुक्‍क सेनायात छिमिसं त्‍याकल धाःसां अले इमि घाःपाः जूपिं जक पालय् ल्‍यनाच्‍वन धाःसां इपिं घाःपाः जूपिं वयाः थ्‍व शहरयात मिं नकाबी।”

आमोस 2:14

तसकं ब्‍वाँय् वनेफुम्‍ह नं उम्‍के जुइ फइ मखु, अले बल दुम्‍हय्‌सिनं नं थःगु बल छ्यले फइ मखु, लडाइँलय् वनीम्‍हय्‌सिनं नं थःत बचय् याये फइ मखु।

मीका 5:11

जिं छिमिगु देशया शहरत नाश यानाबी अले छिमिगु किल्‍लात नं थुनाबी।

हिब्रू 11:34

ह्वाना ह्वाना च्‍यानाच्‍वंगु मिं नं इमित छुं याये मफुत। तरवारं पालाः स्‍यायेत्‍यंबलय् नं इपिं बचय् जुल। बमलाःपिं इपिं, आः तसकं बल्‍लाना वल। भचा मग्‍यासे ल्‍वानाः इमिसं पिनें वःपिं शत्रुतय्‌त बिसिका छ्वत।