आमोस 4:9 - नेवाः बाइबल

⁹ “जिं तःकः मछि छिमिगु क्‍यब व दाखक्‍यबय् ल्‍वय् व फ्‍वसा वय्‌काः सखाप याना। छिमिगु यःमरि व जैतूनया सिमायात क्‍वःबुइँचातय्‌सं सखाप याका, अथे जूसां छिपिं जिथाय् फहिला मवः,” परमप्रभुं धयादी।

आमोस 4:9 ပူးပေါင်းရင်းမြစ်များ

१ राजा 8:37

“थ्‍व देशय् अनिकाल वा महामारी जुइबलय् क्‍वाःगु फसं वा बालीया ल्‍वय् वा क्‍वःबुइँचाया बथानं अन्‍न नाश यानाबीबलय् वा छिकपिनि मनूतय्‌त इमि शत्रुतय्‌सं हमला याइबलय् वा इमिगु दथुइ न्‍ह्यागुं नं विपत्ति वा ल्‍वय् वइबलय्

२ इतिहास 6:28

“थ्‍व देशय् अनिकाल वा महामारी जुइबलय् क्‍वाःगु फसं वा क्‍वःबुइँचाया बथानं अन्‍न नाश यानाबीबलय् वा छिकपिनि मनूतय्‌त इमि शत्रुतय्‌सं हमला याइबलय् वा इमिगु दथुइ न्‍ह्यागु नं विपत्ति वा ल्‍वय् वइबलय्

यशैया 1:5

छाय् छिमिसं अप्‍वः ल्‍हाः नयेमाःगु? छाय् छिपिं विद्रोही जुयाच्‍वनागु? छिमिगु छ्यं छगलं घालं जाःगु दु अले नुगः दुःखं जाःगु दु।

यशैया 50:11

तर आः छिपिं फुक्‍क सुनां थःगु निंतिं मि च्‍याकी अले च्‍यानाच्‍वंगु थःगु मिप्‍वाः काइ, छिपिं हुँ! छिमिगु मि व छिमिसं च्‍याकूगु मिप्‍वाःया जलय् न्‍यासि हुँ। छिमिसं जिगु ल्‍हाःपाखें थ्‍व हे खँ काये खनी, छिमिसं तःधंगु दुःखकष्‍ट फयेमाली।

यशैया 9:12

अरामीतय्‌सं पुर्बपाखें व पलिश्‍तीतय्‌सं पच्‍छिमपाखें म्‍हुतु चाय्‌काः इस्राएलयात घुतुकुगु दु। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 3:10

थुलि जूसां नं वया विश्‍वासघाती केहेँ यहूदा दुनुगलंनिसें जिथाय् लिहां मवः। तर ख्‍यालं जक लिहां वल,” परमप्रभुं धयादी।

यर्मिया 5:3

हे परमप्रभु, छिगु मिखां सत्‍य ममाली ला? छिं इमित कय्‌कादिल, अय्‌नं इमि नुगः मछिं मजू, छिं इमित क्‍वत्‍यलादिल, अय्‌नं इमिसं थःत भिंकेगु वास्‍ता मयाः। इमिसं थःगु ख्‍वाःयात ल्‍वहं स्‍वयाः छाकल। अले पस्‍ताय् चायेत मानय् मजू।

होशे 11:5

“तर जिमि मनूत जिथाय् लिहां वयेत मानय् मजुल। इपिं मिश्र देशय् लिहां वनेमाली, अले अश्‍शूरीतय्‌सं इमित शासन याइ।

योएल 1:4

चाइपिं क्‍वःबुइँचातय्‌सं गुलि त्‍वःताथकूगु खः, व पुचलय् वःपिं क्‍वःबुइँचातय्‌सं नयावन। पुचलय् वःपिं क्‍वःबुइँचातय्‌सं गुलि त्‍वःताथकूगु खः, व तिंन्‍हुइपिं क्‍वःबुइँचातय्‌सं नयाबिल। तिन्‍हुइपिं क्‍वःबुइँचातय्‌सं गुलि त्‍वःताथकूगु खः, व स्‍यंकीपिं क्‍वःबुइँचातय्‌सं नयाबिल।

योएल 1:7

वं जिगु दाखमा न्‍हंका ब्‍यूगु दु, अले जिगु यःमरिमा सखाप यानाब्‍यूगु दु। वं उकियागु ख्‍वला प्‍वलाः नांगा यानाः वान्‍छ्वया बिल। अले दाखमायागु कचायात तुइसे च्‍वंकाः त्‍वःताबिल।

योएल 2:25

“गुगु बालियात पुचलय् च्‍वनीपिं, प्‍वाथं चुया जुइपिं, स्‍यंकीपिं व चाइपिं तःधंगु पुचयापिं क्‍वःबुइँचात अर्थात जिं छिमिगु दथुइ छ्वयाहयापिं जिगु तःधंगु सेनां नःगु खः, जिं छिमित उपिं दँया पलेसा पुलाबी।

आमोस 4:6

“जिं दक्‍व शहरय् छिमित द्यांलाका बिया, अले छिपिं च्‍वनीगु फुक्‍क थासय् मरि कम यानाबिया, अथे जूसां छिपिं जिथाय् फहिला मवः,” परमप्रभुं धयादी।

आमोस 4:8

मनूत शहर शहर जुयाः लःया निंतिं धेधे चुइक जुयाजुल, तर त्‍वनेत माक्‍व मदु, अथे जूसां छिपिं जिथाय् फहिला मवः,” परमप्रभुं धयादी।

हबकूक 3:17

यःमरिया सिमाय् चुलि मह्ववःसां, दाखमाय् फल मसःसां, जैतूनया सिमाय् फल मदुसां, बुँइ अन्‍न मसःसां, गलय् फै-च्‍वलय् मदुसां, गलय् सा-द्वं हे मदुसां नं,

हाग्‍गै 2:17

छिमित व छिमिसं सय्‌कूगु फुक्‍क नाश यायेत जिं क्‍वाःगु फय्, फ्‍वसा, प्‍वँ छ्वयाहया। छिमिसं अय्‌नं पश्‍चाताप मयाः,’ परमप्रभुं धयादी।

मलाकी 3:11

“छिमिगु अन्‍न यक्‍व दइ छाय्‌धाःसा जिं छिमिगु अन्‍न बालियात कीचात व ल्‍वय्‌तपाखें रक्षा याये, छिमिगु दाखमायागु फल सये न्‍ह्यः हे हाया वइ मखु” दक्‍व शक्ति दुम्‍ह परमप्रभुं धयादी।

व्‍यवस्‍था 28:22

परमप्रभुं छिमित सुकूगनावनीगु ल्‍वचं काय्‌कादी अले छिपिं ज्‍वर व मनावइगु ल्‍वचं दने फइ मखु। छिमिगु अन्‍न बाली नाश यानाछ्वयेत वय्‌कलं वा मवइगु ई व तसकं क्‍वाःगु फय् छ्वयाहयादी। वय्‌कलं क्‍वःगु व फ्‍वसा वःगुलिं कय्‌कादी, अले म्‍वातले छिमिके थुपिं आपत विपत वया हे च्‍वनी।

व्‍यवस्‍था 28:42

क्‍वःबुइँचातय्‌सं छिमिगु फुक्‍क सिमा व अन्‍न बाली नयाबी।