आमोस 4:2 - नेवाः बाइबल

² परमप्रभु परमेश्‍वरं थःगु पवित्रतां थ्‍व पाफयादीगु दु, “स्‍व, व दिं धात्‍थें वइ गबले इमिसं छिमित न्‍यायात बल्‍छीं सालाकाः थें अंकुसें सालायंकी।

आमोस 4:2 ပူးပေါင်းရင်းမြစ်များ

भजनसंग्रहया सफू 89:35

जिं थःगु पवित्र नामय् न्‍ह्याबलेंया लागि बचं बियागु दु, जिं दाऊदलिसे गुबलें मखुगु खँ ल्‍हाये मखु।

भजनसंग्रहया सफू 89:36

वयागु वंश न्‍ह्याबलें दयाच्‍वनी अले जिगु न्‍ह्यःने वयागु सिंहासन सूर्य थें दयाच्‍वनी।

यशैया 37:29

छंगु तं व घमण्‍डया बारे जिं न्‍यनागु दु। अथे जुयाः जिं छंगु न्‍हासय् काकःचा व छंगु म्‍हुतुइ लगाम तयाबी। छ गुगु लँ जुयाः वःगु खः व हे लं जिं छन्‍त लित छ्वयाबी।

यर्मिया 16:16

“तर आः जिं यक्‍व न्‍या लाइपिं छ्वये, इमिसं थुपिं मनूतय्‌त लाइ,” परमप्रभुं धयादी। “अनंलि जिं थःम्‍हं हे यक्‍व शिकारीतय्‌त छ्वये, इमिसं थुमित फुक्‍क पर्वत, डाँडा व गुफां मामां लिकाइ।

इजकिएल 29:4

जिं छंगु वाकुधीलय् बल्‍छीत तयाबी, छंगु बिखुलिइ छंगु खुसिचाया न्‍यात जिं प्‍यपुंके बी। छंगु बिखुलिइ प्‍यपुनाच्‍वंपिं उपिं न्‍यातनापं जिं छन्‍त छंगु खुसिचातय्‌गु दथुं सालाः लिकाये।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

इजकिएल 38:4

जिं छन्‍त फनक्‍क चाःहिकाः साला हये। छंगु म्‍हुतुइ जिं बल्‍छी तयाबी। जिं छन्‍त व छिमि फुक्‍क सेनायात अर्थात छिमि सलत व सलगइपिं, लडाइँया हतियार, तःधंगु चिधंगु ढाल व तरवार घानातःपिं छगू तःधंगु सेनायात जिं पित हये।

आमोस 6:8

परमप्रभु परमेश्‍वरं थःगु हे नामं पाफयादीगु दु। दक्‍व शक्ति दुम्‍ह परमप्रभु परमेश्‍वरं घोषणा यानादी – “जिं याकूबया घमण्‍डयात यय्‌के मखु, अले वया किल्‍लातय्‌त तच्‍वकं मयय्‌के। जिं थुकी दुगु दक्‍वनापं थ्‍व शहरयात शत्रुतय्‌गु ल्‍हातिइ लःल्‍हानाबी।”

आमोस 8:7

याकूबया गर्व, परमप्रभुं थःगु नामं थथे धयाः पाफयादीगु दु, जिं इमिसं याःगु छुं ज्‍यायात नं ल्‍वःमंके मखु।