आमोस 3:9 - नेवाः बाइबल

⁹ अश्‍दोदया किल्‍लात व मिश्र देशया किल्‍लाय् च्‍वनीपिं मनूतय्‌त थ्‍व घोषणा या, “सामरियाया पहाड पहाडय् छिपिं मूंवा। अन दुने जूगु तःधंगु हो हल्‍ला व अन च्‍वंपिं मनूतय् दथुइ क्‍वत्‍यलेगु ज्‍या जुयाच्‍वंगु स्‍व।”

आमोस 3:9 ပူးပေါင်းရင်းမြစ်များ

२ शमूएल 1:20

“गातय् थ्‍व खँ न्‍यंके मते, अश्‍कलोनया लँय् लँय् थ्‍व खँ बय्‌बय् याना जुइ मते, मखुसा पलिश्‍तीतय् म्‍ह्याय्‌पिं खुशी जुइ, अले खतना मजूनिपिनि म्‍ह्याय्‌पिं लय्‌लय्‌ताइ।”

हितोपदेश 1:13

अले इमिगु सामान लाकाः झीसं थःपिनिगु धुकू जाय्‌के।

हितोपदेश 11:16

क्‍वमिलु मिसायात सकसिनं हनाबना तइ, नुगः छाःपिं मनूतय्‌सं सम्‍पत्ति जक मुंकी।

उपदेशक 4:1

हाकनं जिं थ्‍व संसारय् जुयाच्‍वंगु फुक्‍क अन्‍याय खना। क्‍वत्‍यलातःपिनीगु मिखां ख्‍वबि वयाच्‍वंगु जिं खना, अले इमित सान्‍त्‍वना बीपिं सुं छम्‍ह नं मदु। अन्‍याय याइपिनिपाखे शक्ति दु, अले क्‍वत्‍यलातःपिन्‍त सान्‍त्‍वना बीपिं सुं छम्‍ह नं मदु।

यर्मिया 31:5

छं सामरियाया डाँडा डाँडाय् हाकनं दाखमा पी। किसानतय्‌सं दाखमा पी अले उकिया फल नइ।

यर्मिया 46:14

“मिश्र देशय् सुचं ब्‍यु! मिग्‍दोलय् घोषणा या, नोप व तहपनेसय् नं घोषणा या, ‘तयार जुयाः थथःगु थाय् कयाः दँ, छाय्‌धाःसा तरवारं छिमिगु प्‍यखेरं क्‍वापक्‍वाप नयाच्‍वंगु दु।’

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

इजकिएल 36:8

“‘तर हे इस्राएलया पहाडत, छिमिसं थःगु कचात बुइकी, जिगु प्रजा इस्राएलया लागि फल सय्‌की, छाय्‌धाःसा इपिं याकनं हे छेँ लिहां वइ।

इजकिएल 37:22

जिं इमित थःगु हे देशय् इस्राएलया पहाड पहाडय् छगू हे जाति दय्‌के। इपिं सकसिगु लागि छम्‍ह हे जुजु जुइ। इपिं हाकनं गुबलें निगू अलग अलग जाति अथवा निगू अलग अलग राज्‍य जुइ मखु।

होशे 7:1

जिं इस्राएलयात लाय्‌काबीबलय् एफ्राइमया दुष्‍टता, व सामरियाया दुष्‍ट ज्‍या खनेदः वइ। इमिसं मेपिन्‍त ध्‍वंलानां तुं च्‍वनी खुँतय्‌सं छेँ स्‍यंकी, खुयायंकी, डाँखुतय्‌सं लँय् लुतय् याइ।

आमोस 1:8

अश्‍दोदया जुजुयात व अश्‍कलोनया शासकयात भज्‍यंक नाश यानाछ्वये। जिं एक्रोनया विरोधय् जिगु ल्‍हाः ल्‍ह्वने, अले ल्‍यंदुपिं फुक्‍क पलिश्‍तीत सी,” परमप्रभु परमेश्‍वरं धयादी।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

आमोस 6:3

छिमिसं वयाच्‍वंगु विपत्तियात चीकाछ्वइ, तर आतंकया ईयात न्‍ह्यःने हइ।

आमोस 8:6

जिमिसं चीमिपिन्‍त वहलं अले मगाःमचाःपिन्‍त छज्‍वः चप्‍पलं न्‍याये फइ, छ्वसनापं छ्व मी फइ।

मीका 6:10

हे दुष्‍ट घराना, छिमिसं बांमलाःगु अले अधर्मयागु ज्‍या यानाः कमय् यानातःगु सम्‍पत्ति व छंगु ध्‍वंलाइगु धःताल्‍जु घच्‍चाइपुसे मच्‍वं ला?

१ शमूएल 5:1

पलिश्‍तीतय्‌सं परमेश्‍वरया बाचाया सनू लाकायंकाः एबेन-एजेरं अश्‍दोद शहरय् यंकल।