छितः स्वीकार मयाःपिं जाति जातितय्के व छिगु नां मकाइपिं मनूतय्के थःगु तं प्वंकादिसँ! छाय्धाःसा इमिसं याकूबयात क्वाप्प नःगु दु। इमिसं वयात क्वाप्प नःगु दु अले वयागु देशयात नाश यानाब्यूगु दु।
उकिं दक्व शक्ति दुम्ह परमप्रभुं इमिगु बारे थथे धयादी, “जिं थःम्हं हे इमित सजाँय बी, इमि ल्याय्म्हपिं तरवारं व इमि काय्म्ह्याय्पिं नये मखनाः सी।
बुरापिं मनूत, ल्याय्म्हपिं ल्यासेपिं, मिस्त व मस्त सकसितं स्यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्ह्यःने दुपिं धर्म गुरुतपाखें हे थ्व ज्या शुरु यात।
जिमिथाय् तःधंगु विपत्ति हयाः जिमिगु व जिमि शासकतय्गु बारे न्ववानादीगु बचं छिं पूवंकादीगु दु। यरूशलेमय् वःगु विपत्ति थें ज्याःगु विपत्ति संसारय् गन नं मवःनि।
न्हापायागु खँ बिचाः या, परमेश्वरं पृथ्वीइ मनूयात दय्कादीबलय्निसें थौं तक आकाशया छगू कुन्चांनिसें मेगु कुन्चा तक, छु थज्याःगु तःधंगु खँ गुबलें जूगु दु वा न्यनागु दु ला?
परमप्रभु छिमि परमेश्वरया निंतिं छिपिं छगू पवित्र जाति खः। परमप्रभु छिमि परमेश्वरं पृथ्वीइ दुपिं सकलें मनूतय् दथुं थःगु निंतिं विशेष सम्पत्तिकथं छिमित ल्ययादिल।