आमोस 2:9 - नेवाः बाइबल

⁹ “जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

आमोस 2:9 ပူးပေါင်းရင်းမြစ်များ

उत्‍पत्ति 15:16

प्‍यंगू पुस्‍ता लिपा छिमि सन्‍तान थन लिहां वइ। उबलय्‌तक एमोरीतय्‌गु पाप जाइ मखुनि।”

१ इतिहास 1:14

यबूसीत, एमोरीत, गिर्गाशीत,

अय्‍यूब 18:16

वयागु क्‍वय्‌पाखेयागु हा गनावनी। उकिया च्‍वय्‌यागु कचात सुकूगनावनी।

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

प्रस्‍थान 34:11

थौं जिं छन्‍त बियाच्‍वनागु उजंयात मानय् या। स्‍व, जिं छंगु न्‍ह्यःनें एमोरी, कनानी, हित्ती, परिज्‍जी, हिव्‍वी व यबूसीतय्‌त लिनाछ्वये।

यशैया 10:33

अय्‌नं स्‍व! प्रभु, दक्‍व शक्ति दुम्‍ह परमप्रभुं तःमागु सिमायागु कचात न्‍हायादी। अनयागु तम्‍मागु सिमायात क्‍वथला चीमा यानादी।

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

इजकिएल 17:9

“इमित धा, ‘परमप्रभु परमेश्‍वरं थथे धयादी – व तःमा जुयामवइ ला? उकियात हांनिसें लिना मकाइ ला? अले उकियागु फल मखाइ ला, अले व सुकूमगनी ला? उकियागु फुक्‍क चुलि सुकूगनावनी। उकियात हांनिसें लिनाकायेत तसकं बल्‍लाःगु ल्‍हाः अथवा यक्‍व मनूत माली मखु।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

गन्‍ती 32:13

परमप्रभुं तंचायादिल, अले परमप्रभुया मिखाय् मभिंगु ज्‍या याःगु पुस्‍ताया फुक्‍क मनूत सिनामवंतले पिइदँ तक वय्‌कलं इमित मरुभूमिइ उखेंथुखें जुइकातल।

व्‍यवस्‍था 1:28

झीपिं गन वनेगु? झीसं छ्वयापिं मनूतय्‌सं ‘अनयापिं मनूत झीपिं स्‍वयाः बल्‍ला व तःधिकः, अनयागु शहरत ततःधं अले आकाश थ्‍यंक हे पःखाः ग्‍वयातःगु दु, अले जिमिसं अन अनाकीत नं खना’ धकाः धयाः जिमित ख्‍यात।”

व्‍यवस्‍था 3:11

(रपाईतय् दकलय् लिपांम्‍ह मनू बाशानया जुजु ओग खः। वयागु नँयागु खाताया हाकः गुंगू कु अले ब्‍या प्‍यंगू कु दु। व खाता आः तक नं अम्‍मोनीतय्‌गु शहर रब्‍बाय् दनि।)

यहोशू 10:12

परमप्रभुं एमोरीतय्‌त इस्राएलीतय्‌गु ल्‍हातय् बियादीखुन्‍हु यहोशूं इस्राएलीतय्‌गु न्‍ह्यःने परमप्रभुयात प्रार्थना यानाः धाल, “हे सूर्य, छ गिबोनया च्‍वय्, हे तिमिला, छ धाःसा अय्‌यालोनया ब्‍यासिया च्‍वय् दिना च्‍वँ।”

यहोशू 3:10

थुकिं छिमिसं धात्‍थेंयाम्‍ह परमेश्‍वर छिमिगु दथुइ दी धकाः सी। वय्‌कलं धात्‍थें हे छिमिगु न्‍ह्यःनें कनानीत, हित्तीत, हिव्‍वीत, परिज्‍जीत, गिर्गाशीत, एमोरीत व यबूसीतय्‌त इमिगु देशं ख्‍यानाछ्‌वइ।