आमोस 2:3 - नेवाः बाइबल

³ जिं इमि शासक व इमि दक्‍व भारदारतय्‌त भज्‍यंक नाश याये,” परमप्रभुं धयादी।

आमोस 2:3 ပူးပေါင်းရင်းမြစ်များ

अय्‍यूब 12:21

वय्‌कलं शासकतय्‌के अपमान प्‍वंकादी, अले बल्‍लाःपिन्‍त ल्‍वाभः मदुपिं यानाबी।

भजनसंग्रहया सफू 141:6

इमि शासकतय्‌त पहाडया च्‍वकां क्‍वफाइबलय् इमिसं जिं धयागु खँ सत्‍य खः धकाः सी।

भजनसंग्रहया सफू 2:10

उकिं, हे जुजुपिं, बुद्धि दय्‌कि! पृथ्‍वीया शासकत, होश या!

यशैया 40:23

वय्‌कलं शासकतय्‌त ज्‍यालगय् मजुइकादी, अले पृथ्‍वीइ च्‍वंपिं शासकतय्‌त छुं नं मखुपिं यानाः क्‍वकयादी।

यर्मिया 48:25

मोआबया नेकूध्‍यनाब्‍यूगु दु अले वयागु ल्‍हाः त्‍वथुलाब्‍यूगु दु,” परमप्रभुं धयादी।

यर्मिया 48:7

छिमिसं थःगु ज्‍याय् व थःगु धन सम्‍पत्तिइ भलसा तःगुलिं छिमित नं ज्‍वना यंकी। अले कमोश द्यःयात नं थः पुजाहारीत व थः शासकतनापं ताताःपाःगु देशय् यंकी।

आमोस 5:12

छाय्‌धाःसा छिमिगु द्वंबिद्वं गुलि यक्‍व दु अले छिमिगु पाप गुलि तःधं धकाः जिं स्‍यू। छिमिसं धर्मीपिन्‍त दुःख बी अले घुस काइ, अदालतय् गरीबतय्‌गु न्‍याय स्‍यंकूगु दु।

आमोस 5:7

छिमिसं न्‍याययात स्‍यंकीगु अले थुकियात खाइकाबीगु, छिमिसं धार्मिकतायात धुलय् वान्‍छ्वया बीगु।

आमोस 6:12

छु सलत पालूगु ल्‍वहँतय् ब्‍वाँय् वनी ला? छु सुं मनुखं अन द्वहंयात साय्‌काः बुँ पाली ला? तर छिमिसं न्‍याययात बिख व धार्मिकताया फलयात खाइका ब्‍यूगु दु।

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।