आमोस 2:2 - नेवाः बाइबल

² जिं मोआबय् मि तयाबी, अले उकिं किर्योतया किल्‍लात भज्‍यंक नाश याइ। लडाइँया हो हल्‍ला, तःच्‍वगु लडाइँया सः व तुरहीया सःया दथुइ मोआबया मनूत नाश जुइ।

आमोस 2:2 ပူးပေါင်းရင်းမြစ်များ

यशैया 9:5

लडाइँलय् सिपाइँतय्‌सं छ्यःगु फुक्‍क लाकां व हि क्‍यूगु वसःत मि छ्वय्‌का छ्वइगु जुइ।

यर्मिया 48:24

किर्योत, बोज्रा व मोआबया लिक्‍क व ताताःपाःगु फुक्‍क शहरयागु।

यर्मिया 48:34

“हेश्‍बोनं इपिं ख्‍वःगु सः एलाले व यहश तक हे थ्‍यंगु दु, सोअरंनिसें होरोनैम व एग्‍लत-शलीशियाह तक हे, छाय्‌धाःसा निम्रीमया लः नं सुनावने धुंकल।

यर्मिया 48:41

किर्योतयात कब्‍जा याइ, अले किल्‍लात अधिकार याइ। उखुन्‍हु मोआबया सिपाइँतय्‌गु नुगः मचाबू ब्‍यथा जूम्‍ह मिसाया नुगः थें जुइ।

यर्मिया 48:45

“बिस्‍युं जुयाच्‍वंपिं मनूत ग्‍वाहालि मदयाः हेश्‍बोनया किचलय् दनी। छाय्‌धाःसा हेश्‍बोनं छगू मि व सीहोनया दथुं ह्वानाह्वाना च्‍यानाच्‍वंगु मि पिहां वःगु दु। उकिं मोआबया कपाःतय्‌त व ल्‍वापु याइपिं घमण्‍डीतय्‌गु छ्यंक्‍वँय्‌यात भस्‍म यानाबी।

इजकिएल 25:8

“परमप्रभु परमेश्‍वरं थथे धयादी, ‘मोआब व सेइरं थथे धाःगु दु, “स्‍व, यहूदाया घराना ला मेगु फुक्‍क जातित थें जूगु दु।”

आमोस 1:14

जिं रब्‍बाया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ। व लडाइँया दिनय् तसकं हल्‍ला जुइ, अले तसकं तःच्‍वगु वाफय् वःगु दिनय् थें लडाइँ जुइ।

आमोस 1:4

जिं जुजु हजाएलया दरबारय् मि तयाः छ्वय्‌काबी, अले उकिं बेन-हददया किल्‍लात भज्‍यंक नाश याइ।