आमोस 1:4 - नेवाः बाइबल

⁴ जिं जुजु हजाएलया दरबारय् मि तयाः छ्वय्‌काबी, अले उकिं बेन-हददया किल्‍लात भज्‍यंक नाश याइ।

आमोस 1:4 ပူးပေါင်းရင်းမြစ်များ

१ राजा 19:15

परमप्रभुं वयात धयादिल, “हुँ, दमस्‍कसया मरुभूमिइ लिहां हुँ, अन थ्‍यनेधुंकाः छं अरामयाम्‍ह जुजु जुइत हजाएलयात अभिषेक या!

२ राजा 13:25

इस्राएलया जुजु येहोआशं स्‍वकः हजाएलया काय् बेन-हददयात बुकल। वं थः अबु यहोआहाजया पालय् बेन-हददं काःगु इस्राएलया शहर लित काल।

२ राजा 13:3

उकिं परमप्रभु इस्राएल खनाः तसकं तंचायादिल, अले वय्‌कलं इमित ताःई तक अरामया जुजु हजाएल व वया काय् बेन-हददया अधीनय् तयादिल।

२ राजा 6:24

छुं ई लिपा अरामया जुजु बेन-हददं थः फुक्‍क सेना मुंकाः सामरियापाखे न्‍ह्यज्‍यानाः उकियात घेरय् यात।

२ इतिहास 16:2

अले आसां परमप्रभुया देगलं व लाय्‌कूया धुकुतिं लुँ, वहः लिकयाः दूतनापं दमस्‍कसय् राज्‍य याइम्‍ह अरामया जुजु बेन-हददयाथाय् छ्वयाः थथे धाल,

यर्मिया 17:27

तर विश्रामबारयात पवित्र मानय् या! अले विश्रामबार खुन्‍हु कु क्‍वबियाः यरूशलेमया ध्‍वाखा ध्‍वाखाय्‌ जुयाः दुहां वये मते धइगु जिगु खँ छिमिसं ध्‍यान बियाः मन्‍यन धाःसा जिं उकिया ध्‍वाखात मि तयाबी। अले थुकिं यरूशलेमया किल्‍लात भज्‍यंक नाश याइ।’”

यर्मिया 49:27

दमस्‍कसया पखालय् जिं मि तयाबी, उकिं बेन-हदद जुजुया किल्‍लात भस्‍म याइ,”

इजकिएल 30:8

जिं मिश्र देशय् मि तयाबीबलय् अले वयात ग्‍वाहालि बीपिं फुक्‍क चुंचुं जुइबलय् इमिसं जि हे परमप्रभु खः धकाः सी।

इजकिएल 39:6

जिं मागोग व समुद्रया सिथय् याउँक च्‍वनाच्‍वंपिन्‍के मि छ्वयाहये, अले इमिसं जि हे परमप्रभु खः धकाः सी।

होशे 8:14

इस्राएलया मनूतय्‌सं थःत दय्‌कादीम्‍ह सृष्‍टिकर्ता परमेश्‍वरयात ल्‍वमंकाः ततःखागु छेँ दय्‌कल, यहूदाया मनूतय्‌सं यक्‍व शहरय् किल्‍लात दय्‌कल। तर जिं इमिगु शहरय् मि तयाबी, अले उकिं वया किल्‍लायात भस्‍म यानाबी।”

आमोस 1:10

जिं टुरोसया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ।”

आमोस 1:12

जिं तेमान शहरय् मि तयाः छ्वय्‌काबी, उकिं बोज्राया किल्‍लात भज्‍यंक नाश याइ।”

आमोस 1:14

जिं रब्‍बाया पखालय् मि तयाः छ्वय्‌काबी, उकिं वया किल्‍लात भज्‍यंक नाश याइ। व लडाइँया दिनय् तसकं हल्‍ला जुइ, अले तसकं तःच्‍वगु वाफय् वःगु दिनय् थें लडाइँ जुइ।

आमोस 1:7

जिं गाजाया पखालय् मि तयाः छ्वय्‌काबी, उकिं वया फुक्‍क किल्‍लात भज्‍यंक नाश याइ।

आमोस 2:2

जिं मोआबय् मि तयाबी, अले उकिं किर्योतया किल्‍लात भज्‍यंक नाश याइ। लडाइँया हो हल्‍ला, तःच्‍वगु लडाइँया सः व तुरहीया सःया दथुइ मोआबया मनूत नाश जुइ।

आमोस 2:5

अथे जुयाः जिं यहूदाय् मि तयाबी, उकिं यरूशलेमया किल्‍लात भज्‍यंक नाश याइ।”

न्‍यायकर्ता 9:57

अले शकेमयापिं मनूतय्‌सं याःगु फुक्‍क मभिंगु ज्‍या नं परमेश्‍वरं इमिगु हे छेनय् लितः छ्वयादिल। यरूब-बालया काय् योतामयागु सराः इमित हे लात।