आमोस 1:2 - नेवाः बाइबल

² वं धाल, “परमप्रभु सियोन पर्वतं सिंह थें गर्जय् जुयादी, अले वय्‌कः यरूशलेमं थ्‍वय्‌क हालादी। फैजवाःतय्‌गु घाँय्‌ख्‍यः व कर्मेल डाँडाया च्‍वकाय् दुगु घाँय् गनावनी।”

आमोस 1:2 ပူးပေါင်းရင်းမြစ်များ

भजनसंग्रहया सफू 29:4

परमप्रभुया सलय् तःधंगु शक्ति दु। परमप्रभुया सः तसकं तःजि।

भजनसंग्रहया सफू 46:6

जाति जातियापिं मनूतय् दथुइ तसकं हल्‍लाखल्‍ला जुल, राज्‍य-राज्‍य लिगिलिगि सनाः क्‍वःदल वय्‌कलं थःगु सः पिकयादिल, पृथ्‍वी नायावन।

हितोपदेश 20:2

जुजुयागु तं धयागु सिंहयागु सः थें खः, सुनां वयात तं पिकाय्‌की, वयागु ज्‍यान वनी।

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

यशैया 35:2

व लिली स्‍वां थें चक्‍कना ह्वइ। व तसकं लय्‌ताइ अले तसलं म्‍ये हाली, अले वयात लेबनानया गौरव, कर्मेल व शारोनया एेश्‍वर्य बिइ। इमिसं परमप्रभुया महिमा व झी परमेश्‍वरया एेश्‍वर्य खनी।

यशैया 42:13

परमप्रभु तसकं बल्‍लाःम्‍ह मनू थें पिहांझाइ। वय्‌कलं लडाइँया निंतिं छम्‍ह बल्‍लाःम्‍ह सिपाइँनं क्‍यंगु थें थःगु जोश क्‍यनादी। वय्‌कः तःसलं हालादी अले तःसलं लडाइँया सः थाहांवनी। वय्‌कलं थः शत्रुतय्‌त बुकी।

यर्मिया 12:4

देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 25:30

“आः छं इमिगु विरोधय् थ्‍व फुक्‍क खँ अगमवाणी ल्‍हानाः इमित धा, “‘परमप्रभु स्‍वर्गं थ्‍वयेक हालादी। वय्‌कः थः च्‍वनादीगु पवित्र थासं थ्‍वयेक हालादी, अले थःगु देशया विरोधय् वय्‌कः तःसलं हालादी। पृथ्‍वीइ च्‍वंपिं सकसिगु विरोधय्, दाखमद्य न्‍हुइपिं थें वय्‌कः हालादी।

यर्मिया 28:8

जि व छ स्‍वयाः न्‍ह्यः वःपिं अगमवक्तातय्‌सं यक्‍व देश व ततःधंगु देशया विरोधय् लडाइँ, विपत्ति व महामारीया बारे अगमवाणी ल्‍हाःगु दु।

यर्मिया 50:19

तर जिं इस्राएलयात वयागु थःगु हे ख्‍यलय् लित हये अले व कर्मेल व बाशानय् जइ। वयागु नये पित्‍याःगु एफ्राइम व गिलादया डाँडाय् लुधनी।”

होशे 11:10

इपिं परमप्रभुया ल्‍यूल्‍यू वनी अले वय्‌कः सिंह थें हालादी। गुबलय् वय्‌कः हाली, वय्‌कःया मस्‍त थरथर खाखां पच्‍छिमं वइ।

होशे 13:8

मचात लाका काःम्‍ह मांम्‍ह भालुं थें जिं इमित झम्‍तय् यानाः फायाबी। सिंहनं थें जिं इमित नापलाःगु थासय् हे नुनाछ्वये अले गुँइ च्‍वंपिं पशुतय्‌सं थें कुचा कुचा यानाबी।

योएल 1:19

हे परमप्रभु, जिं छिके ग्‍वाहालि फ्‍वने। छाय्‌धाःसा मरुभूमिइ च्‍वंगु घाँय्‌ख्‍यः मिं नःगु दु, अले मिंयागु जलां गुँइच्‍वंगु सिमा छ्वय्‌काब्‍यूगु दु।

योएल 2:11

परमप्रभुं थः सेनातय् न्‍ह्यःने तसकं थ्‍वःगु सः न्‍यंकादी। वय्‌कलं धाःथें याइपिं वय्‌कःया सेना तसकं बल्‍लाः अले यक्‍व नं दु। परमप्रभुया दिं तःधं व सिक्‍क हे ग्‍यानपुसे च्‍वं! थ्‍व सुनां सह याये फइ?

योएल 3:16

परमप्रभु सियोनं तस्‍सलं हालादी। वय्‌कःया सः यरूशलेमं वःगु नँ न्‍याःगु सः थें च्‍वं। आकाश व पृथ्‍वी थुरथुर खाइ। परमप्रभु धासाः थः प्रजाया निंतिं शरण कायेगु थाय् व इस्राएलया मनूतय्‌गु निंतिं किल्‍ला जुयादी।

आमोस 9:3

इपिं कर्मेल डाँडाय् सुला च्‍वंसां जिं इमित मालाः ज्‍वने। इपिं जिपाखें सुलाः समुन्‍द्रया क्‍वय् वंसां जिं सर्पयात इमित न्‍यायेगु आज्ञा बी।

नहूम 1:4

वय्‌कलं ब्‍वबियादीबलय् समुद्र सुनावनी। वय्‌कलं दक्‍व खुसित सुकादी। बाशान व कर्मेलया वाउँसे च्‍वंगु घाँय्‌ख्‍यः गनावनी, अले लेबनानया वाउँसे च्‍वंगु गुँत झ्‍वाः जुयावनी।

१ शमूएल 25:2

अन माओनय् छम्‍ह मनू दु। वया कर्मेल शहरय् यक्‍व सम्‍पत्ति दु। व तसकं धनीम्‍ह खः। वया स्‍वद्वः फै व द्वःछि च्‍वलय् दु। वं कर्मेलय् थः फैतय्‌गु सँ चानाच्‍वंगु खः।