प्रेरित 9:4 - नेवाः बाइबल

⁴ थथे जूगुलिं व बँय् भ्‍वसू वन। अले वयात थथे धयाहःगु सः ताये दत – “शाऊल, शाऊल, जितः छं छाय् दुःख बियाच्‍वनागु?”

प्रेरित 9:4 ပူးပေါင်းရင်းမြစ်များ

उत्‍पत्ति 16:8

अले वयात न्‍यनादिल, “साराईया दासी हागार, छ गनं वयागु, अले गन वनेत्‍यनागु?” वं लिसः बिल, “जि थः मालिकनी साराईपाखें बिस्‍युं वनाच्‍वनागु खः।”

उत्‍पत्ति 22:11

उबलय् हे स्‍वर्गं परमप्रभुया दूतं वयात सःतल, “अब्राहाम, अब्राहाम!” वं धाल, “जि थन दु।”

उत्‍पत्ति 3:9

तर परमप्रभु परमेश्‍वरं मनूयात सःतादिल, “छ गन दु?”

प्रस्‍थान 3:4

च्‍यानाच्‍वंगु मि स्‍वयेत व लिक्‍क वःगु खनाः परमप्रभु परमेश्‍वरं वयात च्‍यानाच्‍वंगु झालं, “मोशा, अय् मोशा” धकाः सःतादिल। अले मोशां धाल, “जि थन हे दु।”

यशैया 6:8

अनंलि परमप्रभुं थथे धाःगु जिं ताल, “जिं सुयात छ्वयेगु? अले जिमिगु निंतिं सु वनेगु?” जिं लिसः बिया, “जि वने प्रभु, जितः छ्वयादिसँ!”

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

गन्‍ती 16:45

“छिपिं थ्‍व खलःपाखें चिला हुँ, अले जिं थुमित पलखं हे भस्‍म याये।” अले मोशा व हारून बँय् भ्‍वपुल।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

लूका 10:41

वय्‌कलं लिसः बियादिल – “मार्था, मार्था, छं न्‍ह्यागु खँय् नं छाय् धन्‍दा कयाच्‍वनागु?

यूहन्‍ना 18:6

“व जि हे खः” धकाः धयादीगुलिं इपिं लिज्‍यां वनाः बँय् ग्‍वारातू वन।

यूहन्‍ना 20:16

वय्‌कलं वयात धयादिल – “मरियम!” वं लिफः स्‍वयाः हिब्रू भाषां वय्‌कःयात धाल – “रब्‍बोनी।” उकियागु अर्थ “गुरु” खः।

यूहन्‍ना 21:15

नयेनी धुंकाः येशूं सिमोन पत्रुसयात धयादिल – “यूहन्‍नाया काय् सिमोन, थुमिसं स्‍वयाः छं जितः अप्‍वः माया याना ला?” वं वय्‌कःयात धाल – “खः प्रभु, जिं छितः माया याः धकाः छिं स्‍यू।” अले वय्‌कलं धयादिल – “जिमि चीधिकःपिं भ्‍याःचातय्‌त ज्‍व।”

प्रेरित 5:10

उघ्रिमय् हे व मिसा नं पत्रुसयागु न्‍ह्यःने क्‍वदयाः सित। अबलय् हे ल्‍याय्‌म्‍हपिं मनूतय्‌सं वयाः सी धुंकूगु खनाः वयात नं क्‍वबिया यन। अले वया भाःतयागु लिक्‍क तुं थुनाबिल।

प्रेरित 9:5

अले शाऊलं धाल – “हे प्रभु, छि सु खः?” अले वय्‌कलं धयादिल – “जि येशू खः, गुम्‍हय्‌सित छं दुःख बियाच्‍वन।

रोमी 11:22

थुकथं यानादीम्‍ह परमेश्‍वर दया माया यानादीम्‍ह नं खः, अले सजाँय बियादीम्‍ह नं खः। स्‍यना वंपिन्‍त वय्‌कलं सजाँय बियादी, छिमित धाःसा दया माया यानादी। छिमिसं नं वय्‌कःयागु दया माया मयय्‌काः मच्‍वँसे वास्‍ता मयाःसा छिमित नं ध्‍यनाः छ्वइ।

१ कोरिन्‍थी 12:12

मण्‍डली म्‍ह थें खः। गथे तःता म्‍हब्‍व दःसां म्‍ह ला छगू हे जुइ। म्‍ह छगू हे जूसां तःता म्‍हब्‍व दइ। ख्रीष्‍ट नं अथे हे खः।

१ कोरिन्‍थी 4:7

छिमित सुनां मेपिं स्‍वयाः तःधं याना तल? छिमिके दुगु फुक्‍कं परमेश्‍वरं हे बियादीगु मखु ला? फुक्‍कं अथे बियातःगु जूसां ब्‍यूगु हे मखु थें यानाः छाय् छिपिं तःधंछुया जुइगु?

एफिसी 5:30

छाय्‌धाःसा झीपिं वय्‌कःयागु म्‍हया ब्‍वत खः।