प्रेरित 9:3 - नेवाः बाइबल

³ छन्‍हु थ्‍व हे शाऊल दमस्‍कसपाखे स्‍वया वनाच्‍वंबलय् अन थ्‍यनिथें च्‍वंकाः आकाशं तसकं थीगु जः वयागु छचाःखेलं थिल।

प्रेरित 9:3 ပူးပေါင်းရင်းမြစ်များ

भजनसंग्रहया सफू 104:2

छिं थःत जलं त्‍वपुयादीगु दु। अले आकाशयात पाल थें चक्‍कंकादीगु दु।

प्रेरित 22:6

“वँवं जि दमस्‍कसय् थ्‍यनी थें च्‍वंकाः स्‍वर्गं तसकं थीगु जः जिगु छचाःखेलं थिल।

प्रेरित 9:17

अले हननियां शाऊल च्‍वनाच्‍वंगु छेँय् वनाः वयागु छेनय् ल्‍हाः तयाः थथे धाल – “किजा शाऊल, लँय् वयाच्‍वंबलय् छिं खंम्‍ह प्रभु येशूं हे छिं हानं मिखां खनेमा, अले पवित्र आत्‍मां जायेमा धकाः जितः थन छ्वयाहयादिल।”

प्रेरित 9:27

अले बारनाबासं वयात प्रेरिततय्‌थाय् ब्‍वना हयाः गथे लँय् वनाच्‍वंबलय् प्रभुं दर्शन बियाः शाऊल नाप नवानादिल, अले दमस्‍कसय् छफुति हे मग्‍यासे वं येशूयागु खँ न्‍यंकल धकाः कन।

१ कोरिन्‍थी 15:8

दकलय् लिपा ई मत्य्‌क बूम्‍ह मनूयाथाय् थें वय्‌कः जिथाय् नं झाल।

१ कोरिन्‍थी 9:1

जिं जक यःथें याये मदु ला? जि जक छम्‍ह प्रेरित मखु ला? झी प्रभु येशूयात जिं खनागु मदु ला? छिमित परमेश्‍वरयागु भिंगु खँ न्‍यंकाः विश्‍वास याका तयाम्‍ह जि हे मखु ला?

१ तिमोथी 6:16

वय्‌कः न्‍ह्याबलें दयाच्‍वनीम्‍ह, सुं हे वने फइ मखुगु जलय् च्‍वनीम्‍ह खः। वय्‌कःयात आः तक सुनानं खंगु मदुनि, अले खनी नं मखु। सदां दयाच्‍वनीगु शक्ति वय्‌कःयाके हे दयाच्‍वनेमा, अले वय्‌कः न्‍ह्याबलें तःधनेमा। आमेन।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।

प्रकाश 22:5

अन चा धयागु हे दइ मखु। इमित मतयागु जः व सूर्ययागु जः माःगु मखुत। परमप्रभु परमेश्‍वरं हे इमित जः बियादी। इमिसं न्‍ह्याबलें राज्‍य यानाच्‍वनी।