प्रेरित 8:9 - नेवाः बाइबल

⁹ अन सिमोन नां दुम्‍ह छम्‍ह मनू दु। जादुयागु ज्‍या यानाः वं शहरय् च्‍वंपिं मनूतय्‌त अजू चाय्‌काः थःत तःधंम्‍ह मनू खः धकाः धया जुयाच्‍वन।

प्रेरित 8:9 ပူးပေါင်းရင်းမြစ်များ

प्रस्‍थान 7:11

अले फारोनं ग्‍यां दुपिं व जादु क्‍यनिपिं मनूतय्‌त सःतल। अले मिश्रया जादु क्‍यनिपिन्‍सं वयाः थथःगु जादुनं अथे हे यानाः क्‍यन।

प्रस्‍थान 7:22

मिश्रया जादु क्‍यनिपिन्‍सं नं थःगु जादुनं अथे हे यात। अले परमप्रभुं धयादी थें फारोया नुगः छाना वन। वं मोशा व हारूनया खँ मन्‍यन।

प्रस्‍थान 9:11

कै पिचाःगुलिं जादु क्‍यनिपिं मोशाया न्‍ह्यःने दनाच्‍वने मफुत छाय्‌धाःसा सकल मिश्रीतय्‌गु म्‍हय् थें इमिगु म्‍हय् नं कै पिचाःगु खः।

लेवी 20:6

“‘सुं मनू तन्‍त्रमन्‍त्रय् लगय् जुल धाःसा जिं वयात त्‍वःते मखु। छाय्‌धाःसा वं जिगु विरोधय् बेस्‍याया थें ज्‍या यात। जिं वयात वया थः मनूतपाखें पितिनाछ्वये।

यूहन्‍ना 7:18

थःगु हे जक खँ ल्‍हाइम्‍ह मनू थः हे जक तःधं जुइत स्‍वइ। बरु थःत छ्वया हःम्‍हय्‌सित तःधंकेत स्‍वइम्‍ह मनू हे सत्‍यम्‍ह खः। अले वयाके मभिंगु छुं हे दइ मखु।

प्रेरित 13:6

इपिं सलामिसं पाफोस धाःगु शहरय् थ्‍यंकः वन। अन इमिसं छम्‍ह फताहा अगमवक्ता बार-येशू धाःम्‍ह यहूदी झाँक्री नापलात।

प्रेरित 13:8

एलुमास धाःम्‍ह बार-येशूं धाःसा तःधंम्‍ह हाकिमयात परमेश्‍वरयागु खँ मन्‍यंकेगु कुतः यात।

प्रेरित 5:36

न्‍हापा नं थूदास धाःम्‍ह छम्‍ह मनुखं वयाः ‘जि तःधंम्‍ह खः’ धकाः धयाजुल। वया प्‍यसःति थः मनू दु। लिपा वयात स्‍यायेधुंकाः वया मनूत उखेलाः थुखेलाः मदयावन। थुकथं इपिं फुक्‍कं फासफुस जुयाः वन।

प्रेरित 8:11

थथे सिमोनं ताःइलंनिसें सामरीतय्‌त जादु याना क्‍यनाच्‍वंगुलिं इमिसं वयागु खँ न्‍यं।

२ थेसलोनिकी 2:4

वं थथःम्‍हं तःधं जुयाः मनूतय्‌सं परमेश्‍वर धयाच्‍वंगु व पुजा यानाच्‍वंगु फुक्‍कयात क्‍वह्यंकी। थःम्‍हं थःत परमेश्‍वर धयाः व परमेश्‍वरया देगलय् च्‍वंवनी।

२ तिमोथी 3:2

अबलय्‌यापिं मनूत थःत जक भिंका जुइपिं, धिबायागु लोभ यानाजुइपिं, तःधंछुया जुइपिं, घमण्‍ड यानाजुइपिं, कर्पिन्‍त क्‍वह्यंका जुइपिं, मांबौयागु खँ मन्‍यनीपिं, गुण मस्‍यूपिं, परमेश्‍वरयात वास्‍ता मयाःपिं,

२ तिमोथी 3:5

पिनें परमेश्‍वरयात मानय् यानाजुइपिं, दुनुगलं धाःसा वय्‌कःयागु शक्तियात मानय् मयाइपिं जुइ। थुपिंलिसे जुइ मते।

२ पत्रुस 2:18

इमिसं तःधंछुयाः फुइँफाँय् याना जुइ। अले नकतिनि हे जक पापं लिचिलाः धर्मी जुइत कुतः यानाच्‍वंपिं मनूतय्‌त नं लोभ क्‍यनाः मोजमज्‍जा यायेगुलिइ साला हइ।

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।