प्रेरित 8:30 - नेवाः बाइबल

³⁰ फिलिप ब्‍वाँय् वन, व मनुखं यशैया धाःम्‍ह अगमवक्तां च्‍वःगु सफू ब्‍वना वयाच्‍वंगु न्‍यनाः फिलिपं न्‍यन – “छिं ब्‍वनाच्‍वनागु खँ थू ला?”

प्रेरित 8:30 ပူးပေါင်းရင်းမြစ်များ

भजनसंग्रहया सफू 119:32

जि छिगु आज्ञाया लँपुइ ब्‍वाँय् वने, छाय्‌धाःसा छिं जिगु नुगःयात स्‍वतन्‍त्र यानादीगु दु।

उपदेशक 9:10

छंगु ल्‍हातय् छु ज्‍या दु व थःगु बलं फत्तले या, छाय्‌धाःसा पातालय् वनीबलय् अन न छुं ज्‍या याइ, न ग्‍वसाः ग्‍वइ, न ज्ञान दइ, न त बुद्धि हे दइ।

मत्ती 13:19

गुलिखय् मनूतय्‌सं परमेश्‍वरयागु राज्‍ययागु खँ न्‍यनाः नं थुइके फइ मखु। थुपिं लँय् लाःगु पुसा थें खः। इमिगु नुगलय् ह्वलातःगु परमेश्‍वरयागु वचन शैतानं वयाः लिकया यंकी।

मत्ती 13:23

परमेश्‍वरयागु वचन न्‍यनाः थुइका काइपिं मनूत भिंगु चाय् लाःगु पुसा थें खः। थुमिसं यक्‍व अन्‍न सय्‌की। गुलिसिनं सछि, गुलिसिनं खुइदुगं, गुलिसिनं स्‍विदुगं अन्‍न सय्‌की।”

मत्ती 13:51

वय्‌कलं न्‍यनादिल – “थ्‍व खँ छिमिसं थुल ला?” अले इमिसं “थुल” धकाः धाल।

मत्ती 15:10

येशूं मनूतय्‌त सःताः धयादिल – “न्‍यँ अले थुइकि।

मत्ती 24:15

“अगमवक्ता दानिएलं पवित्रगु थासय् घच्‍चायापुगु व ग्‍यानापुगु ज्‍या जुइ धयाथकूगु खँ छिमिसं स्‍वये दइ।” (थ्‍व खँ ब्‍वंम्‍हय्‌सिनं थुइमा)

मर्कूस 13:14

थ्‍व खँ ब्‍वंम्‍हय्‌सिनं थुइमा – “नाश याइगु घच्‍चायापुगु खँ गन मदयेमाःगु खः अन दनाच्‍वंगु छिमिसं खनेवं यहूदियाय् च्‍वनाच्‍वंपिं पहाडय् बिस्‍युं वनेमा।

यूहन्‍ना 4:34

वय्‌कलं धयादिल – “जितः छ्वयाहया दीम्‍हय्‌सिगु ज्‍या सिधय्‌केगु, अले वय्‌कलं धाःथें यानाजुइगु हे जिगु नसा खः।

यूहन्‍ना 5:39

“अनन्‍त जीवन दइ धकाः छिमिसं धर्मशास्‍त्र ब्‍वना जुइ। व हे धर्मशास्‍त्रं जिगु साक्षी बी,

प्रेरित 8:27

अले फिलिप उघ्रिमय् दनाः वन। वं लँय् इथियोपिया देशयाम्‍ह महारानीया छम्‍ह तःधंम्‍ह दांभरिंयात नापलात। व छम्‍ह नपुंसक खः। व यरूशलेमय् परमेश्‍वरयात आराधना यानाः

प्रेरित 8:29

अले पवित्र आत्‍मां फिलिपयात धाल – “व बग्‍गिया लिक्‍क हुँ।”

प्रेरित 8:31

अले वं धाल – “सुनानं स्‍यना मबीकं गय् यानाः थुइकेगु?” अले वं फिलिपयात थःनाप तुं बग्‍गिलय् च्‍वनेत बिन्‍ति यात।

प्रेरित 8:5

अथे हे फिलिपं नं सामरियाय् वनाः ख्रीष्‍टयागु भिंगु खँ न्‍यंकाजुल।

१ कोरिन्‍थी 14:19

मण्‍डली मुनाः सेवा यायेबलय् धाःसा द्वःछिगू खँग्‍वः नवायेगु स्‍वयाः मेपिन्‍सं थुइक न्‍यागू हे जक खँग्‍वलं स्‍यनेगु यः।

एफिसी 5:17

उकिं मूर्ख जुइ मते, बरु प्रभुयात यःकथं ज्‍याखँ याना जु।

प्रकाश 13:18

थ्‍व थुइकेत बुद्धि माः। सुयाके बुद्धि दु वं थ्‍व पशुयागु ल्‍याःयागु अर्थ थुइका काइ। थ्‍व ल्‍याः मनूयागु नां खः। थ्‍व ल्‍याः ६६६ खः।