प्रेरित 8:3 - नेवाः बाइबल

³ शाऊलं धाःसा विश्‍वासीतय्‌त स्‍यंका हे त्‍वःते धकाः छेँय् छेँय् वनाः विश्‍वासी मिसातय्‌त मिजंतय्‌त सातुसालाः यंकाः झ्‍यालखानाय् कुना बीगु यानाच्‍वन।

प्रेरित 8:3 ပူးပေါင်းရင်းမြစ်များ

प्रेरित 16:19

व दासीया मालिकतय्‌सं थथे थःपिनिगु धिबा कमय् यायेगु लँ मदय्‌का ब्‍यूगुलिं पावल व सिलासयात ज्‍वनाः लुत्तु लुयाः हाकिमतय्‌थाय् यंकल।

प्रेरित 22:19

“अले जिं धया – ‘प्रभु, धर्मशास्‍त्र स्‍यनिगु छेँ पतिं वनाः जिं छितः विश्‍वास याक्‍वसित ज्‍वनाः झ्‍यालखानाय् कुनागु व कसाः याना जुयागु फुक्‍क खँ इमिसं स्‍यू।

प्रेरित 7:58

इमिसं वयात सालाः शहरं पिने यंकाः ल्‍वहँतं कय्‌कल। शाऊल धाःम्‍ह ल्‍याय्‌म्‍हम्‍ह मनू धाःसा ल्‍वहँतं कय्‌कूपिनिगु वसः स्‍वयेत पिवाः च्‍वनाच्‍वन।

प्रेरित 8:2

सुं विश्‍वासीतय्‌सं वयाः स्‍तिफनसयात यंकाः थुनाबिल। थथे व सीगुलिं इपिं तसकं नुगः मछिंकाः ख्‍वल।

प्रेरित 9:21

वयागु खँ न्‍यनाः मनूतय्‌सं अजू चायाः थथे धाल – “यरूशलेमय् येशूयागु नां काःपिं मनूतय्‌त स्‍याना जूम्‍ह मनू थ्‍व हे मखु ला? अले थन नं छु व इमित तःधंपिं पुजाहारीतय्‌थाय् ज्‍वना यंकेत वःम्‍ह मखु ला?”

१ कोरिन्‍थी 15:9

उकिं जि ला प्रेरितत मध्‍ये दकलय् चिधंम्‍ह खः। परमेश्‍वरयात विश्‍वास याना जूपिन्‍त सास्‍ती बियाजुइ धुनागुलिं जितः प्रेरित धकाः धाये मल्‍वः।

गलाती 1:13

न्‍हापा यहूदी धर्मकथं जुया च्‍वनाबलय् जि गज्‍याःम्‍ह खः धकाः ला छिमिसं बांलाक हे स्‍यू। परमेश्‍वरया मण्‍डलीयापिन्‍त जिं गुलि दुःखकष्‍ट व सास्‍ती बिया, अले थुमित नाश हे यानाछ्वयेत कुतः यानाम्‍ह नं जि हे खः।

फिलिप्‍पी 3:6

धर्मयागु ज्‍याखँय् नं जि विश्‍वासीतय्‌त दुःखकष्‍ट बीगुलिइ न्‍ह्यज्‍याना च्‍वनाम्‍ह खः। अले हानं जि यहूदीतय्‌गु थितिकुति मानय् यानाः धर्मी जुया च्‍वनाम्‍ह नं खः।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

याकूब 2:6

तर छिमिसं ला चीमिपिन्‍त हे हेला यानाच्‍वन। छिमित त्‍यला तःपिं सु? तःमिपिं हे मखु ला? छिमित अदालतय् यंकीपिं सु? तःमिपिं हे मखु ला?