प्रेरित 8:2 - नेवाः बाइबल

² सुं विश्‍वासीतय्‌सं वयाः स्‍तिफनसयात यंकाः थुनाबिल। थथे व सीगुलिं इपिं तसकं नुगः मछिंकाः ख्‍वल।

प्रेरित 8:2 ပူးပေါင်းရင်းမြစ်များ

उत्‍पत्ति 23:2

कनानया किर्यत-अर्बा धाःथाय् सित (थौंकन्‍हय् हेब्रोन धाइ)। अब्राहाम व सीगुया दुःखं च्‍वन।

उत्‍पत्ति 50:9

मनूत रथय् च्‍वनाः व सल गयाः नं व नापं वन। थ्‍व तसकं तःधंगु हुल खः।

२ शमूएल 3:31

अनंलि दाऊदं योआब अले वनापं दुपिं फुक्‍क मनूतय्‌त थःगु लं खुनाः भांग्रा फिइत व अबनेरया सीम्‍ह न्‍ह्यः न्‍ह्यः विलाप यायां हुँ धकाः हुकुम यात अले जुजु थः नं सीम्‍हया ल्‍यूल्‍यू वन।

२ इतिहास 32:33

हिजकिया सित, वयात दाऊदया सन्‍तानतय्‌गु चिहानया च्‍वय् थुन। व सीबलय् यहूदा व यरूशलेमयापिं सकल मनूतय्‌सं वयात तसकं हनाबना तल। वया लिपा वया काय् मनश्‍शे जुजु जुल।

२ इतिहास 35:25

अगमवक्ता यर्मियां नं योशियाहया निंतिं सीम्‍येत च्‍वल। म्‍ये हालीपिं फुक्‍क मिजं व मिस्‍तय्‌सं थौं तक नं थुपिं सीम्‍येलय् योशियाहयात लुमंकी। थुपिं सीम्‍येत इस्राएलय् छगू परम्‍परा जूगु दु। थुपिं सीम्‍येत बिलापया म्‍येलय् नं च्‍वयातःगु दु।

यर्मिया 22:10

सी धुंकूम्‍ह जुजुया लागि ख्‍वये मते वा वयागु लागि नुगः मछिंके मते। बरु ज्‍वनायंकूम्‍ह मनूया लागि ह्वाँय्‌ह्वाँय् ख्‍व, छाय्‌धाःसा व हाकनं लिहां वइ मखु। वं थः जन्‍म जूगु देश हाकनं खनी मखु।

यर्मिया 22:18

अथे जुयाः यहूदाया जुजु योशियाहया काय् यहोयाकीमया बारे परमप्रभुं थथे धयादी, “‘हाय, जिमि किजा! हाय, जिमि केहेँ!’ धयाः इपिं वयागु निंतिं ख्‍वइ मखु। ‘हाय, जिमि मालिक! हाय, वय्‌कःया गौरव!’ धयाः इपिं वयागु लागि ख्‍वइ मखु।

गन्‍ती 20:29

हारून सिनावंगु खँ फुक्‍क खलकं सिल, अले फुक्‍क इस्राएलीत स्‍विन्‍हु तक दुखं च्‍वन।

मर्कूस 6:29

थ्‍व खँ न्‍यनाः यूहन्‍नाया चेलातय्‌सं वयाः वयागु सीम्‍ह यंकाः थुनाबिल।

लूका 2:25

अबलय् यरूशलेमय् शिमियोन धाःम्‍ह छम्‍ह मनू दु। थ्‍व मनू तसकं धर्मीम्‍ह व परमेश्‍वरया भक्त खः। व इस्राएलीतय्‌गु उद्धार जुइगु दिं स्‍वयेत पियाच्‍वंम्‍ह खः। पवित्र आत्‍मा वयाके च्‍वनादीगु दु।

प्रेरित 10:2

व छम्‍ह धर्मीम्‍ह मनू खः। व अले वया जहानपिं फुक्‍कसिनं परमेश्‍वरयात मानय् याः। वं फ्‍वं वःपिन्‍त नुगः मस्‍यासे ब्‍यू। अले परमेश्‍वरयात न्‍ह्याबलें प्रार्थना नं याः।

प्रेरित 2:5

अबलय् सारा संसारय् च्‍वंपिं परमेश्‍वरयात मानय् याइपिं यहूदीत यरूशलेमय् वयाच्‍वंगु दु।

प्रेरित 8:1

थथे स्‍तिफनसयात स्‍याःगुलिइ शाऊलयागु नं ल्‍हाः दु। अबलय् हे यरूशलेमय् च्‍वंपिं विश्‍वासीतय्‌त फयां फये मफय्‌क दुःख जूवल। थथे दुःख जूगुलिं फये मफयाः फुक्‍क विश्‍वासीत यहूदिया व सामरिया न्‍यंक उखेंथुखें छ्यालब्‍याल जुयाः वन। प्रेरितत धाःसा गनं मवँसे यरूशलेमय् हे च्‍वनाच्‍वन।

प्रेरित 8:3

शाऊलं धाःसा विश्‍वासीतय्‌त स्‍यंका हे त्‍वःते धकाः छेँय् छेँय् वनाः विश्‍वासी मिसातय्‌त मिजंतय्‌त सातुसालाः यंकाः झ्‍यालखानाय् कुना बीगु यानाच्‍वन।

व्‍यवस्‍था 34:8

अनंलि मोआबया ख्‍यलय् इस्राएलीत मोशाया लागि स्‍वीन्‍हु तक दुखं च्‍वन। थुकथं मोशाया लागि दुखं च्‍वनाः ख्‍वयेगु दिं सिधल।

१ शमूएल 28:3

थुबलय् तक शमूएल सी धुंकूगु खः, अले सकलें इस्राएलीतय्‌सं वयागु निंतिं दुखं च्‍वनाः वया सीम्‍ह वयागु हे शहर रामाय् थुंगु खः। थुबलय् तक शाऊलं तन्‍त्रमन्‍त्र ज्‍या याइपिं फुक्‍कसित इस्राएलं पितिनाछ्वये धुंकूगु खः।