प्रेरित 7:9 - नेवाः बाइबल

⁹ “थ्‍व हे तापाःबाज्‍यापिन्‍सं थःकिजा योसेफयात स्‍वये मफयाः मिश्र देशय् मिया छ्वल। अले व अन दास जुयाच्‍वन। अथेसां परमेश्‍वर योसेफलिसे दी।

प्रेरित 7:9 ပူးပေါင်းရင်းမြစ်များ

उत्‍पत्ति 39:2

परमप्रभु योसेफलिसे दीगुलिं वं याक्‍व ज्‍या भिनावल। व थः मिश्री मालिकया छेँय् च्‍वनीगु खः।

उत्‍पत्ति 39:5

वं थःगु छेँया फुक्‍क जिम्‍मा वयात ब्‍युसांनिसें योसेफया हुनिं परमप्रभुं व मिश्रीया छेँय् आशिष बियादिल। परमप्रभुया आशिष वयागु छेँय् दुनेपिने न्‍ह्याथासं लात।

उत्‍पत्ति 45:4

वं थः दाजुपिन्‍त धाल, “जिगु लिक्‍क वा।” इपिं वयागु लिक्‍क वँसेंलि वं धाल, “जि छिमिसं मिश्र देशय् मियाछ्वःम्‍ह छिमि किजा योसेफ खः।

भजनसंग्रहया सफू 105:17

वय्‌कलं इमिगु न्‍ह्यः न्‍ह्यः छम्‍ह मनू छ्वयादिल, उम्‍ह मनू दास यानाः मियाछ्वःम्‍ह योसेफ खः।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

हाग्‍गै 2:4

परमप्रभुं धयादी, ‘हे यरूबाबेल, साहस या! हे यहोसादाकया काय्, दकलय् तःधंम्‍ह पुजाहारी यहोशू, साहस या!’ परमप्रभुं धयादी, ‘देशय् दक्‍व मनूत साहस यानाः ज्‍या न्‍ह्याकि। छाय्‌धाःसा जि छिपिंलिसे दु,’ दक्‍व शक्ति दुम्‍ह परमप्रभुं घोषणा यानादी।

मत्ती 27:18

इमिसं वय्‌कःयात स्‍वये मफयाः ज्‍वंकूगु खः धकाः वं बांलाक स्‍यू।

१ कोरिन्‍थी 13:4

माया दुम्‍ह मनुखं सह यानाच्‍वनी व दया याइ। नुगः मुइकी मखु, थथःम्‍हं तुं तःधंछुया जुइ मखु, अले घमण्‍ड याइ मखु।