प्रेरित 7:8 - नेवाः बाइबल

⁸ “थुकथं परमेश्‍वरं अब्राहामयात थःम्‍हं पाफयागु खँ लुमंके बीत म्‍हय् चिं तयेगु बाचा चिनादिल। अय्‌जूगुलिं अब्राहामं थःकाय् इसहाकयात बुयाः च्‍यान्‍हु दुखुन्‍हु म्‍हय् चिं तयाबिल। इसहाकं नं थःकाय् याकूबयात, अले याकूबं नं थः झिंनिम्‍ह काय्‌पिन्‍त थुकथं म्‍हय् चिं तयाबिल। याकूबया झिंनिम्‍ह काय् झी तापाःबाज्‍यापिं खः।”

प्रेरित 7:8 ပူးပေါင်းရင်းမြစ်များ

उत्‍पत्ति 29:31

लेआयात माया मयाःगु खनाः परमप्रभुं वयात प्‍वाथय् दय्‌काबिल। राहेलयात धाःसा थारि हे याना तल।

उत्‍पत्ति 30:5

बिल्‍हाया प्‍वाथय् दयाः काय् बुल।

उत्‍पत्ति 35:16

इपिं बेथेलं वन। एप्रात थ्‍यनी थें च्‍वंकाः राहेलयात मचाबुइ ब्‍यथा जुल।

उत्‍पत्ति 35:18

राहेलं थः सीगु सीकाः सी न्‍ह्यः वं मचायागु नां बेन-ओनी तल। बौम्‍हं धाःसा वयागु नां बेन्‍यामीन तयाबिल।

१ इतिहास 1:34

अब्राहाम इसहाकया बाः खः। इसहाकया काय्‌पिं – एसाव व इस्राएल।

मत्ती 1:2

अब्राहामया काय् इसहाक, इसहाकया काय् याकूब, याकूबया काय् यहूदा व वया दाजुकिजापिं।

यूहन्‍ना 7:22

मोशां छिकपिन्‍त म्‍हय् चिं तय्‌केगु नियम बिया थकल। थ्‍व मोशां हे ब्‍यूगु ला मखु, तापाःबाज्‍यापिन्‍सं बियादीगु खः। अले विश्रामबार खुन्‍हु नं छिकपिन्‍सं मचायागु म्‍हय् चिं तय्‌का जुल।

प्रेरित 2:29

“दाजुकिजापिं, झी तापाःबाज्‍या दाऊदया बारे जिं बांलाक धायेफु – व सिनाः नं वयागु सीम्‍हयात चिहानय् थुनाबी धुंकल। आः तकं वयागु चिहान द हे दनि।

रोमी 4:10

अब्राहामयात गुबलय् धर्मी ठहरय् यात लय्? म्‍हय् चिं तये धुंकाः ला कि मतःनिबलय्? वयात धर्मी ठहरय् याःगु म्‍हय् चिं तये न्‍ह्यः हे खः, चिं तये धुंकाः मखु।

गलाती 3:15

यःपिं दाजुकिजापिं, मनूतय्‌गु हे दसु काये – निम्‍ह मिलय् जुयाः च्‍वयातःगु भ्‍वंयात सुनानं स्‍यंके फइ मखु, अले हानं उकी छुं तने नं फइ मखु।

गलाती 3:17

परमेश्‍वरं बाचा चिनादीगु गुबलें हे ल्‍वःमंकादी मखु। थथे वय्‌कलं चिनादीगु बाचायात प्‍यसः व स्‍विदँ लिपातिनि वःगु व्‍यवस्‍थां सितिं छ्वये फइ मखु।

हिब्रू 7:4

मल्‍कीसेदेक गुलि तःधंम्‍ह खः धकाः छिमिसं हे थुइकेफु। झी तापाःबाज्‍या अब्राहामंनापं वयात थःम्‍हं लडाइँलय् त्‍याकाः हःगु सम्‍पत्तियागु झिब्‍वय् छब्‍व बिल।