प्रेरित 7:52 - नेवाः बाइबल

⁵² छिकपिनि तापाःबाज्‍यापिन्‍सं अगमवक्ता सुयात जक दुःख मब्‍यूगु दु? धर्मीम्‍ह मनू झायादी तिनि धकाः धाःपिन्‍त नं इमिसं स्‍याना छ्वल। आः व हे धर्मीम्‍ह मनूयात नं छिकपिन्‍सं दुःख जक बियाः मगानाः धोखा बियाः स्‍यानाबिल।

प्रेरित 7:52 ပူးပေါင်းရင်းမြစ်များ

१ राजा 19:10

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीत थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

१ राजा 19:14

वं लिसः बिल, “दक्‍व शक्ति दुम्‍ह परमप्रभु परमेश्‍वरया निंतिं जिके यक्‍व जोश दु, इस्राएलीतय्‌सं छिगु बाचायात त्‍वःतूगु दु, छिगु वेदीयात थुनाब्‍यूगु दु अले छिकपिनि अगमवक्तातय्‌त तरवारं स्‍याःगु दु। जि जक ल्‍यंदनि, इमिसं जितः नं स्‍यायेत स्‍वयाच्‍वंगु दु।”

२ इतिहास 36:15

परमप्रभु इमि पुर्खाया परमेश्‍वरं थः मनूतय्‌त ख्‍याच्‍वः बीत दूतय्‌त तःक्‍वः मछि छ्वयाहयादिल। छाय्‌धाःसा वय्‌कःया इमित व थः च्‍वनेगु थाय्‌यात बचय् याये मास्‍ति वः।

२ इतिहास 36:16

तर इमिसं परमेश्‍वरया दूततय्‌त हिस्‍यात, वय्‌कःया वचनयात च्‍यूताः मतः। वय्‌कःया अगमवक्तातय्‌त हिस्‍यायेगु त्‍वःमतू। लिपतय्, परमप्रभु थः मनूत खनाः तसकं तंचायादिल। उकिं बचय् जुइगु छुं हे लँ मन्‍त।

नहेम्‍याह 9:26

“अय्‌नं छिकपिनि प्रजातय्‌सं विद्रोह यात। अले इमिसं खँ मन्‍यन। छिगु व्‍यवस्‍थापाखें ख्‍वाः फस्‍वय्‌कल। छिपाखे लिहां वयेत ख्‍याच्‍वः बीपिं अगमवक्तातय्‌त इमिसं स्‍यानाबिल। इमिसं छितः गज्‍याःगु अपमान यात।

यर्मिया 2:30

“छिमि मनूतय्‌त मफतय् जिं सजाँय बिया, भिंकेगु जिगु शिक्षायात इमिसं नाला मका। क्‍वाप्‍प नइम्‍ह सिंहं थें छिमि अगमवक्तातय्‌त छिमिसं स्‍याःगु दु।

यर्मिया 20:2

पशहूरं यर्मिया अगमवक्तायात दाय्‌कल। अले सजाँय बीत वयात परमप्रभुया देगःया बेन्‍यामीनया च्‍वय्‌या ध्‍वाखाय् दुगु सिँयागु न्‍यवः न्‍ह्याकाः सने मफय्‌क तयाबिल।

यर्मिया 26:15

तर थ्‍व खँ छिकपिन्‍सं पक्‍का सीकाति जितः स्‍यानादिल धाःसा थःके, थःगु शहरय् व थनच्‍वंपिं मनूतय्‌के दोष मदुम्‍हय्‌सिगु हिया दोष हइ, छाय्‌धाःसा परमप्रभुं हे थ्‍व फुक्‍क वचन न्‍यंकेत जितः छिमिथाय् छ्वयाहयादीगु खः।”

यर्मिया 26:23

इमिसं उरियाहयात मिश्र देशं यहोयाकीम जुजुयाथाय् हल। जुजुं वयात तरवारं स्‍याकेबिल। वयागु सीम्‍ह साधारण मनूत थुनीगु थासय् वांछ्वय्‌केबिल।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

मत्ती 5:12

छिपिं स्‍वयाः न्‍हापायापिं अगमवक्तातय्‌त नं थथे हे दुःखकष्‍ट ब्‍यूगु खः। उकिं लय्‌ताया जु, छाय्‌धाःसा स्‍वर्गय् छिमित बीत तःधंगु सिरपाः तयातःगु दु।

लूका 6:23

छिपिं लय्‌ताया च्‍वँ, छाय्‌धाःसा स्‍वर्गय् छिमित तःधंगु सिरपाः तयातःगु दु। इमि तापाःबाज्‍यापिन्‍सं नं अगमवक्तातय्‌त थथे हे याना छ्वःगु खः।

यूहन्‍ना 16:10

अले धार्मिकता छु खः धयागु नं वय्‌कलं छिमित क्‍यनादी, छाय्‌धाःसा जि बाःयाथाय् वनेत्‍यनागु दु। अले छिमिसं जितः गुबलें हे खनी मखु।

प्रेरित 2:23

परमेश्‍वरं थःगु ग्‍वसाः व ज्ञानकथं येशूयात छिकपिनि ल्‍हातय् बियादिल। अले छिकपिन्‍सं वय्‌कःयात अधर्मीतय्‌गु ल्‍हातय् क्रूसय् स्‍याकेत लःल्‍हाना बिल।

प्रेरित 22:14

“अनं लिपा वं जितः धाल – ‘परमेश्‍वरयागु इच्‍छा सीकेत, अले वय्‌कःया धर्मीम्‍ह मनूयात स्‍वयेत व वय्‌कःयागु हे म्‍हुतुं खँ न्‍यनेत झी तापाःबाज्‍यापिनि परमेश्‍वरं छितः ल्‍ययादीगु दु।

प्रेरित 3:18

थ्‍व ला परमेश्‍वरं न्‍हापां हे अगमवक्तातय्‌त मुक्ति बीम्‍ह ख्रीष्‍टं दुःख सी हे माः धकाः धाय्‌कादी थें पूवंकादीगु खः।

प्रेरित 3:24

“हानं शमूएलंनिसें थुखेयापिं फुक्‍क अगमवक्तातय्‌सं नं थ्‍व हे खँ धयावंगु दु।

प्रेरित 4:10

का सा, छिकपिं व इस्राएली मनूत फुक्‍कसिनं बांलाक न्‍यनादिसँ – नासरतयाम्‍ह येशू ख्रीष्‍टयात छिकपिन्‍सं क्रूसय् यख्‍खानाः स्‍यात, अय्‌नं परमेश्‍वरं सीम्‍हय्‌सित हानं म्‍वाकादिल। थ्‍व हे येशू ख्रीष्‍टयागु नामं थ्‍व मनू छिकपिनिगु न्‍ह्यःने थथे लनाः दनाच्‍वने फुगु खः।

१ थेसलोनिकी 2:15

व हे यहूदीतय्‌सं प्रभु येशू व न्‍हापायापिं अगमवक्तातय्‌त स्‍यानाबिल। अले जिमित नं ख्‍यानाः हल। परमेश्‍वरयात मयःगु ज्‍या यानाः इपिं न्‍ह्याम्‍हय्‌सियां विरोधी जुयाच्‍वन।

२ तिमोथी 3:4

मुले तयाः गः कीपिं, थः यःथें सना जुइपिं, जि हे खः धयाजुइपिं, परमेश्‍वरयात यय्‌केगु स्‍वयाः मोजमज्‍जा जक याये यय्‌कीपिं,

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

१ यूहन्‍ना 2:1

अय् जि यःपिं मस्‍त, छिपिं ला जिम्‍ह मस्‍त थें खः। छिमिसं पाप याये मते धकाः थ्‍व खँ जिं च्‍वयाच्‍वनागु खः। छुं जुयाः छिमिसं पाप याये लात धाःसा निराश जुइ मते, छाय्‌धाःसा झीत ग्‍वाहालि याइम्‍ह येशू ख्रीष्‍टं बाःया न्‍ह्यःने झीगु निंतिं बिन्‍ति यानादी।

प्रकाश 19:10

अथे धाःगुलिं वयात हनाबना यायेत जि वयागु तुतिइ भ्‍वपुला। अय्‌नं वं धाल – “छं थथे याये मते। येशूयागु वचन न्‍यनाकाःपिं छ व छिमि दाजुकिजापिं थें जि नं परमेश्‍वरया छम्‍ह दास खः। परमेश्‍वरयात आराधना या।” येशूयागु साक्षी अगमवक्तातय्‌गु आत्‍मा खः।

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।