प्रेरित 7:5 - नेवाः बाइबल

⁵ “परमेश्‍वरं वयात पलाः तयेत तकं थाय्‌ बियामदी। अय्‌नं मचाखाचा हे मदुनिबलय् परमेश्‍वरं थ्‍व देश व अले वया सन्‍तानयात बी धकाः पाफयादिल।

प्रेरित 7:5 ပူးပေါင်းရင်းမြစ်များ

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

उत्‍पत्ति 13:15

जिं छन्‍त व छिमि सन्‍तानयात छं खँक्‍व जग्‍गा बी। थ्‍व सदां छंगु हे जुइ।

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

उत्‍पत्ति 16:2

साराईनं अब्रामयात धाल, “परमप्रभुं जितः छम्‍ह हे मचा बियामदी। उकिं जिम्‍ह दासीयाथाय् वनाः व नाप द्यँ। वयापाखें सां जितः सन्‍तान दइ ला।” अब्रामं साराईनं धाःगु खँ न्‍यन।

उत्‍पत्ति 17:8

जिं छन्‍त व इमित छ आः च्‍वंवयाच्‍वंगु कनानया फुक्‍क बँ सदां सदांया लागि बी। अले जि इमि परमेश्‍वर जुइ।”

उत्‍पत्ति 23:4

“जि छिकपिन्‍थाय् पिनें वयाः च्‍वनाच्‍वनागु खः। जिमि कलाःयात थुनेत जिके छकू नं बुँ मदु। उकिं जितः छकू बुँ मियादिसँ।”

उत्‍पत्ति 26:3

छ परदेशी जुयाः अन हे च्‍वँ। जि छलिसें हे दइ, अले जिं छन्‍त आशिष बी। छाय्‌धाःसा जिं छिमि बाः अब्राहामलिसे छन्‍त व छिमि सन्‍तानयात थ्‍व हे देश बी धकाः बाचा चिनागु खः।

नहेम्‍याह 9:8

छिं वयात थः प्रति विश्‍वास बहःम्‍ह जूगु सीकादिल। अले छिं वया सन्‍तानतय्‌त कनानी, हित्ती, एमोरी, परिज्‍जी, यबूसी व गिर्गाशीतय्‌गु देश बी धकाः वलिसे बाचा चिनादिल। छिं थःगु बचं पूवंकादिल छाय्‌धाःसा छि विश्‍वास याये बहःम्‍ह खः।

इजकिएल 33:24

“अय् सीमानिम्‍ह मनू, नाश जूगु इस्राएल देशय् च्‍वनाच्‍वंपिं मनूतय्‌सं धयाच्‍वंगु दु, ‘अब्राहाम छम्‍ह हे जक मनू जूसां वं इस्राएल देशयात अधिकार यात। तर झीपिं ला यक्‍व दु। धात्‍थें हे झीत थ्‍व देश अधिकार यायेत ब्‍यूगु दु।’

व्‍यवस्‍था 10:11

परमप्रभुं जितः धयादिल, “मनूतय् न्‍ह्यलुवाः जुयाः इमित लँपु क्‍यँ। जिं इमि पुर्खालिसें बी धकाः पाफयाः बचं बियागु देशय् दुहां वनाः इमिसं अन अधिकार यायेमा।”

व्‍यवस्‍था 11:9

अले परमप्रभुं छिमि पुर्खालिसें इमित व इमि सन्‍तानतय्‌त बी धकाः पाफयादीगु दुरु व कस्‍ति बाः वयाच्‍वंगु देशय् छिपिं ताःई तक म्‍वानाच्‍वने फइ।

व्‍यवस्‍था 2:5

इमित ल्‍वायेत ग्‍वाके मते, छाय्‌धाःसा जिं छिमित इमिगु देशय् पला तयेगु तक नं थाय् बी मखु। सेइरया पर्वत देश जिं एसावया सन्‍तानया अधिकारय् बियागु दु।

व्‍यवस्‍था 34:4

अले परमप्रभुं वयात धयादिल, “अब्राहाम, इसहाक व याकूबयात इमि लिपायापिं इमि सन्‍तानतय्‌त बी धकाः पाफयाः बचं बियागु देश थ्‍व हे खः। जिं थ्‍व छन्‍त छंगु हे मिखां स्‍वये बिया, अय्‌नं छ अन वने दइ मखु।”

व्‍यवस्‍था 9:5

छिपिं भिंपिं व नुगः यचुपिं जूगुलिं इमिगु देश त्‍याका कायेत वनेत्‍यंगु मखु। अय्‌नं इमिसं याःगु मभिंगु ज्‍यां यानाः वय्‌कलं छिमि पुर्खा अब्राहाम, इसहाक व याकूबलिसें पाफयादीगु खँ पूवंकादीत परमप्रभु छिमि परमेश्‍वरं इमित छिमिगु न्‍ह्यःनं लिनाछ्वयादी।