प्रेरित 7:41 - नेवाः बाइबल

⁴¹ अले इमिसं द्वहंचाया मूर्ति दय्‌काः व हे मूर्तियात बलि बियाः भ्‍वय् न्‍याय्‌कल। इपिं थःगु हे ल्‍हाःयागु ज्‍या खनाः लय्‌लय्‌ताल।

प्रेरित 7:41 ပူးပေါင်းရင်းမြစ်များ

नहेम्‍याह 9:18

इमिसं छम्‍ह द्वहंया मूर्ति दय्‌कल अले जिमित मिश्रं लिकया हःम्‍ह द्यः थ्‍व हे खः धकाः उकियात पुजा यात। हे परमप्रभु, इमिसं छितः गज्‍याःगु अपमान यात।

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।

होशे 9:10

“अय् इस्राएल, छन्‍त दकलय् न्‍हापालाक नापलाःबलय् जितः मरुभूमिइ बुयावःगु दाख लूगु थें जुल। जिं छिमि पुर्खात दकलय् न्‍हापालाक खंबलय् जितः दाखमाय् न्‍हापां सःगु यःमरि फल खंगु थें जुल। तर इपिं बाल-पोरय् थ्‍यंबलय् इमिसं थःत घच्‍चाइपुस्‍से च्‍वंगु मूर्तितय्‌त अर्पण यात, इमिसं पुजा याःपिं मूर्ति थें इपिं मछालेपुस्‍से च्‍वंपिं जुल।

प्रकाश 9:20

थुकिं मस्‍याःपिं मनूतय्‌सं अझ नं थःगु ल्‍हातिं याःगु ज्‍यायागु पश्‍चाताप मयाः। इमिसं भूतयात पुजा यायेगु व लुँ, वहः, सिजः, ल्‍वहं व सिँयागु मूर्तियात पुजा यायेगु मत्‍वःतू। थ्‍व द्यःतय्‌सं मखं, मताः, अले न्‍यासि जुइ मफु।