प्रेरित 7:34 - नेवाः बाइबल

³⁴ मिश्र देशय् च्‍वंपिं जिमि मनूतय्‌सं दुःखकष्‍ट सियाच्‍वंगु जिं स्‍यू। थःत जुयाच्‍वंगु कष्‍टं इपिं ख्‍वयाच्‍वंगु नं जिं ताः। अय्‌जूगुलिं इमित बचय् यायेत जि क्‍वहां वयागु खः। आः छन्‍त हे जिं अन छ्वयेत्‍यना।’

प्रेरित 7:34 ပူးပေါင်းရင်းမြစ်များ

उत्‍पत्ति 11:5

परमप्रभु मनूतय्‌सं दय्‌काच्‍वंगु शहर व धरहरा स्‍वयेत कुहां झाल।

उत्‍पत्ति 11:7

कुहां वनेनु, अले झीसं इमिगु भाय्‌यात ल्‍वाकःबुकः याये। अले इमिसं थवंथवय् धाःगु खँ थुइ मखु।”

उत्‍पत्ति 18:21

उकिं इमित पाः याःथें इमिसं यानाच्‍वंगु खः कि मखु स्‍वयेत जि कुहां वने।”

नहेम्‍याह 9:9

“छिं मिश्र देशय् जिमि पुर्खातय्‌त जूगु दुःख स्‍वयादिल, लाल समुद्र सिथय् ग्‍वाहालिया निंतिं हाःगु इमिगु सः छिं न्‍यनादिल।

भजनसंग्रहया सफू 105:26

अले वय्‌कलं थःम्‍हं ल्‍यःपिं दासत मोशा व हारूनयात छ्वयादिल।

भजनसंग्रहया सफू 106:44

अय्‌नं वय्‌कलं इपिं पिच्‍यानाः हाःगु सः न्‍यनाः इमिगु दुःखय् च्‍यूताः तयादिल।

भजनसंग्रहया सफू 144:5

हे परमप्रभु, थःगु आकाशयात चाय्‌काः क्‍वहां झासँ, पहाडतय्‌त थियादिसँ, अले उकिं कुँ पिहां वयेमा।

प्रस्‍थान 3:14

परमेश्‍वरं मोशायात धयादिल, “जि सु खः व हे खः। वय्‌कलं हाकनं धयादिल, छं इस्राएलीतय्‌त थथे धा, ‘जि खः धाःम्‍हय्‌सिनं जितः छिमिथाय् छ्वयाहःगु खः।’”

प्रस्‍थान 4:31

मनूतय्‌सं इमित पत्‍याः यात। परमप्रभुं इस्राएलीतय्‌गु च्‍यूताः कयादी अले इमित जुयाच्‍वंगु सास्‍ती नं खंगु दु धकाः न्‍यनाः इमिसं परमप्रभुया न्‍ह्यःने थःगु छ्यं क्‍वछुकाः आराधना यात।

यशैया 64:1

छि आकाश चीकाः क्‍वहां झाःगु जूसा व पर्वतत छिगु न्‍ह्यःने थुरथुर खाःगु जूसा ज्‍यूगु।

होशे 12:13

परमप्रभुं इस्राएलयात मिश्रया दासपाखें त्‍वःतकाहयेत छम्‍ह अगमवक्तायात छ्यलादिल, अले छम्‍ह अगमवक्तापाखें वय्‌कलं वयात रक्षा यानादिल।

मीका 6:4

जिं ला छिमित मिश्र देशं पित हया, छिमित दासत्‍वया देशं लिफ्‍याना हया। अले मोशा, हारून व मरियमयात छिमिगु नायः जुइत छ्वयाहया।

गन्‍ती 11:17

जिं कुहां वयाः छनापं खँ ल्‍हाये। छंके दुगु छुं छुं आत्‍मा कयाः इमिके तयाबी। अले इमिसं नं मनूतय्‌गु कु क्‍वबी, छ याकःचां जक क्‍वबी माली मखु।

यूहन्‍ना 3:13

स्‍वर्गं क्‍वहां वःम्‍ह मनूया काय् बाहेक सुं नं स्‍वर्गय् थाहां वंगु मदुनि।

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

न्‍यायकर्ता 2:18

गबले गबले परमप्रभुं इमिगु लागि न्‍याय याइम्‍ह ल्‍ययादिल, वय्‌कलं व न्‍याय याइम्‍हय्‌सित ग्‍वाहालि बियादिल। व म्‍वातले वय्‌कलं इमित शत्रुतय्‌गु ल्‍हातं बचय् यानादिल। छाय्‌धाःसा कसाः बीपिं व क्‍वत्‍यलिपिन्‍सं यानाः इस्राएलीतय्‌गु नुगः ख्‍वइबलय् परमप्रभुं इमित माया यानादीगु।