प्रेरित 7:30 - नेवाः बाइबल

³⁰ “पिइदँ दये धुंकाः मोशां सीनै पहाडया लिक्‍क मरुभूमिइ मि च्‍यानाच्‍वंगु झालय् छम्‍ह स्‍वर्गदूतयात खन।

प्रेरित 7:30 ပူးပေါင်းရင်းမြစ်များ

१ राजा 19:8

वं दनाः नल, त्‍वन, व हे नसां बल दयाः पिइन्‍हु तक चान्‍हि न्‍यासि वँवं व परमेश्‍वरया पर्वत होरेबय् थ्‍यंकः वन।

भजनसंग्रहया सफू 66:12

छिं जिमित जिमि शत्रुतय्‌पाखें न्‍हुकेबियादिल। जिपिं लः व मिया दथुं जुयाः वना। तर छिं जिमित आः सुरक्षित थासय् हयादीगु।

प्रस्‍थान 3:6

वय्‌कलं हानं धयादिल, “जि छिमि पुर्खाया परमेश्‍वर खः, अब्राहाम, इसहाक व याकूबया परमेश्‍वर खः।” अले मोशां थःगु ख्‍वाः त्‍वपुल, छाय्‌धाःसा परमेश्‍वरयात स्‍वयेत व ग्‍यात।

प्रस्‍थान 7:7

फारोलिसे खँ ल्‍हाः वंबलय् मोशा चय्‌दँ अले हारून चय्‌स्‍वदँ दुम्‍ह जुयाच्‍वन।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

दानिएल 3:27

अले प्रान्‍तयापिं बडा-हाकिमत, प्रशासकत, राज्‍यपालत, जुजुयात सल्‍लाह बीपिं मनूत इपिं स्‍वम्‍हय्‌सित स्‍वयेत प्‍यखेरं मुन। मिं इमिगु म्‍हयात छुं मस्‍यंकूगु व इमिगु सँ मिं मनःगु नं इमिसं खंकल। वसः नं च्‍याःगु मदु, अले इमिके मिया बास तक नं मवः।

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

मर्कूस 12:26

“सीपिं म्‍वाना वइ धयागु खँ छु छिमिसं परमेश्‍वरं मोशायात च्‍यानाच्‍वंगु झालं थथे धयादीगु मब्‍वना ला? – ‘जि अब्राहामया, इसहाकया व याकूबया परमेश्‍वर खः।’

लूका 20:37

“मोशां नं सीपिं मनूत म्‍वाना वइ धकाः क्‍यना वंगु दु नि। झालय् मि च्‍याःबलय् परमेश्‍वरं धयादीगु खँ मोशां थथे च्‍वया थकूगु दु – ‘जि अब्राहाम, इसहाक व याकूबया परमेश्‍वर खः।’

प्रेरित 7:17

“परमेश्‍वरं अब्राहामलिसे चिनादीगु बाचा पूवनीगु ई न्‍ह्यःने थ्‍यंकः वल। मिश्र देशय् योसेफयात म्‍हमस्‍यूम्‍ह न्‍हूम्‍ह जुजु मजुतले इस्राएलीत यक्‍व हे दयावल।

प्रेरित 7:31

थ्‍व खनाः व अजू चायाः स्‍वयेत न्‍ह्यःने वंबलय् परमप्रभुं थथे धयादिल –

प्रेरित 7:32

‘जि छिमि तापाःबाज्‍यापिं अब्राहाम, इसहाक व याकूबया परमेश्‍वर खः।’ थ्‍व न्‍यनाः मोशां थररर खानाः ग्‍यानाः स्‍वये तकं मफुत।

प्रेरित 7:35

“व हे मोशायात, गुम्‍हय्‌सित ‘छन्‍त सुनां जिमि हाकिम व न्‍यायाधीश यानाः छ्वयाहल?’ धकाः मयय्‌कूगु खः, वयात हे इस्राएलीतय्‌थाय् परमेश्‍वरं च्‍यानाच्‍वंगु झालय् खने दुम्‍ह स्‍वर्गदूतपाखें हाकिम व छुत्‍कारा बीम्‍ह याना छ्वयाहयादिल।

गलाती 4:25

हागार अरब देशया सीनै पर्वत खः। व्‍यवस्‍था मानय् यानाच्‍वंपिं मनूत फुक्‍कं हागारया मस्‍त जुल, उकिं थुपिं फुक्‍कं दास जुल।

व्‍यवस्‍था 33:16

पृथ्‍वी व उकी जायाच्‍वंगु भिंगु देछात, अले च्‍यानाच्‍वंगु झालय् च्‍वनादीम्‍हय्‌सीगु मायां थुपिं फुक्‍क योसेफया कुलयापिन्‍त दयेमा। इपिं थः दाजुकिजापिनि नायः खः।

व्‍यवस्‍था 4:20

छिमित धाःसा परमप्रभुं न नाय्‌कीगु मिगा थें ज्‍याःगु मिश्रं वय्‌कःया थः मनू व सर्बय दय्‌केत पिकयाहयादिल, थौं तक जूगु थें।