प्रेरित 7:3 - नेवाः बाइबल

³ थथे धयादिल – ‘थःगु देश व थःलाःपिं मनूतय्‌त त्‍वःताः जिं धयाथाय् हुँ।’

प्रेरित 7:3 ပူးပေါင်းရင်းမြစ်များ

उत्‍पत्ति 12:1

परमप्रभुं अब्रामयात धयादिल, “छ थः बूगु दे, थःथिति व थः बौया छेँ त्‍वःताः जिं क्‍यनेत्‍यनागु देशय् हुँ।

उत्‍पत्ति 15:7

वय्‌कलं वयात धयादिल, “छन्‍त थ्‍व थाय् बीत कल्‍दीतय्‌गु ऊरं थन हयाम्‍ह परमप्रभु जि हे खः।”

उत्‍पत्ति 20:13

परमेश्‍वरं जितः जिमि बौया छेँ त्‍वःताः उखेंथुखें जुइम्‍ह यानादिसेंलि जिं सारायात ‘न्‍ह्याथाय् वंसां छं जितः दया यानाः जि छं दाजु खः धकाः धा’ धयागु खः।”

नहेम्‍याह 9:8

छिं वयात थः प्रति विश्‍वास बहःम्‍ह जूगु सीकादिल। अले छिं वया सन्‍तानतय्‌त कनानी, हित्ती, एमोरी, परिज्‍जी, यबूसी व गिर्गाशीतय्‌गु देश बी धकाः वलिसे बाचा चिनादिल। छिं थःगु बचं पूवंकादिल छाय्‌धाःसा छि विश्‍वास याये बहःम्‍ह खः।

मत्ती 10:37

“जितः स्‍वयाः थः मां बौयात अप्‍वः माया याइम्‍ह मनू जिगु ल्‍यूल्‍यू वये फइ मखु। अथे हे थःकाय् म्‍ह्याय्‌पिन्‍त जितः स्‍वयाः अप्‍वः माया याइम्‍ह मनू नं जिगु ल्‍यूल्‍यू वये फइ मखु।

लूका 14:33

अथे हे छिमिसं नं थःके दुगु फुक्‍कं त्‍वःते मफुसा छिपिं जिम्‍ह चेला जुइ फइ मखु।

प्रेरित 7:4

अले व कल्‍दीतय्‌गु देश त्‍वःताः हारानय् च्‍वंवन। अबु सीधुंकाः परमेश्‍वरं वयात झीपिं आः च्‍वनाच्‍वनागु थासय् तये हल।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

हिब्रू 11:8

विश्‍वासं हे अब्राहामं परमेश्‍वरयागु खँ न्‍यन। परमेश्‍वरं वयात सःताः थःम्‍हं बी धकाः धयादीगु देशय् हुँ धकाः उजं बियादिल। गन वनेगु धकाः मसीकं हे वं थःगु देश त्‍वःतावन।

यहोशू 24:3

तर जिं छिमि पुर्खा अब्राहामयात यूफ्रेटिस खुसि पारिं हयाः कनान देशयागु थाय् थासय् चाःहिका, अले वयात यक्‍व सन्‍तान बिया। जिं वयात इसहाक बिया,