प्रेरित 7:23 - नेवाः बाइबल

²³ “पिइदँ दुबलय् वं थः मनू इस्राएली दाजुकिजातय्‌थाय् वने मास्‍ति वय्‌कल।

प्रेरित 7:23 ပူးပေါင်းရင်းမြစ်များ

२ इतिहास 30:12

जुजु व वया भारदारतय्‌सं परमप्रभुया वचनकथं ब्‍यूगु आज्ञा मानय् यायेत परमेश्‍वरया ल्‍हातं यहूदाया मनूतय्‌त छगू हे मन बियादिल।

एज्रा 1:1

फारसयाम्‍ह जुजु कोरेसया न्‍हापांगु दँय् यर्मिया अगमवक्तापाखें वःगु परमप्रभुयागु वचन पूवंकेत, परमप्रभुं फारसयाम्‍ह जुजु कोरेसया नुगःयात ग्‍वाकादिल। अथे जुयाः वं च्‍वयाः देशया फुक्‍क थासय् थ्‍व खँ घोषणा याकल।

एज्रा 1:5

अनंलि यरूशलेमय् परमप्रभुया देगः हाकनं दय्‌केत परमेश्‍वरं ग्‍वाकादीपिं यहूदा व बेन्‍यामीन कुलया परिवारयापिं मू मू मनूत अले पुजाहारीत व लेवीत सकलें हे च्‍वय् वनेत तयार जुल।

एज्रा 7:27

परमप्रभु झी पुर्खातय् परमेश्‍वर धन्‍य खः। वय्‌कलं हे यरूशलेमय् दुगु परमप्रभुया देगःयात हनाबना तयेत जुजुयागु मनय् थ्‍व बिचाः तयादिल,

प्रस्‍थान 35:21

देछा छायेगु मनदुपिं फुक्‍क वल अले नापलायेगु पाल दय्‌केत, अन सेवा यायेत व पवित्र वसः सुइत परमप्रभुयाथाय् देछा हल।

प्रस्‍थान 35:29

मनदुपिं इस्राएली मिसा व मिजंतय्‌सं परमप्रभुं मोशापाखें बियादीगु उजंकथं फुक्‍क ज्‍याया निंतिं परमप्रभुयाथाय् थः यःछि देछा हल।

प्रस्‍थान 4:18

अले मोशां थः ससःबौ यित्रोयाथाय् लिहां वया थथे धाल, “बिन्‍ति याये, मिश्रय् च्‍वनाच्‍वंपिं जिमि दाजुकिजापिं म्‍वाना हे च्‍वंगु दु कि मदु धकाः स्‍वयेत जितः वनेबियादिसँ।” यित्रों धाल, “ज्‍यू, बांलाक हुँ।”

प्रस्‍थान 7:7

फारोलिसे खँ ल्‍हाः वंबलय् मोशा चय्‌दँ अले हारून चय्‌स्‍वदँ दुम्‍ह जुयाच्‍वन।

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

प्रेरित 15:36

छुं दिं लिपा पावलं बारनाबासयात धाल – “झीसं प्रभुयागु खँ न्‍यंका वयागु शहर पतिकं हानं वनाः अन च्‍वंपिं विश्‍वासीत छु छु यानाच्‍वन स्‍वःवनेनु।”

प्रेरित 7:24

छन्‍हु वं छम्‍ह मिश्रीं छम्‍ह इस्राएलीयात दायाच्‍वंगु खन। वं उम्‍ह इस्राएलीयात बचय् यात अले बदला कयाः मिश्रीयात स्‍यानाबिल।

२ कोरिन्‍थी 8:16

परमेश्‍वरं यानाः तीतसं नं जिं थें छिमित ग्‍वाहालि बी मास्‍ति वय्‌काच्‍वंगुलिं जिमिसं परमेश्‍वरयात सुभाय् बियाच्‍वनागु दु।

याकूब 1:17

फुक्‍क भिंगु भिंगु व सिद्धगु वरदान च्‍वं, आकाशय् च्‍वंगु फुक्‍क जः सृष्‍टि यानादीम्‍ह परमेश्‍वरपाखें वःगु खः। परमेश्‍वर गुबलें हिली मखु, वय्‌कः हिलिगु किचः थें नं मखु।

प्रकाश 17:17

परमेश्‍वरयागु इच्‍छा पूवंकेत इपिं छप्‍पँ जुयाः वय्‌कःया वचन पूमवंतले इमिसं थःगु अधिकार व पशुयात बी, छाय्‌धाःसा थ्‍व इच्‍छा परमेश्‍वरं हे इमिगु नुगलय् तयादीगु खः।