प्रेरित 7:2 - नेवाः बाइबल

² स्‍तिफनसं धाल – “बाः धाये ल्‍वःपिं व दाजुकिजापिं, जिगु छकुचा खँ न्‍यनादिसँ। झी तापाःबाज्‍या अब्राहाम हारानय् वने न्‍ह्यः मेसोपोटामियाय् दनिबलय् दकलय् तःधंम्‍ह परमेश्‍वरं झायाः

प्रेरित 7:2 ပူးပေါင်းရင်းမြစ်များ

उत्‍पत्ति 11:31

तेरह थःकाय् अब्राम, हारानया काय् थः छय् लोत, अब्रामया कलाः थः भौ साराईयात ज्‍वनाः कनानपाखे वनेत कल्‍दीतय्‌गु शहर ऊर त्‍वःतावन। तर इपिं हारान शहरय् थ्‍यनाः अन हे च्‍वन।

उत्‍पत्ति 12:1

परमप्रभुं अब्रामयात धयादिल, “छ थः बूगु दे, थःथिति व थः बौया छेँ त्‍वःताः जिं क्‍यनेत्‍यनागु देशय् हुँ।

उत्‍पत्ति 12:5

अब्राम थः कलाः साराई, थः काय्‌चा लोत व हारानय् थःयाके दुगु दक्‍व सम्‍पत्ति, दास-दासीत ज्‍वनाः कनानपाखे वन।

उत्‍पत्ति 15:7

वय्‌कलं वयात धयादिल, “छन्‍त थ्‍व थाय् बीत कल्‍दीतय्‌गु ऊरं थन हयाम्‍ह परमप्रभु जि हे खः।”

उत्‍पत्ति 29:4

याकूबं फैजवाःतय्‌के न्‍यन, “पासापिं, छिपिं गनं वयागु?” इमिसं लिसः बिल, “जिपिं हारानं वयापिं खः।”

नहेम्‍याह 9:7

“छि अब्रामयात ल्‍ययाः कल्‍दीतय्‌गु ऊरं पित हयाः वयात अब्राहाम नां तयादीम्‍ह परमप्रभु परमेश्‍वर खः।

भजनसंग्रहया सफू 24:10

तःधंम्‍ह जुजु सु खः? दक्‍व शक्ति दुम्‍ह परमप्रभु! वय्‌कः तःधंम्‍ह जुजु खः। सेला

भजनसंग्रहया सफू 24:7

पुलांगु ध्‍वाखात चालाहुँ! पुलांगु लुखात चालाहुँ! अले तःधंम्‍ह जुजुयात दुहां वयेब्‍यु!

भजनसंग्रहया सफू 29:3

परमप्रभुया सः समुद्रय् थ्‍वइ। तसकं तःधंम्‍ह परमेश्‍वर न न्‍याः थें हाली। वय्‌कःया सः समुद्रय् लिथ्‍वइ।

यशैया 37:12

छु जिगु पुर्खातय्‌सं गोजान, हारान व रेसेप शहरत नाश यात अले तेल-अस्‍सारय् च्‍वंपिं अदनयापिं मनूतय्‌त स्‍यात, अय्‌नं इमि सुं द्यवं इमित बचय् याये फत ला?

यशैया 51:2

छिमि पुर्खा अब्राहाम व छिमिगु फुक्‍क जातियात बुइकूम्‍ह सारायात स्‍व। जिं सःताबलय् अब्राहाम छम्‍ह जक दु, अले जिं वयात आशिष बियाः वयात यक्‍व दय्‌काबिया।

यशैया 6:3

अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

मत्ती 6:13

जिमित परिक्षाय् लाकादी मते, बरु दुष्‍टपाखें बचय् यानादिसँ छाय्‌धाःसा राज्‍य व पराक्रम व महिमा सदां सर्वदां छिगु हे खः, आमेन।’

लूका 2:14

“स्‍वर्गय् च्‍वनादीम्‍ह परमेश्‍वर तःधं जुइमा। अले परमेश्‍वरयात यःपिं मनूतय्‌त पृथ्‍वीइ च्‍वनाच्‍वंसां शान्‍ति दयेमा।”

यूहन्‍ना 1:14

वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 12:41

यशैयां येशू तसकं तःधं धकाः सीकाः वय्‌कःयागु खँ थुकथं धाःगु खः।

प्रेरित 22:1

“बाः धाये ल्‍वःपिं व दाजुकिजापिं, छिकपिन्‍त धायेमाःगु जिगु खँ न्‍यनादिसँ।”

प्रेरित 23:7

वं थुलि धायेवं अन च्‍वंपिं फरिसी व सदुकीतय् दथुइ ल्‍वापु जुल। अले इपिं निथ्‍वः जुयाः बाल,

प्रेरित 7:1

अले दकलय् तःधंम्‍ह पुजाहारीं धाल – “इमिसं धाःगु खँ खः ला?”

१ कोरिन्‍थी 2:8

थ्‍व संसारया जुजुपिं छम्‍हय्‌सिनं हे थ्‍व ज्ञान मथू। इमिसं थ्‍व ज्ञान थूगु जूसा दकलय् तःधंम्‍ह प्रभुयात क्रूसय् नकिं तानाः स्‍याइ मखुगु।

एफिसी 1:17

ज्ञान बीम्‍ह व परमेश्‍वरयात म्‍हसीका बीम्‍ह पवित्र आत्‍मा छिमित बियादीमा धकाः जिं दकलय् तःधंम्‍ह व येशू ख्रीष्‍टया बाः परमेश्‍वरयाके फ्‍वनाच्‍वना।

तीतस 2:13

झीत मुक्ति बियादीम्‍ह, झीम्‍ह तःधंम्‍ह परमेश्‍वर येशू ख्रीष्‍ट हानं झाइतिनि। झीपिं थ्‍व हे तःधंगु आशायागु लँ स्‍वयाच्‍वने।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 11:8

विश्‍वासं हे अब्राहामं परमेश्‍वरयागु खँ न्‍यन। परमेश्‍वरं वयात सःताः थःम्‍हं बी धकाः धयादीगु देशय् हुँ धकाः उजं बियादिल। गन वनेगु धकाः मसीकं हे वं थःगु देश त्‍वःतावन।

याकूब 2:1

दाजुकिजापिं, छिपिं दकलय् तःधंम्‍ह झी प्रभु येशू ख्रीष्‍टयात विश्‍वास याःपिं जुया नं छाय् ख्‍वाः स्‍वयाः व्‍यवहार यायेगु यानागु?

यहोशू 24:2

अले यहोशूं सकसितं धाल, “परमप्रभु इस्राएलया परमेश्‍वरं धयादी, ‘यक्‍व दँ न्‍हापा छिमि पुर्खा यूफ्रेटिस खुसियागु पारि च्‍वनीगु खः। इमिसं मेपिं द्यःतय्‌त पुजा याइगु खः। उपिं पुर्खा मध्‍ये छम्‍ह अब्राहाम व नाहोरया बौ तेरह खः।

प्रकाश 4:11

“जिमि प्रभु परमेश्‍वर, छिं हे फुक्‍कं खँ सृष्‍टि यानादीगु खः। छिगु इच्‍छा कथं हे फुक्‍कं दुगु खः, छिं हे सृष्‍टि यानादीगु खः। उकिं परमप्रभु जिमि परमेश्‍वर, छि महिमा, हनाबना व शक्ति दुम्‍ह खः।”