प्रेरित 6:9 - नेवाः बाइबल

⁹ उकिं दासं मुक्त जूपिनिगु धर्मशास्‍त्र स्‍यनीगु छेँयापिं, कुरेनीयापिं, अलेक्‍जेन्‍ड्रियायापिं, किलिकिया व एशियां वःपिन्‍सं दनाः स्‍तिफनस नाप जवाःसवाः याः वल।

प्रेरित 6:9 ပူးပေါင်းရင်းမြစ်များ

मत्ती 10:17

मनूतलिसे होश याना जु, छाय्‌धाःसा इमिसं ज्‍वनाः छिमित अदालतय् लःल्‍हानाबी। अले धर्मशास्‍त्र स्‍यनीगु छेँय् यनाः कोर्रां दाइ।

मत्ती 23:34

“उकिं जिं अगमवक्तात, बुद्धिमानत व शास्‍त्रीतय्‌त छिमिथाय् छ्वयाहये। थुपिं गुलिसितं ला छिमिसं स्‍याइ, गुलिसितं क्रूसय् यख्‍खाइ, गुलिसितं धर्मशास्‍त्र स्‍यनीगु छेँय् यनाः कोर्रां दाइ, गुलिसितं थाय् थासय् वनाः हे दुःखकष्‍ट बी।

मत्ती 27:32

येशूयात स्‍यायेत यंकाच्‍वंबलय् कुरेनी च्‍वंम्‍ह सिमोन धाःम्‍ह छम्‍ह मनूयात नापलात। अले इमिसं वयात कर कर यानाः येशूयागु क्रूस क्‍वबिकल।

मर्कूस 13:9

“न्‍ह्यागु जूसां छिमिसं होश‍ यानाच्‍वँ। इमिसं छिमित अदालतय् यंकी, धर्मशास्‍त्र स्‍यनीगु छेँय् नं छिमिसं दाय्‌काः च्‍वनेमाली। जितः विश्‍वास याःगुलिं छिमित हाकिमत व जुजुपिनिगु न्‍ह्यःने थने यनी, अले छिमिसं जिगु नामय् साक्षी बी माली।

लूका 21:12

“थथे जुइ न्‍ह्यः जिगु नांयागु निंतिं छिमित ज्‍वनाः कसाः याइ, धर्मशास्‍त्र स्‍यनीगु छेँया थकालिपिन्‍त लःल्‍हानाबी, झ्‍यालखानाय् कुनी, अले जुजुपिन्‍थाय् व हाकिमतय्‌थाय् यंकी।

प्रेरित 11:20

अय्‌नं साइप्रसय् व कुरेनीइ च्‍वंपिं विश्‍वासीत गुलिसिनं धाःसा एन्‍टिओखियाय् वयाः यहूदीमखुपिन्‍त नं प्रभु येशूयागु खँ न्‍यंकल।

प्रेरित 13:1

एन्‍टिओखियाय् च्‍वंगु मण्‍डलीइ अगमवक्ता व गुरुत नं दु। थुपिं बारनाबास, हाकु धाःम्‍ह शिमियोन, कुरेनीं वःम्‍ह लुकियस, दरबारय् हेरोद जुजु नाप ब्‍वलंम्‍ह मनेन व शाऊल खः।

प्रेरित 13:45

थथे यक्‍व मनूत न्‍यं वःगु खनाः यहूदीतय् नायःतय्‌गु नुगः मुल। अले इमिसं पावलं धाःगु खँ ख हे मखु धकाः हेस्‍यानाः वयात मभिंकाः खँ ल्‍हात।

प्रेरित 15:23

जिमित थथे पौ च्‍वया बियाछ्वल – “थनच्‍वंपिं प्रेरितत व थकालिपिनिपाखें एन्‍टिओखिया, सिरिया व किलिकियाय् च्‍वंपिं यहूदीमखुपिं दाजुकिजापिन्‍त ज्‍वजलपा दु।

प्रेरित 15:41

इमिसं सिरिया व किलिकिया जुयावंबलय् मण्‍डली पतिकं वनाः विश्‍वासीतय्‌त विश्‍वासय् बल्‍लाका थकल।

प्रेरित 16:6

इमित पवित्र आत्‍मां एशियाय् प्रभुयागु खँ न्‍यंक वने मते धकाः पनादीगुलिं इपिं फ्रिगिया व गलातिया देश जुयाः वन।

प्रेरित 18:24

छन्‍हु अलेक्‍जेन्‍ड्रियाय् बूम्‍ह अपोल्‍लोस धाःम्‍ह छम्‍ह यहूदी एफिससय् वल। व तसकं ज्ञां दुम्‍ह व धर्मशास्‍त्रयागु खँ बांलाक स्‍यूम्‍ह खः।

प्रेरित 19:10

पावलं निदँ तक थथे यानाच्‍वन। अय्‌जूगुलिं एशियाय् च्‍वंपिं यहूदीत व यहूदीमखुपिं फुक्‍कसिनं प्रभुयागु खँ न्‍यने खन।

प्रेरित 19:26

एफिससय् जक मखु, सारा एशियाय् हे थ्‍व पावलं मनूतय्‌त ल्‍हातं दय्‌कूम्‍ह द्यः ला द्यः हे मखु धकाः स्‍यनाः विश्‍वास याकाः ल्‍हातय्‌ कया जूगु ला छिकपिन्‍सं सि हे स्‍यू, अले न्‍यंगु नं द हे दु।

प्रेरित 21:27

न्‍हय्‌न्‍हुया ई पूवनेत्‍यंबलय् एशियां वःपिं सुं यहूदीतय्‌सं पावलयात देगलय् खनाः अन च्‍वंपिं मनूत फुक्‍कसित ग्‍वाकाः थथे धकाः हालाः हय्‌क्‍काः वन –

प्रेरित 21:39

पावलं लिसः बिल – “जि ला किलिकियागु टार्सस शहरय् च्‍वंम्‍ह यहूदी खः। जि चिधंगु शहरय् च्‍वंम्‍ह मखु। जितः थुपिंलिसे खँ ल्‍हाके बियादिसँ।”

प्रेरित 22:19

“अले जिं धया – ‘प्रभु, धर्मशास्‍त्र स्‍यनिगु छेँ पतिं वनाः जिं छितः विश्‍वास याक्‍वसित ज्‍वनाः झ्‍यालखानाय् कुनागु व कसाः याना जुयागु फुक्‍क खँ इमिसं स्‍यू।

प्रेरित 22:3

“जि किलिकियायागु टार्सस शहरय् बूम्‍ह छम्‍ह यहूदी खः। अय्‌नं जि ब्‍वलंगु ला थ्‍व हे शहरय् गमलिएलयागु ल्‍हातं खः। जिं झी तापाःबाज्‍यापिनिगु व्‍यवस्‍था नं बांलाक स्‍यना कया। छिकपिन्‍सं थौंकन्‍हय् याना च्‍वंथें जिं नं परमेश्‍वरया निंतिं थःत पाना जुयागु खः।

प्रेरित 23:34

बडा-हाकिमं पौ ब्‍वने धुंकाः पावलयात थथे धकाः न्‍यन – “छंगु छेँ गन, छ गनं वयागु?” पावलं लिसः बिल – “जिगु छेँनं किलिकियाय् हे खः।”

प्रेरित 24:18

देगलय् शुद्ध जुइगु ज्‍या यानाच्‍वनाबलय् हे इमिसं जितः ज्‍वंगु खः। अबलय् जि नाप सुं छम्‍ह मनू नं मदु। अले सुंनाप कचकच हालाच्‍वनागु नं मखु।

प्रेरित 26:11

धर्मशास्‍त्र स्‍यनिगु छेँय् छेँय् वनाः इमित ज्‍वनाहयाः सजाँय बिया, अले इमिगु हे म्‍हुतुं ख्रीष्‍टयात मभिंक धाय्‌के बिया। थुलि याना नं मगानाः तमं तातापाक मेमेगु शहरय् नापं वनाः जिं इमित दुःखकष्‍ट बिया।”

प्रेरित 6:10

पवित्र आत्‍मां स्‍तिफनसयात बुद्धि बियादीगुलिं वयागु खँय् सुनानं जवाःसवाः याये मफुत।

१ कोरिन्‍थी 1:20

ज्ञानी धाःपिं गन वन ग्‍व? सःस्‍यूपिं धाःपिं गन वन? थ्‍व संसारय् जवाःसवाः यानाजुइपिं गन वन? परमेश्‍वरं थ्‍व संसारयागु ज्ञानयात मूर्ख यानादीगु मदु ला?

गलाती 1:21

लिपा यरूशलेमं जि सिरियाय् व किलिकियाय् वना।