प्रेरित 5:27 - नेवाः बाइबल

²⁷ कप्‍तान व सिपाइँतय्‌सं इमित ज्‍वनाहयाः सभाया न्‍ह्यःने तये हल। अले दकलय् तःधंम्‍ह पुजाहारीं इमित थथे धयाः न्‍यन –

प्रेरित 5:27 ပူးပေါင်းရင်းမြစ်များ

मत्ती 5:22

तर जिं छिमित धाये – दाजुकिजापिंलिसे तंम्‍वइम्‍ह मनूयात नं सजाँय बी। सुनानं थः दाजुकिजानापं छुं म्‍वाय्‌क ल्‍वापु थल धाःसा वं तःधंगु सजाँय फयेमाली। अथे हे सुनानं थः दाजुकिजायात ‘ध्‍वादः’ धाल धाःसा व नरकयागु मिइ लाइ।

लूका 22:66

सुथय् थकालिपिं, तःधंपिं पुजाहारीत व शास्‍त्रीत फुक्‍कं मुन। अले इमिसं येशूयात सभाय् थनाः थथे धाल –

प्रेरित 22:30

कन्‍हय् खुन्‍हु हे तःधंम्‍ह कप्‍तानं यहूदीतय्‌सं वयात छाय् द्वपं ब्‍यूगु खः धकाः सीकेत तःधंपिं पुजाहारीत व थकालिपिन्‍त महासभाय् सःतल। अले पावलयात फुक्‍कसिगु न्‍ह्यःने थने हल।

प्रेरित 4:7

इमिसं पत्रुस व यूहन्‍नायात दथुइ थनाः थथे धकाः न्‍यन – “छुकियागु शक्तिं, अथवा सुयागु नामं छिमिसं थ्‍व ज्‍या यानागु?”

प्रेरित 5:21

अले स्‍वर्गदूतं धाःथें इमिसं सुथ न्‍हापां देगलय् वनाः स्‍यनेकने यात। उखे धाःसा दकलय् तःधंम्‍ह पुजाहारी व वया मनूतय्‌सं इस्राएलय् च्‍वंपिं फुक्‍क थकालिपिन्‍त सभा सःतल। इमिसं प्रेरिततय्‌त काय्‌के छ्वल।

प्रेरित 5:34

अन सभाय् व्‍यवस्‍था स्‍यनीम्‍ह गमलिएल धाःम्‍ह फरिसी नं दु। वयात सकसिनं मानय् याः। वं दनाः प्रेरिततय्‌त पलखयात अनं पिहां हुँ धकाः उजं बिल।

प्रेरित 6:12

थुकथं इमिसं मनूतय्‌त, थकालिपिन्‍त व शास्‍त्रीतय्‌त नं ग्‍वाकल। अले इमिसं वनाः स्‍तिफनसयात ज्‍वनाः महासभाय् हल।