प्रेरित 5:16 - नेवाः बाइबल

¹⁶ यरूशलेमयागु जःलाखःला गामय् च्‍वंपिं मनूतय्‌सं नं ल्‍वगितय्‌त व भूत दुब्‍यूपिं मनूतय्‌त हल। अले इपिं फुक्‍कं लाया वन।

प्रेरित 5:16 ပူးပေါင်းရင်းမြစ်များ

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

प्रेरित 4:30

थथे हे ल्‍वय् लाय्‌केत छिं ल्‍हाः चकंकादिसँ। छिकपिनि पवित्रम्‍ह सेवक येशूयागु नामं अजू चायापुगु ज्‍या व चिं यानाक्‍यने फय्‌कादिसँ।”

यूहन्‍ना 14:12

“जिं छन्‍त खःगु खँ धाये – जितः विश्‍वास याःम्‍हय्‌सिनं जिं यानागु ज्‍या याइ। अज्‍ज ला जिं यानागु स्‍वयाः नं तःधंगु ज्‍या याइ। छाय्‌धाःसा जि बाःयाथाय् वनाच्‍वना।

लूका 9:11

थ्‍व खँ सीकाः ग्‍वाः ग्‍वाः हे मनूत वय्‌कःया ल्‍यूल्‍यू वन। वय्‌कलं इमित लसकुस यानादिल। अले इमित परमेश्‍वरयागु राज्‍यया खँ कनादिल। ल्‍वय् लाय्‌के माःपिन्‍त नं लाय्‌कादिल।

लूका 5:17

छन्‍हु येशूं स्‍यनेकने यानाच्‍वंबलय् फरिसीत व शास्‍त्रीत नं अन वयाः फ्‍यतुनाः न्‍यनाच्‍वन। इपिं गालीलं, यहूदियायागु गां गामं व यरूशलेमं वःपिं खः। ल्‍वय् लाय्‌केगु शक्ति परमप्रभुं वय्‌कःयात बियादीगु दु।

मत्ती 8:16

बहनी जूबलय् मनूतय्‌सं भूत दुबिना च्‍वंपिं तःम्‍हय्‌सित हे वय्‌कःयाथाय् हल। म्‍हुतुं जक नवानाः येशूं भूत दुबिना च्‍वंपिन्‍त लाय्‌कादिल, अले हानं म्‍हंमफुपिन्‍त नं लाय्‌कादिल।

मत्ती 4:24

वय्‌कलं थथे यानादीगु खँ सिरिया देशय् फुक्‍कभनं बय्‌बय् जुल। अले तःतामछि ल्‍वय् दुपिं, तःतामछि दुःखकष्‍ट दुपिं, भूत दुबिना च्‍वंपिं, तिल्‍वय् वःपिं व पक्षवातं कःपिं मनूतय्‌त वय्‌कःयाथाय् हल। वय्‌कलं इपिं फुक्‍कसिगु ल्‍वय् लाय्‌कादिल।

१ कोरिन्‍थी 12:9

थ्‍व हे पवित्र आत्‍मां छम्‍हय्‌सित तःधंगु विश्‍वास बियादीसा मेम्‍हय्‌सित ल्‍वय् लाय्‌केगु वरदानत बियादी।

मत्ती 2:16

ज्‍योतिषीतय्‌सं थथे झंगःलाःगु सीकाः हेरोद तमं मि जुल। अले ज्‍योतिषीतय्‌पाखें नगु खनेदुगु ई सीकातःगु दुगुलिं व हे स्‍वयाः हेरोदं बेथलेहेमय् व वया जःखः च्‍वंगु थासय् च्‍वंपिं निदँ व निदं क्‍वय्‌यापिं मिजंमस्‍तय्‌त स्‍याकेबिल।

प्रेरित 5:15

मनूतय्‌सं ल्‍वगितय्‌त हयाः पत्रुस वइबलय् वयागु किचः जक जूसां लाय्‌मा धकाः लँय् लँय् लासाय् व सुकुली ग्‍वतुइका तयेगु यात।

प्रेरित 5:17

थ्‍व खँ जुयाच्‍वंगु सियाः दकलय् तःधंम्‍ह पुजाहारी व वया सदुकी पासापिनिगु नुगः मुल।

लूका 6:18

वय्‌कःयागु खँ न्‍यनेत व थथःगु ल्‍वय् लाय्‌केत वःपिं ग्‍वाः ग्‍वाः मनूत मुनाच्‍वन। वय्‌कलं भूतआत्‍मा दुबिना च्‍वंपिं मनूतय्‌त नं लाय्‌कादिल।