प्रेरित 5:13 - नेवाः बाइबल

¹³ विश्‍वास मयाःपिं मनूत इपिं नाप च्‍वंवये मछाः, अय्‌नं इमिसं इमित हनाबना तयेगु याः।

प्रेरित 5:13 ပူးပေါင်းရင်းမြစ်များ

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

लूका 19:48

अय्‌नं इमिसं छुं हे याये मफया च्‍वन, छाय्‌धाःसा मनूत फुक्‍कसिनं वय्‌कःयागु खँ लय्‌लय्‌तातां न्‍यं।

यूहन्‍ना 12:42

न्‍ह्यागु हे जूसां तःम्‍ह हे यहूदी शासकतय्‌सं नं वय्‌कःयात विश्‍वास यात। अय्‌नं फरिसीत खनाः ग्‍याःगुलिं इमिसं थ्‍व खँ सुयातं मकं, छाय्‌धाःसा फरिसीतय्‌सं सिल धायेवं इमित धर्मशास्‍त्र स्‍यनीगु छेँनं पितिनाछ्वइ।

यूहन्‍ना 19:38

यहूदीतय् नायःत खनाः ग्‍यानाः दुनें दुनें जक विश्‍वास यानाच्‍वंम्‍ह अरिमाथियाय् च्‍वनाच्‍वंम्‍ह योसेफ धाःम्‍ह छम्‍ह चेला दु। थ्‍व हे चेलां वयाः पिलातसयाके येशूयागु सीम्‍ह फ्‍वन। पिलातसं नं “ज्‍यू” धकाः धाल। अले वं वनाः वय्‌कःयागु सीम्‍ह क्‍वकयाः यंकल।

यूहन्‍ना 9:22

सुनानं येशूयात मुक्ति बीम्‍ह ख्रीष्‍ट खः धकाः धाल धाःसा व मनूयात धर्मशास्‍त्र स्‍यनीगु छेँनं पितिनाछ्वयेगु धकाः इमिसं सल्‍लाह यानातःगुलिं वया मांबौपिन्‍सं ग्‍यानाः थथे लिसः ब्‍यूगु खः।

प्रेरित 19:17

थ्‍व खँ एफिससय् च्‍वंपिं यहूदीत व यहूदीमखुपिं फुक्‍कसिनं सिल। इपिं तसकं ग्‍यात। अले इमिसं प्रभु येशूयागु नां तःधंकल।

प्रेरित 2:47

थुकथं इमिसं परमेश्‍वरयात तःधंका च्‍वन। मनूतय्‌सं नं इमित मानय् या। अले उद्धार जूपिन्‍त प्रभुं न्‍हिं न्‍हिं इमिगु पुचलय् तना बियादिल। थुकथं इपिं अप्‍वः दयावन।

प्रेरित 4:21

इमिसं याःगु अजू चायापुगु ज्‍या खनाः अन च्‍वंपिं फुक्‍क मनूत परमेश्‍वरयागु नां कयाः लय्‌लय् ताया च्‍वंगुलिं व सजाँय बीत त्‍वहः लुइके मफयाः ख्‍या जक ख्‍यानाः इमित त्‍वःता छ्वल।

प्रेरित 5:26

थ्‍व न्‍यनाः कप्‍तान व सिपाइँतय्‌सं वनाः प्रेरिततय्‌त कसाः मयासें ज्‍वना हल, छाय्‌धाःसा इपिं मनूतय्‌सं अप्‍पां कय्‌की धकाः ग्‍याः।

प्रेरित 5:5

थ्‍व खँ न्‍यनेवं हननिया क्‍वदयाः सित। थ्‍व खँ न्‍यंपिं फुक्‍कं ग्‍यानाः थरथर खात।

२ कोरिन्‍थी 10:15

आम्‍कन मेपिन्‍सं याःगु ज्‍या नं जिमिसं हे यानागु खः धकाः मधया। छिमिगु विश्‍वास अप्‍वः दयावनेमा धयागु जिमिगु तःधंगु आशा खः। थुकथं जिमिगु ज्‍या नं छिमिगु दथुइ तःधं जुयावनी।