प्रेरित 4:4 - नेवाः बाइबल

⁴ अथेसां इमिगु खँ न्‍यनाः यक्‍वसिनं हे विश्‍वास यात। थथे विश्‍वास याःपिं मिजंत जक हे न्‍याद्वः ति दत।

प्रेरित 4:4 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

यशैया 45:24

इमिसं जिगु बारे थथे धाइ, ‘परमप्रभुयापाखें जक धार्मिकता व शक्ति वइ।’” वय्‌कःया विरोधय् तंपिकापिं फुक्‍क वय्‌कःयाथाय् हे वइ अले लाजय् लाइ।

यशैया 53:12

अथे जुयाः जिं तःधंपिंनापं हे वयात नं छगू भाग बी, वं लाकाहःगु माल बल्‍लाःपिंनापं इनी। छाय्‌धाःसा वं थःगु जीवन पानाबिल, व पापीतनापं हे वयात ल्‍याः खात। वं यक्‍वसिगु पाप क्‍वबिल, व पापीतय्‌गु निंतिं स्‍वापु तइम्‍ह जुल।

यूहन्‍ना 12:24

जिं छिमित खःगु खँ धाये – छ्व चाय् लानाः ध्‍वमगीसा छगः हे जुयाच्‍वनी, चाय् लानाः ध्‍वगीसा जक यक्‍व छ्व सइ।

प्रेरित 2:41

वयागु खँय् विश्‍वास यानाः यक्‍वसिनं हे बप्‍तिस्‍मा काल। उखुन्‍हु हे जक बप्‍तिस्‍मा काःपिं मनूत स्‍वद्वः ति दु।

प्रेरित 2:47

थुकथं इमिसं परमेश्‍वरयात तःधंका च्‍वन। मनूतय्‌सं नं इमित मानय् या। अले उद्धार जूपिन्‍त प्रभुं न्‍हिं न्‍हिं इमिगु पुचलय् तना बियादिल। थुकथं इपिं अप्‍वः दयावन।

प्रेरित 28:24

वयागु खँय् गुलिसिनं विश्‍वास यात, गुलिसिनं मयाः।