प्रेरित 4:2 - नेवाः बाइबल

² पत्रुस व यूहन्‍नां मनूतय्‌त येशू सिनाः हानं म्‍वाना वः थें तुं मेपिं मनूत नं सिनाः म्‍वाना वइतिनि धकाः स्‍यनाच्‍वंगु न्‍यनाः इपिं तसकं तंम्‍वय्‌का च्‍वन।

प्रेरित 4:2 ပူးပေါင်းရင်းမြစ်များ

नहेम्‍याह 2:10

इस्राएलयापिं मनूतय्‌गु भिं यायेत छम्‍ह मनू वःगु दु धयागु खँ न्‍यनाः होरेनी सन्‍बलत व अम्‍मोनी हाकिम तोबियाया ख्‍वाः खिउँल।

प्रेरित 13:45

थथे यक्‍व मनूत न्‍यं वःगु खनाः यहूदीतय् नायःतय्‌गु नुगः मुल। अले इमिसं पावलं धाःगु खँ ख हे मखु धकाः हेस्‍यानाः वयात मभिंकाः खँ ल्‍हात।

प्रेरित 17:18

छन्‍हु पावलं इपिक्‍युरी व स्‍तोइकी दार्शनिकतय्‌त नापलात। पावलं इमित येशूयागु खँ व येशू सिनाः म्‍वानावःगु खँ न्‍यंकल। गुलिं गुलिंसिनं वयात थथे नं धाल – “थ्‍व मनू छु धकाः हालाच्‍वंगु?” गुलिसिनं धाल – “थ्‍वं ला अजू चायापुपिं द्यःतय्‌गु खँ न्‍यंकाजूगु थें च्‍वं।”

प्रेरित 19:23

अबलय् हे अन प्रभुयागु खँयात कयाः तसकं हे खलबल जुल।

प्रेरित 24:21

जिं इमिगु दथुइ दनाः थुलि हे जक धयागु खः – ‘सीपिं मनूत म्‍वाना वइतिनि धकाः विश्‍वास यानागुलिं थौं जि छिकपिन्‍थाय् न्‍ह्यःने थथे न्‍याय याका च्‍वनेमाल।’”

प्रेरित 26:23

इमिसं धाःगु खँ थ्‍व हे खः – ‘मुक्ति बीम्‍ह ख्रीष्‍ट सी हे माः, अले हानं दकलय् न्‍हापा वय्‌कःयात हे सीम्‍हं म्‍वाकादी। वय्‌कलं हे यहूदी व यहूदीमखुपिं सकसितं बचय् यानाः जः बियादी।’”

प्रेरित 26:8

परमेश्‍वरं सीम्‍ह म्‍वाकादी धयागु खँ छिकपिन्‍सं छाय् विश्‍वास याये मफुगु?”

प्रेरित 3:15

छिकपिन्‍सं जीवन बीम्‍हय्‌सित स्‍याना छ्वःसां परमेश्‍वरं वय्‌कःयात हानं म्‍वाकादिल। जिपिं थ्‍वया साक्षी खः।

प्रेरित 5:17

थ्‍व खँ जुयाच्‍वंगु सियाः दकलय् तःधंम्‍ह पुजाहारी व वया सदुकी पासापिनिगु नुगः मुल।

रोमी 8:11

सी धुंकूम्‍ह येशूयात म्‍वाकादीम्‍ह परमेश्‍वरया आत्‍मा छिमिके दुसा ख्रीष्‍ट येशूयात सीगुपाखें म्‍वाकादीम्‍हय्‌सिनं छिमिगु सीमाःगु शरीरयात नं म्‍वाकादी।

१ कोरिन्‍थी 15:23

तर फुक्‍क पालंपाः जुइ। दकलय् न्‍हापा ख्रीष्‍ट म्‍वात, अले ख्रीष्‍ट हानं थन झायादीबलय् वय्‌कःयापिं मनूत म्‍वाइ।