प्रेरित 4:1 - नेवाः बाइबल

¹ पत्रुस व यूहन्‍ना थथे मनूत नाप खँ ल्‍हाना च्‍वंबलय् पुजाहारीत, देगःया कप्‍तान व सदुकीत अन वल।

प्रेरित 4:1 ပူးပေါင်းရင်းမြစ်များ

मत्ती 16:12

अले तिनि इमिसं वय्‌कलं सोडापाखें बचय् जुयाच्‍वँ धयादीगु मखु, बरु फरिसीत व सदुकीतय्‌सं स्‍यनेकने याइगु खं बचय् जुयाच्‍वँ धयादीगु खः धकाः थुइकल।

मत्ती 22:16

इमिसं थः चेलातय्‌त हेरोदया मनूत नाप वय्‌कःयाथाय् छ्वल। इमिसं वनाः वय्‌कःयात थथे धाल – “गुरु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी।

मत्ती 27:20

तःधंपिं पुजाहारीत व थकालिपिन्‍सं मनूतय्‌त ग्‍वाकाः बारब्‍बायात त्‍वःताः येशूयात स्‍यायेमाः धकाः धाय्‌कल।

मत्ती 27:41

अथे हे तःधंपिं पुजाहारीत, शास्‍त्रीत व थकालिपिन्‍सं नं वय्‌कःयात थथे धकाः हाय्‌कल –

मत्ती 3:7

यक्‍व हे फरिसीत व सदुकीत नं बप्‍तिस्‍मा कायेत वयाच्‍वंगुलिं वं इमित थथे धाल – “हे सर्पया सन्‍तान, परमेश्‍वरयागु तंपाखें बिस्‍युं वनेत छिमित सुनां ख्‍याच्‍वः बिल?

लूका 20:1

छन्‍हु येशूं देगलय् मनूतय्‌त स्‍यनेकने याना व भिंगु खँ कनाच्‍वंबलय् तःधंपिं पुजाहारीत, शास्‍त्रीत व थकालिपिन्‍सं वयाः

लूका 22:4

वं तःधंपिं पुजाहारीत व देगःया सिपाइँतय् कप्‍तानयाथाय् वनाः येशूयात ज्‍वंका बी फु धकाः धाल।

यूहन्‍ना 15:20

‘मालिक स्‍वयाः दास तःधं जुइ मखु’ धकाः जिं नकतिनि धयागु खँ लुमंकी। जितः हेला यानाः इमिसं दुःख बिल धाःसा छिमित नं दुःख बी। जिगु खँ इमिसं न्‍यन धाःसा छिमिगु खँ नं इमिसं न्‍यनी।

यूहन्‍ना 18:3

उकिं यहूदा तःधंपिं पुजाहारीतय्‌थाय् व फरिसीतय्‌थाय् वनाः छथ्‍वः सिपाइँत व हाकिमतय्‌त ब्‍वनाः मिप्‍वाः, लालतिन, व हतियार ज्‍वनाः अन वल।

प्रेरित 4:6

अन दकलय् तःधंम्‍ह पुजाहारी हन्‍नास, वया थःथितिपिं कैयाफा, यूहन्‍ना, अलेक्‍जेन्‍डर व मेमेपिं दकलय् तःधंम्‍ह पुजाहारीया परिवार नं दु।

प्रेरित 5:17

थ्‍व खँ जुयाच्‍वंगु सियाः दकलय् तःधंम्‍ह पुजाहारी व वया सदुकी पासापिनिगु नुगः मुल।

प्रेरित 5:24

थ्‍व खँ न्‍यनाः देगःयाम्‍ह कप्‍तान व तःधंपिं पुजाहारीत आः इमिसं छु छु जक याइगु जुइ धकाः आछु-आछु कन।

प्रेरित 5:26

थ्‍व न्‍यनाः कप्‍तान व सिपाइँतय्‌सं वनाः प्रेरिततय्‌त कसाः मयासें ज्‍वना हल, छाय्‌धाःसा इपिं मनूतय्‌सं अप्‍पां कय्‌की धकाः ग्‍याः।

प्रेरित 6:12

थुकथं इमिसं मनूतय्‌त, थकालिपिन्‍त व शास्‍त्रीतय्‌त नं ग्‍वाकल। अले इमिसं वनाः स्‍तिफनसयात ज्‍वनाः महासभाय् हल।

प्रेरित 6:7

परमेश्‍वरयागु वचन फुक्‍क थासय् बय्‌बय् जुयाः वन। थुकथं यरूशलेमय् चेलात यक्‍व हे दयावल। हानं पुजाहारीत नं यक्‍वसिनं हे विश्‍वास यात।