प्रेरित 3:8 - नेवाः बाइबल

⁸ अले व जुरुक्‍क दनाः न्‍यासि वन। अले न्‍यासि चाचां तिंतिंन्‍हुयाः परमेश्‍वरयागु प्रशंसा यायां व इपिं नाप देगलय् दुहां वन।

प्रेरित 3:8 ပူးပေါင်းရင်းမြစ်များ

यशैया 35:6

अले लंग्रापिं चल्‍ला थें तिंन्‍हुइ, खाखःत लय्‌तातां तसलं हाली। गंगु बं तज्‍यानाः लः पिहां वइ अले मरुभूमिइ खुसिबाः न्‍ह्याइ।

लूका 18:43

उघ्रिमय् वं मिखां खन। अले परमेश्‍वरयात जयजय यानाः वय्‌कःया ल्‍यूल्‍यू वन। थ्‍व खनाः फुक्‍कसिनं परमेश्‍वरयात तःधंकल।

लूका 6:23

छिपिं लय्‌ताया च्‍वँ, छाय्‌धाःसा स्‍वर्गय् छिमित तःधंगु सिरपाः तयातःगु दु। इमि तापाःबाज्‍यापिन्‍सं नं अगमवक्तातय्‌त थथे हे याना छ्वःगु खः।

यूहन्‍ना 5:14

लिपा येशूं वयात देगलय् नाप लानाः धयादिल – “स्‍व, छंगु ल्‍वय् लाये धुंकल। आवंनिसें पाप याये मते, अले छन्‍त छुं नं जुइ मखु।”

प्रेरित 14:10

तःसलं थथे धाल – “दनादिसँ।” थुलि धायेवं हे व जुरुक्‍क दनाः न्‍यासि जुल।

प्रेरित 19:16

थथे धयाः भूत दुब्‍यूम्‍ह मनुखं इमित छक्‍कलं हय्‌क्‍का वन, अले फुक्‍कसितं कसाः यात। अले इपिं म्‍हय् घाःया घाः जुइकाः पचिनांगां अनं बिस्‍युं वन।

प्रेरित 3:7

थुलि धयाः वयागु जव ल्‍हातं फ्‍वगिंयात थन। अबलय् हे वयागु तुति व गौचा बल्‍लाना वल।