प्रेरित 27:2 - नेवाः बाइबल

² अले जिपिं एशियाय् थीथी थासय् जुयाः वनेत्‍यंगु एड्रामिटेनोसयागु लःजहाजय् च्‍वनावना। जिपिं नाप माकेडोनियाय् च्‍वंगु थेसलोनिके शहरं वःम्‍ह अरिस्‍तार्खस धाःम्‍ह मनू नं दु।

प्रेरित 27:2 ပူးပေါင်းရင်းမြစ်များ

लूका 8:22

छन्‍हु येशू चेलात नाप नांचाय् च्‍वनादिल। अले इमित धयादिल – “झीपिं समुद्रया पारिइ वनेनु।” अले इमिसं नांचा न्‍ह्याकल।

प्रेरित 16:17

पावल व जिमिगु ल्‍यूल्‍यू वयाः वं थथे धाल – “थुपिं दकलय् तःधंम्‍ह परमेश्‍वरया मनूत खः। थुमिसं मुक्तियागु लँ क्‍यनाबी।”

प्रेरित 17:1

अनं इपिं अम्‍फिपोलिस व अपोल्‍लोनिया जुयाः थेसलोनिके शहरय् वन। अन धर्मशास्‍त्र स्‍यनीगु छेँ छखा दु।

प्रेरित 19:19

अले इमिसं थथःगु छेँनं झाँक्री ज्‍यायागु सफू हयाः दक्‍वसिया न्‍ह्यःने छ्वय्‌काबिल। छ्वय्‌कूगु सफूयागु मू ५०,००० वहःयागु ध्‍यबा तू।

प्रेरित 19:29

थुकथं सारा शहरय् खलबल जुल। अले इमिसं मिलय् जुयाः पावल नाप जुइपिं माकेडोनियायापिं गायस व अरिस्‍तार्खसयात ज्‍वनाः रंगशालाय् साला यंकल।

प्रेरित 2:9

पार्थीत, मादीत, एलामीत, मेसोपोटामित, यहूदियाय् च्‍वंपिं, कापाडोकित, पोन्‍टसय् व एशियाय् च्‍वंपिं,

प्रेरित 21:5

न्‍हय्‌न्‍हु तक च्‍वने धुंकाः अन च्‍वंपिं फुक्‍क विश्‍वासीत थः कलाः व मचाखाचातनापं ज्‍वनाः जिमित शहरं पिने तक तः वल। जिमिसं समुद्र सिथय् पुलिं चुयाः प्रार्थना याना।

प्रेरित 28:10

इमिसं जिमित तसकं हनाबना तयेगु यात। जिपिं वनेत जहाजय् च्‍वनाबलय् नं इमिसं जिमित मामाःगु नसात्‍वँसा तये हल।

प्रेरित 28:12

सुराकुसाई धाःगु शहरय् थ्‍यंकाः जिपिं स्‍वन्‍हु तक अन हे च्‍वना।

प्रेरित 28:16

जिपिं रोमय् थ्‍यंकाः पावलयात छम्‍ह सिपाइँ पाः तयाः वया यत्‍थे याकेबिल।

प्रेरित 28:2

अबलय् वा वयाच्‍वंगुलिं चिकुसे च्‍वनाच्‍वन। अन च्‍वंपिन्‍सं जिमित सःताः दया यानाः मि छ्वय्‌काबिल।

कलस्‍सी 4:10

जिनापं झ्‍यालाखानाय् कुनातःम्‍ह अरिस्‍तार्खसं नं छिमित ज्‍वजलपा धयाहःगु दु। अथे हे बारनाबासया किजा मर्कूसं नं छिमित ज्‍वजलपा धयाहःगु दु। वयागु खँ ला छिमित न्‍हापा हे धायेधुन। व वल धाःसा छिमिसं वयात दुनुगलंनिसें लसकुस या।

फिलेमोन 1:24

जिनापं ख्रीष्‍ट येशूयागु ज्‍या यानाच्‍वंपिं मर्कूस, अरिस्‍तार्खस, डेमास व लूकां नं छिमित ज्‍वजलपा धयाहःगु दु।