प्रेरित 26:3 - नेवाः बाइबल

³ छाय्‌धाःसा छसपोलं यहूदीतय्‌गु थितिकुति व चालचलन बांलाक स्‍यू। अय्‌जूगुलिं जिगु खँ बांलाक न्‍यनादिसँ धकाः जिं बिन्‍ति यानाच्‍वना।”

प्रेरित 26:3 ပူးပေါင်းရင်းမြစ်များ

यर्मिया 32:11

जिं न्‍यानागुया भ्‍वँ अर्थात छु छु यायेमाः धकाः च्‍वयातःगु छाप दुगु भ्‍वँ व छाप मतःगु भ्‍वँ नितां कया।

प्रेरित 21:21

इमिसं छता निता छंगु खँ नं न्‍यनातःगु दु। छिं यहूदीमखुपिनिगु देशय् च्‍वनाच्‍वंपिं यहूदीतय्‌त ‘आः मोशायागु व्‍यवस्‍थायात नं मस्‍तय्‌त म्‍हय् चिं तय्‌केगु नं त्‍वःताछ्व, व्‍यवस्‍थाय् च्‍वया तः थें नं जुइ मते’ धकाः धयाजुल हं।

प्रेरित 24:10

अले बडा-हाकिमं पावलयात नवायेत ल्‍हाःभाय् याःगुलिं वं थथे धाल – “यक्‍व दंनिसें छसपोलं थ्‍व देशय् न्‍याय याना वयाच्‍वंगु जिं स्‍यू। उकिं छसपोलया न्‍ह्यःने थथे थःगु खँ धाये दयाः जि लय्‌ता।

प्रेरित 24:4

छसपोलयागु ई यक्‍व कयाच्‍वने मखु, अय्‌सां दया यानाः जिमिगु छत्‍वाःचा बिन्‍ति न्‍यना बिज्‍याहुँ।

प्रेरित 25:26

“वयागु द्वंबिद्वं कैसरयात च्‍वया छ्वयेत जिके छुं हे खँ मन्‍त। अय्‌जूगुलिं जिं वयात छिकपिनिगु, अज्‍ज ला हे जुजु अग्रिपास, छिगु न्‍ह्यःने थने हयागु दु। छिकपिन्‍सं माःकथं जाँचय् यानाः जितः च्‍वयेत सल्‍लाह बियादिसँ,

प्रेरित 26:2

“जुजु अग्रिपास, छसपोलया न्‍ह्यःने थथे नवाये दुगुलिं जि तसकं लय्‌ता। यहूदीतय्‌सं जितः मखुगु मखुगु ज्‍याखँयात धकाः पाः याःगु फुक्‍कं थौं छसपोलयात कने,

प्रेरित 26:26

अग्रिपास जुजुं नं थ्‍व खँ स्‍यू। जिं वय्‌कःयात मग्‍यासे धायेफु। वय्‌कलं थ्‍व खँ बांलाक हे स्‍यू, छाय्‌धाःसा थ्‍व खँ सुं मदुथाय् धाःगु मखु।

प्रेरित 26:7

थ्‍व हे खँ झी झिंनिगू कुलं नं जुइतिनि धकाः आशा यानाः दुनुगलंनिसें चां न्‍हिं परमेश्‍वरयागु आराधना याना जुल। थ्‍व हे आशां यानाः जितः थौं ज्‍वना हल, महाराज।

प्रेरित 28:17

स्‍वन्‍हु लिपा पावलं यहूदीतय् थकालिपिन्‍त सःतके छ्वल। अले इपिं मुने धुंकाः पावलं थथे धाल – “दाजुकिजापिं, स्‍वयादिसँ, जिं झी मनूतय्‌त व झी तापाःबाज्‍यापिनि पालय् निसें यानाच्‍वंगु थितिकुतियात स्‍यंकाः छुं नं यानागु मदु। अय्‌सां यहूदी दाजुकिजापिन्‍सं जितः यरूशलेमंनिसें कुनाः रोमीतय्‌गु ल्‍हातय् लःल्‍हाना बियाहल।

प्रेरित 6:14

नासरतयाम्‍ह येशूं थ्‍व देगःयात स्‍यंकी, अले मोशां झीत ब्‍यूगु रितिथिति नं हिली हं।”

१ कोरिन्‍थी 13:2

अगमवाणी कनेगु वरदान बिया तःसां, अले हानं फुक्‍क ज्ञान दुसां, फुक्‍क गुप्‍ति खँ थुइके फुसां, पहाड हे ल्‍यहें थनीगु विश्‍वास दुसां, जिके माया धयागु मदुसा जि छुं नं मखु।

व्‍यवस्‍था 17:18

व जुजु जुयेवं लेवी पुजाहारीतय्‌के दुगु थ्‍व नियम कयाः थूतुलातःगु भोँतय् थःगु ल्‍हातं च्‍वयेमाः।