प्रेरित 22:4 - नेवाः बाइबल

⁴ जिं थ्‍व लँय् जूपिं मिजंत व मिसात विश्‍वासीतय्‌त दायेगु, स्‍यायेगु याना, गुलिसित ला कुना बिया।

प्रेरित 22:4 ပူးပေါင်းရင်းမြစ်များ

प्रेरित 16:17

पावल व जिमिगु ल्‍यूल्‍यू वयाः वं थथे धाल – “थुपिं दकलय् तःधंम्‍ह परमेश्‍वरया मनूत खः। थुमिसं मुक्तियागु लँ क्‍यनाबी।”

प्रेरित 18:26

वं धर्मशास्‍त्र स्‍यनीगु छेँय् वनाः मग्‍यासे स्‍यनेकने याना जुल। थथे वं स्‍यना जूगु प्रिस्‍किला व अकिलासं न्‍यनाः वयात थःगु छेँय् ब्‍वना यंकाः परमेश्‍वरयागु लँयागु खँ अज्‍जं बांलाक ध्‍वाथुइका बिल।

प्रेरित 19:23

अबलय् हे अन प्रभुयागु खँयात कयाः तसकं हे खलबल जुल।

प्रेरित 19:9

गुम्‍हं गुम्‍हय्‌सिनं ला विश्‍वास मयासें अःखतं दक्‍वसिया न्‍ह्यःने प्रभुयागु लँयात बांमलाकल। अय्‌जूगुलिं पावलं इमित त्‍वःता वल। अले चेलातय्‌त जक थःलिसें ब्‍वना यंकाः टुरान्‍नसयागु इस्‍कुलय् वनाः स्‍यनेकने याना जुल।

प्रेरित 24:14

“अय्‌नं इमिसं धाःगु छता खँ ला जिं नं खः धकाः धाये। जिं नं जिमि तापाःबाज्‍यापिन्‍सं मानय् याना वःम्‍ह परमेश्‍वरयागु आराधना यानागु खः, गुकियात इमिसं ‘नासरी पुचः’ धकाः धयाजुल। मोशायागु व्‍यवस्‍था व अगमवक्तां च्‍वया थकूगु फुक्‍क खँय् जिं विश्‍वास याना।

प्रेरित 7:58

इमिसं वयात सालाः शहरं पिने यंकाः ल्‍वहँतं कय्‌कल। शाऊल धाःम्‍ह ल्‍याय्‌म्‍हम्‍ह मनू धाःसा ल्‍वहँतं कय्‌कूपिनिगु वसः स्‍वयेत पिवाः च्‍वनाच्‍वन।

प्रेरित 9:21

वयागु खँ न्‍यनाः मनूतय्‌सं अजू चायाः थथे धाल – “यरूशलेमय् येशूयागु नां काःपिं मनूतय्‌त स्‍याना जूम्‍ह मनू थ्‍व हे मखु ला? अले थन नं छु व इमित तःधंपिं पुजाहारीतय्‌थाय् ज्‍वना यंकेत वःम्‍ह मखु ला?”

१ कोरिन्‍थी 15:9

उकिं जि ला प्रेरितत मध्‍ये दकलय् चिधंम्‍ह खः। परमेश्‍वरयात विश्‍वास याना जूपिन्‍त सास्‍ती बियाजुइ धुनागुलिं जितः प्रेरित धकाः धाये मल्‍वः।

गलाती 1:13

न्‍हापा यहूदी धर्मकथं जुया च्‍वनाबलय् जि गज्‍याःम्‍ह खः धकाः ला छिमिसं बांलाक हे स्‍यू। परमेश्‍वरया मण्‍डलीयापिन्‍त जिं गुलि दुःखकष्‍ट व सास्‍ती बिया, अले थुमित नाश हे यानाछ्वयेत कुतः यानाम्‍ह नं जि हे खः।

फिलिप्‍पी 3:6

धर्मयागु ज्‍याखँय् नं जि विश्‍वासीतय्‌त दुःखकष्‍ट बीगुलिइ न्‍ह्यज्‍याना च्‍वनाम्‍ह खः। अले हानं जि यहूदीतय्‌गु थितिकुति मानय् यानाः धर्मी जुया च्‍वनाम्‍ह नं खः।

२ पत्रुस 2:2

अथे इमिसं धाःगु मखुगु खँ न्‍यनाः यक्‍व मनूत मभिंगु लँय् वनी। अथे मभिंगु लँय् वनाः मभिंगु ज्‍याखँ यानाजूपिन्‍सं यानाः मनूतय्‌सं सत्‍ययागु लँयात हे मभिं धकाः धाइ।