प्रेरित 20:2 - नेवाः बाइबल

² अन थ्‍यने धुंकाः थाय् थासय् च्‍वंपिं विश्‍वासीतय् थाय् वनाः इमित साहस बियाः व हानं ग्रीसय् वन।

प्रेरित 20:2 ပူးပေါင်းရင်းမြစ်များ

१ थेसलोनिकी 4:1

दाजुकिजापिं, परमेश्‍वरयात यय्‌क गथे यानाच्‍वनेमाः धयागु खँ ला छिमिसं जिमिगुपाखें स्‍यना काये धुंकूगु हे दु। छिपिं उकथं हे जुयाच्‍वंगु नं दु। छिपिं थुकथं हे अज्‍जं न्‍ह्यज्‍यानावने फयेमा धकाः जिमिसं छिमित प्रभुया नामं बिन्‍ति यानाच्‍वनागु दु।

१ थेसलोनिकी 2:3

जिमिसं छिमित न मखुगु खँ हे स्‍यनागु खः, न मभिंगु मतिइ तयाः हे स्‍यनागु खः, न सुयातं झंगःलाय्‌त हे स्‍यनागु खः।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

१ थेसलोनिकी 2:11

बौनं थः मस्‍तय्‌त गथे याना तइ, अथे हे जिमिसं नं छिमित याना तया।

प्रेरित 20:11

पावल तले वन, अले सकलें जानाः प्रभु भ्‍वय् नल। प्रभु भ्‍वय् सिधय्‌काः पावल सुथ मजुतले इपिं लिसे खँ ल्‍हानाच्‍वन। अले अनं बिदा जुयाः वन।

प्रेरित 17:10

अय्‌जूगुलिं दाजुकिजापिन्‍सं चान्‍हय् जुइवं पावल व सिलासयात बेरियाय् छ्वयाबिल। बेरियाय् थ्‍यंकाः इपिं धर्मशास्‍त्र स्‍यनीगु छेँय् वन।

प्रेरित 17:1

अनं इपिं अम्‍फिपोलिस व अपोल्‍लोनिया जुयाः थेसलोनिके शहरय् वन। अन धर्मशास्‍त्र स्‍यनीगु छेँ छखा दु।

प्रेरित 16:12

अनं जिपिं न्‍यासि वनाः फिलिप्‍पीइ थ्‍यंकः वया। थ्‍व फिलिप्‍पी शहर माकेडोनिया जिल्‍लाया मू शहर खः। थ्‍व शहरयात रोमीतय्‌सं थःगु ल्‍हातय् कयातःगु खः। थन जिपिं छुं न्‍हि तक हे च्‍वना।

प्रेरित 15:41

इमिसं सिरिया व किलिकिया जुयावंबलय् मण्‍डली पतिकं वनाः विश्‍वासीतय्‌त विश्‍वासय् बल्‍लाका थकल।

प्रेरित 14:22

इमिसं विश्‍वासीतय्‌त विश्‍वासय् बल्‍लाना च्‍वनेत साहस बिल। अले थथे धकाः नं स्‍यन – “परमेश्‍वरया राज्‍यय् दुहां वनेत झीसं थज्‍याःगु दुःखकष्‍ट सह यायेमाः।”

प्रेरित 2:40

मेमेगु नं यक्‍व दसि बियाः वं इमित होश यानाच्‍वनेत धाल – “थौंकन्‍हय्‌यापिं मनूतपाखें बचय् जुयाच्‍वँ।”

जकरिया 9:13

जिं थः हे ग्रीकयापिं सिपाइँतलिसे ल्‍वाये। यहूदायापिं मनूत जिगु धनुष खः, एफ्राइमयापिं मनूत जिगु वाण खः। अले जिं थः शत्रुतय् विरोधय् चले यायेत यरूशलेमयापिं मनूत जिगु तरवार खः।

लूका 3:18

थथे हे यक्‍व स्‍यनेकने यानाः यूहन्‍नां मनूतय्‌त भिंगु खँ न्‍यंकल।

प्रेरित 20:1

हाहू दी धुंकाः पावलं विश्‍वासीतय्‌त सःताः साहस बीकथं स्‍यनेकने यानाः बिदा जुयाः माकेडोनियाय् वन।

प्रेरित 20:3

अन स्‍वला तक च्‍वने धुंकाः लःजहाजं सिरियाय् वनेत्‍यंबलय् वं यहूदीतय् नायःतय्‌सं वयात स्‍यायेत स्‍वयाच्‍वंगु दु धकाः सीकाः माकेडोनिया जुयाः तुं लिहां वनेगु क्‍वःछित।

१ कोरिन्‍थी 4:19

प्रभुं जितः छ्वया हयादीसा जि आम्‍कन याकनं वये। अले तःधंछुया जूपिनिगु खँ मखु, इमिगु शक्ति स्‍वये।