प्रेरित 2:18 - नेवाः बाइबल

¹⁸ अले व दिंखुन्‍हु, जिमि च्‍यः भ्‍वातिंतय्‌त नं जिं जिगु आत्‍मा प्‍वंकाबी, अले इमिसं नं अगमवाणी कनी।

प्रेरित 2:18 ပူးပေါင်းရင်းမြစ်များ

कलस्‍सी 3:11

यहूदीमखुपिं जुइमा, यहूदी जुइमा, म्‍हय् चिं तःपिं जुइमा, मतःपिं जुइमा, सःस्‍यूपिं जुइमा, छुं मस्‍यूपिं जुइमा, अले दास जुइमा, दासमखुपिं जुइमा, फुक्‍कं उथें खः। सकसिकें ख्रीष्‍ट दी। ख्रीष्‍ट हे फुक्‍कं खः।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

प्रेरित 21:10

जिपिं अन छुं न्‍हि हे च्‍वना। उबलय् यहूदियां अगाबस धाःम्‍ह अगमवक्ता छम्‍ह वल।

लूका 12:45

तर वं ‘जिमि मालिक तःन्‍हु लिपा जक वइ’ धकाः मतिइ तयाः मेपिं च्‍यः व भ्‍वातिंतय्‌त दायाः ख्‍यानाः मंदु थें नयाःत्‍वनाः सनाः जुल धाःसा

प्रेरित 2:17

“‘दकलय् लिपा थथे जुइ धकाः परमेश्‍वरं धयादिल – जिं जिगु आत्‍मा फुक्‍क मनूतय्‌के प्‍वंकाबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

प्रेरित 2:19

अले आकाशय् व पृथ्‍वीइ जिं अजू चायापुगु ज्‍या व चिं क्‍यने। अन हि, मि, कुँत्‍याः खने दइ।