प्रेरित 2:1 - नेवाः बाइबल

¹ पेन्‍तिकोस नखःबलय् इपिं फुक्‍कं छथाय् मुनाच्‍वन।

प्रेरित 2:1 ပူးပေါင်းရင်းမြစ်များ

२ इतिहास 30:12

जुजु व वया भारदारतय्‌सं परमप्रभुया वचनकथं ब्‍यूगु आज्ञा मानय् यायेत परमेश्‍वरया ल्‍हातं यहूदाया मनूतय्‌त छगू हे मन बियादिल।

२ इतिहास 5:13

तुरही पुइपिं व म्‍ये हालीपिन्‍सं छसलं परमप्रभुया प्रशंसा यात अले वय्‌कःयात सुभाय् बिल। इमिसं तुरही, भुस्‍याः व मेमेगु बाजंनापं परमप्रभुया प्रशंसा थुकथं तसलं यात, “धात्‍थें वय्‌कः भिंम्‍ह खः, वय्‌कःया दयामाया सदां दयाच्‍वनी।” अबलय् परमप्रभुया देगःयात सुपाचं त्‍वपुल।

भजनसंग्रहया सफू 133:1

दाजुकिजापिं मिलय् जुयाः च्‍वनेगु गुलि बांलाःगु व न्‍ह्यइपुसे च्‍वंगु खँ खः।

प्रस्‍थान 23:16

“थःगु बुँइ सःगु बालीया न्‍हापांगु फल छायाः सामाज्‍याया नखः हँ। “अले दक्‍वसिबय् लिपा थःगु बुँइ सःगु फल खानाः ‘फल खायेगु नखः’ हँ।

प्रस्‍थान 34:22

“छिमिसं बुँइ न्‍हापां सःगु छ्व नापं सामाज्‍याया नखः हनेगु या। हानं न्‍हय्‌गूगु लाय् थथःगु फल खाये धुंकाः मुनेगु नखः हनेगु या।

यर्मिया 32:39

जिं इमिगु जीवनय् छगू हे मन व छगू हे बिचाः बी। अले इमिसं न्‍ह्याबलें थःगु भिं व थः सन्‍तानतय्‌गु भिंया निंतिं जिगु भय काइ।

सपन्‍याह 3:9

“उबले देश देशयापिं मनूतय्‌गु म्‍हुतुसि शुद्ध यानाबी, गुकिं यानाः इपिं फुक्‍कसिनं परमप्रभुया नां कयाः छगू हे मन जुयाः वय्‌कःयागु सेवा यायेमा।

प्रेरित 1:5

यूहन्‍नां ला लखं बप्‍तिस्‍मा बिल, आः याकनं हे पवित्र आत्‍मापाखें छिमिगु बप्‍तिस्‍मा जुइतिनि।”

प्रेरित 1:8

पवित्र आत्‍मां छिपिं जायेवं छिमिके शक्ति दइ। अले छिपिं यरूशलेमय्, यहूदियाय् व सामरियांनिसें सारा संसार न्‍यंक जिगु साक्षी जुइ।”

प्रेरित 2:46

छगू हे मन यानाः न्‍हिं न्‍हिं फुक्‍कं देगलय् मुना च्‍वनेगु, हानं छेँय् छेँय् मरि कुचा थलाः फुक्‍कंनापं च्‍वनाः लय्‌तातां नयेगु यानाच्‍वन।

प्रेरित 20:16

पावल पेन्‍तिकोसया नखः न्‍ह्यः हे यरूशलेमय् थ्‍यंकेत हथाय् चायाच्‍वन। उकिं वं एशियाय् यक्‍व ई च्‍वने म्‍वाःलेमा धकाः एफिससय् मद्युसे वनेगु क्‍वःछित।

प्रेरित 4:24

इमिगु खँ न्‍यनाः इपिं फुक्‍कं मिलय् जुयाः परमेश्‍वरयात थथे प्रार्थना यात – “प्रभु, छिं हे स्‍वर्ग, पृथ्‍वी, समुद्र व अन दुगु दक्‍व फुक्‍कं दय्‌कादीगु खः।

प्रेरित 4:31

प्रार्थना याये सिधये धुंकाः इपिं मुनाच्‍वंगु थाय् सन। अले इपिं फुक्‍कं पवित्र आत्‍मां जाल। अले इमिसं परमेश्‍वरयागु वचन मग्‍यासे नवाना जुल।

प्रेरित 4:32

फुक्‍क विश्‍वासीतय्‌गु मन व नुगः छगू थें जू। अथे जूगुलिं सुनानं थ्‍व जिगु व छंगु धकाः मधासे फुक्‍कं मंकाः याना तल।

प्रेरित 5:12

प्रेरिततय्‌सं मनूतय्‌गु न्‍ह्यःने यक्‍व हे अजू चायापुगु चिं व ज्‍या यानाक्‍यन। फुक्‍क विश्‍वासीत छगू हे मनयापिं जुयाः सोलोमनयागु दलानय् मुनीगु।

रोमी 15:6

थथे छिपिं फुक्‍कं छप्‍पँ जुयाः छगू हे सलं झी प्रभु येशू ख्रीष्‍टया बाः परमेश्‍वरयात जयजय याये फयेमा।

१ कोरिन्‍थी 16:8

अय्‌नं पेन्‍तिकोस नखः तक जि थन एफिससय् हे च्‍वने।

फिलिप्‍पी 1:27

ख्रीष्‍टयागु भिंगु खँ न्‍यंकू थें छिमिगु चालचलन नं जुइमाः। छिमित नाप लाःसां, मलाःसां छिपिं फुक्‍कं छप्‍पँ व छगू हे मन जुयाः भिंगु खँय् विश्‍वास यानाच्‍वंगु दु धयागु जक न्‍यने दःसां जितः गाः।

फिलिप्‍पी 2:2

अथे खः धयागु जूसा छिमिसं छगू हे मनं, छगू हे मायां, छगू हे नुगलं, अले छता हे खँय् मन बियाः जितः अज्‍जं लय्‌ताय्‌की।