प्रेरित 19:3 - नेवाः बाइबल

³ अले वं धाल – “अय्‌सा छिमिसं सुयापाखें बप्‍तिस्‍मा कयाः लय्?” इमिसं धाल – “यूहन्‍नायापाखें कयागु।”

प्रेरित 19:3 ပူးပေါင်းရင်းမြစ်များ

मत्ती 28:19

अय्‌जूगुलिं छिपिं वनाः फुक्‍क जातियापिं मनूतय्‌त चेला दय्‌कि। अले इमित परमेश्‍वर बाःयागु नामं, काय्‌यागु नामं व पवित्र आत्‍मायागु नामं बप्‍तिस्‍मा ब्‍यु।

लूका 7:29

थ्‍व न्‍यनाः फुक्‍क मनूतय्‌सं व कर काइपिं मनूतय्‌संनापं यूहन्‍नायापाखें बप्‍तिस्‍मा कयातःगुलिं परमेश्‍वर सत्‍य खः धकाः सीकल।

प्रेरित 18:25

वं प्रभुयागु खँ बांलाक सय्‌का सीका तःगुलिं दुनुगलंनिसें येशूयागु खँ खःकथं स्‍यना जुयाच्‍वंगु खः। अय्‌नं वं यूहन्‍नायागु बप्‍तिस्‍मायागु खँ जक स्‍यू।

प्रेरित 8:16

प्रभु येशूयागु नामं बप्‍तिस्‍मा काये धुंकूसां इपिं आः तकं पवित्र आत्‍मां मजाःनि।

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

हिब्रू 6:2

बप्‍तिस्‍मा कायेगु, छेनय् ल्‍हाः तयाः प्रार्थना यायेगु, सीपिं हानं म्‍वाना वइगु, अले दकलय् लिपा याइगु न्‍याययागु खँ जक झीसं लिसा लिसा कयाः स्‍यनाच्‍वने मजिल।