प्रेरित 19:2 - नेवाः बाइबल

² वं इमित न्‍यन – “विश्‍वासी जुयाः छिमिसं पवित्र आत्‍मा काये धुन ला?” इमिसं धाल – “मधुंनि। जिमिसं ला पवित्र आत्‍मा दी धकाः आः तकं न्‍यनागु मदुनि।”

प्रेरित 19:2 ပူးပေါင်းရင်းမြစ်များ

यूहन्‍ना 7:39

वय्‌कलं पवित्र आत्‍मायागु खँ धयादीगु खः। वय्‌कःयात विश्‍वास याःपिन्‍त आत्‍मा बियादी। वय्‌कलं आः तक सीम्‍ह म्‍वाका मदीनि सुयातं आत्‍मा बियादीगु मदुनि।

प्रेरित 10:44

थथे पत्रुसं नवानाच्‍वंबलय् हे न्‍यना च्‍वंपिं मनूतय्‌के पवित्र आत्‍मा झाल।

प्रेरित 19:5

अले थ्‍व खँ न्‍यनाः इमिसं प्रभु येशूया नामं बप्‍तिस्‍मा काल।

प्रेरित 2:17

“‘दकलय् लिपा थथे जुइ धकाः परमेश्‍वरं धयादिल – जिं जिगु आत्‍मा फुक्‍क मनूतय्‌के प्‍वंकाबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

रोमी 1:11

पवित्र आत्‍मां बियादीगु वरदान बियाः छिमिगु विश्‍वास बल्‍लाकेत छिमिथाय् वये मास्‍ति वः।

१ कोरिन्‍थी 6:19

छिमिगु म्‍ह पवित्र आत्‍मा च्‍वनादीगु देगः खः धकाः मस्‍यू ला? उकिं छिमिगु म्‍हय् परमेश्‍वरं छ्वयाहयादीम्‍ह पवित्र आत्‍मा च्‍वनादी। अय्‌जूगुलिं छिमिगु म्‍ह छिमिगु थःगु मखु।

गलाती 3:5

परमेश्‍वरं छिमित पवित्र आत्‍मा बियाः अजू चायापुगु ज्‍या याके बियादीगु छिमिसं व्‍यवस्‍था मानय् याःगुलिं खः ला कि येशू ख्रीष्‍टयागु भिंगु खँ न्‍यनाः विश्‍वास याःगुलिं?

१ शमूएल 3:7

थुबलय् तक नं शमूएलं परमप्रभुयात म्‍हमस्‍यूनि। अले परमप्रभुया वचन नं वयात मब्‍यूनि।