प्रेरित 18:4 - नेवाः बाइबल

⁴ पावलं विश्रामबार पतिकं धर्मशास्‍त्र स्‍यनीगु छेँय् वनाः यहूदीतय् नायःतय्‌त व ग्रीकतय्‌त विश्‍वास याकेत स्‍वयाच्‍वन।

प्रेरित 18:4 ပူးပေါင်းရင်းမြစ်များ

उत्‍पत्ति 9:27

परमेश्‍वरं येपेतयात थकायेमा। वं शेमया पालय् बासं च्‍वनेदयेमा। कनान येपेतया दास जुइ।”

२ इतिहास 32:11

‘परमप्रभु झी परमेश्‍वरं अश्‍शूरया जुजुया ल्‍हातं झीत बचय् यानादी’ धकाः धयाः हिजकिया जुजुं छु छिमित नयेत्‍वने मखंकाः स्‍यायेत ध्‍वंलानाच्‍वंगु मदु ला?

लूका 16:31

अले अब्राहामं हानं धाल – ‘मोशायागु व्‍यवस्‍था व अगमवक्तातय्‌गु सफूयात हे इमिसं वास्‍ता मयाःसा सीम्‍ह मनुखं म्‍वाना वनाः धाःगु खँ नं इमिसं विश्‍वास याइ मखु।’”

लूका 4:16

अले वय्‌कः थः ब्‍वलंगु गां नासरतय् झाल। विश्रामबार पतिकं वय्‌कः धर्मशास्‍त्र स्‍यनीगु छेँय् वनीगु जूगुलिं अन नं धर्मशास्‍त्र स्‍यनीगु छेँय् झाल। अले वय्‌कः धर्मशास्‍त्र ब्‍वनेत दनादिल।

यूहन्‍ना 7:35

अले इमिसं थःथवय् थथे खँ ल्‍हात – “झीसं लुइके हे मफय्‌क थ्‍व मनू गन वनेत्‍यंगु जुइ? छु थ्‍व ग्रीकतय्‌गु दथुइ उखेलाः थुखेलाः जुयाच्‍वपिं यहूदीतय्‌थाय् वनाः ग्रीकतय्‌त स्‍यनेकने यायेत वनेत्‍यंगु ला मखु ला?

प्रेरित 13:14

इपिं पर्गां तुं पिसिदिया जिल्‍लाय् लाःगु एन्‍टिओखियाय् वन। विश्रामबार खुन्‍हु धर्मशास्‍त्र स्‍यनीगु छेँय् वनाः अन न्‍यना च्‍वंपिं लिसे फ्‍यतूवन।

प्रेरित 14:1

आइकोनियनय् थ्‍यंकाः नं इपिं निम्‍हं धर्मशास्‍त्र स्‍यनीगु छेँय् वन। अन इमिसं तसकं बांलाक नवाःगुलिं यक्‍व हे यहूदीतय्‌सं व यहूदीमखुपिन्‍सं नं विश्‍वास यात।

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

प्रेरित 17:17

अय्‌जूगुलिं धर्मशास्‍त्र स्‍यनीगु छेँय् वनाः यहूदीत नाप व परमेश्‍वरयात मानय् याइपिं मनूत नाप खँ ल्‍हाः जुल। अले बजारय् नापलाक्‍व मनूत नाप नं न्‍हिं न्‍हिं खँल्‍हाबल्‍हा याना जुल।

प्रेरित 18:13

“थ्‍व मनुखं व्‍यवस्‍थाया विरोधय् परमेश्‍वरयागु सेवा यायेगु खँ स्‍यनाः मनूतय्‌त स्‍यंकाच्‍वन।”

प्रेरित 18:19

इपिं एफिससय् थ्‍यंकः वल। अले प्रिस्‍किला व अकिलासयात अन हे त्‍वःतल। पावल धाःसा धर्मशास्‍त्र स्‍यनीगु छेँय् वनाः यहूदीतय्‌त स्‍यं जुल।

प्रेरित 19:26

एफिससय् जक मखु, सारा एशियाय् हे थ्‍व पावलं मनूतय्‌त ल्‍हातं दय्‌कूम्‍ह द्यः ला द्यः हे मखु धकाः स्‍यनाः विश्‍वास याकाः ल्‍हातय्‌ कया जूगु ला छिकपिन्‍सं सि हे स्‍यू, अले न्‍यंगु नं द हे दु।

प्रेरित 19:8

अले पावलं स्‍वला तक धर्मशास्‍त्र स्‍यनीगु छेँय् वनाः इपिं दक्‍वसिया न्‍ह्यःने मनूतय्‌त मग्‍यासे परमेश्‍वरया राज्‍ययागु खँ कनाः विश्‍वास याकेगु कुतः यात।

प्रेरित 26:28

अले अग्रिपासं पावलयात धाल – “थुलि याकनं छं जितः नं ख्रीष्‍टियन यायेत स्‍वयागु ला?”

प्रेरित 28:23

अले इमिसं छन्‍हु पावलया खँ न्‍यनेगु क्‍वःछित। क्‍वःछिना तःखुन्‍हु हे इपिं फुक्‍क पावल च्‍वनाच्‍वंगु छेँय् मुंवल। उखुन्‍हु वं सुथंनिसें बहनी तकं इमित परमेश्‍वरयागु राज्‍ययागु खँ बांलाक ध्‍वाथुइक कन। मोशायागु व्‍यवस्‍था व अगमवक्तातय्‌गु सफुलिं ग्‍वाहालि कयाः वं येशूयागु खँ नं ध्‍वाथुइक कन।

प्रेरित 9:20

याकनं हे वं धर्मशास्‍त्र स्‍यनीगु छेँय् वनाः – “येशू परमेश्‍वरया काय् खः” धकाः न्‍यंकाजुल।

२ कोरिन्‍थी 5:11

अय्‌जूगुलिं प्रभुया भय कायेगु छु खः व जिमिसं बांलाक थूगुलिं मेपिं मनूतय्‌त नं प्रभुयात मानय् याकेत कुतः यानाच्‍वनागु खः। परमेश्‍वरं जिमित बांलाक म्‍हस्‍यू, छिमिसं नं जितः बांलाक म्‍हसी धयागु आशा यानागु दु।