प्रेरित 17:7 - नेवाः बाइबल

⁷ यासोनं इमित थःगु छेँय् तयातःगु दु। कैसरं धाःगु खँ मन्‍यंसे इमिसं येशू धाःम्‍ह मेम्‍ह हे जुजु दु धकाः धयाजुल।”

प्रेरित 17:7 ပူးပေါင်းရင်းမြစ်များ

दानिएल 3:12

हे महाराज, छःपिन्‍सं बेबिलोन प्रान्‍तयापिं शासक दय्‌कूपिं शद्रक, मेशक व अबेद्‌नगो नांयापिं यहूदीतय्‌सं छःपिनिगु आज्ञायात वास्‍ता याःगु मदु। इमिसं छःपिनि द्यःतय्‌त पुजा मयाः व छःपिन्‍सं पलिस्‍था यानादीगु लुँयागु मूर्तियात भागि नं मयाः।”

दानिएल 6:13

अले इमिसं जुजुयात धाल, “हे महाराज, यहूदां ज्‍वनाहःम्‍ह व दानिएलं छःपिन्‍त हनाबना मयाः अले छःपिनिगु आज्ञा मानय् मयाः। वं आः नं न्‍हि स्‍वकः प्रार्थना यायेगु याः।”

लूका 10:38

वय्‌कःपिं वँवं लँय् लाःगु छगू गामय् थ्‍यन। व गामय् च्‍वंम्‍ह मार्था धाःम्‍ह छम्‍ह मिसां वय्‌कःपिन्‍त थःगु छेँय् यंकल।

लूका 23:2

अले इमिसं वय्‌कःयात थथे धकाः पाः यात – “थ्‍व मनुखं जिमिगु जातियापिं मनूतय्‌त मखुगु खँ स्‍यना जूगु, कैसरयात कर पुले मते धकाः धयाजूगु व थःत ख्रीष्‍ट जुजु खः धकाः धयाजूगु जिमिसं न्‍यनागु खः।”

यूहन्‍ना 19:12

थ्‍व न्‍यनाः पिलातसं वय्‌कःयात त्‍वःतेत स्‍वल। तर यहूदीत थथे धकाः हाला हल – “छिं थ्‍व मनूयात त्‍वःतल धाःसा छि कैसरया मनू मखुत। सुनां थःत जुजु धकाः धया जुइ वं कैसरयागु विरोध याःगु जुइ।”

प्रेरित 16:21

थुमिसं झी रोमीतय्‌सं मानय् याये मज्‍यूगु थितिकुति स्‍यनाच्‍वन।”

प्रेरित 17:5

अथे जूगुलिं यहूदीतय् नायःतय्‌सं नुगः मुइकाः हुल्‍याःतय्‌त मुंका हयाः हाःहू याना जुल। इमिसं यासोनयागु छेँय् वनाः पावल व सिलासयात पिने हयाः मनूतय्‌गु न्‍ह्यःने हयेत स्‍वल।

प्रेरित 17:8

थ्‍व खं अन मुंवःपिं मनूतय्‌त व शहरयापिं हाकिमतय्‌त आछु-आछु कंकल।

याकूब 2:25

अथे हे राहाब धाःम्‍ह छम्‍ह मिसा वेश्‍या नं देशयागु फुक्‍क खँ सीकेत वःपिं यहूदी मनूतय्‌त बाय् बियाः बिसिके छ्वःगुलिं हे ला खः नि धर्मी जूगु।

१ पत्रुस 2:15

छिमिसं थथे भिंगु ज्‍या याना हे छुं मस्‍यूपिं मूर्खतय्‌गु म्‍हुतुप्‍वाः तिके फयेमा धयागु परमेश्‍वरयागु इच्‍छा खः।