प्रेरित 17:4 - नेवाः बाइबल

⁴ इपिं मध्‍ये गुम्‍हं गुम्‍हं यहूदीतय्‌सं पावल व सिलासयागु खँय् विश्‍वास यानाः इपिं नाप वल। अथे हे परमेश्‍वरयात मानय् याइपिं ग्रीक तःम्‍हय्‌सिनं व नांजाःपिं तःम्‍ह हे मिसातय्‌सं नं इमिगु खँय् विश्‍वास यात।

प्रेरित 17:4 ပူးပေါင်းရင်းမြစ်များ

हितोपदेश 13:20

बुद्धिमानपिंलिसे जुइपिं बुद्धिमान हे जुइ। मूर्खतलिसे जुइपिन्‍सं थःत स्‍यंकी।

हितोपदेश 9:6

छिमि म्‍वाये मंदुसा थःपिनिगु ग्‍वाज्‍यः पहः त्‍वःति, अले म्‍वायेत स्‍व। बुद्धिया लँय् जु।”

श्रेष्‍ठगीत 6:1

हे मिसात मध्‍ये तसकं हिसि दुम्‍ह, छिमि प्रिय गन वन? व गन वनाच्‍वंगु दु? वयात मालेत जिमिसं छन्‍त ग्‍वाहालि याये।

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

यूहन्‍ना 7:35

अले इमिसं थःथवय् थथे खँ ल्‍हात – “झीसं लुइके हे मफय्‌क थ्‍व मनू गन वनेत्‍यंगु जुइ? छु थ्‍व ग्रीकतय्‌गु दथुइ उखेलाः थुखेलाः जुयाच्‍वपिं यहूदीतय्‌थाय् वनाः ग्रीकतय्‌त स्‍यनेकने यायेत वनेत्‍यंगु ला मखु ला?

प्रेरित 13:43

सभा क्‍वचाय् धुंकाः यक्‍व हे यहूदीत व यहूदी जूपिं मनूत इपिं नाप वन। पावल व बारनाबासं परमेश्‍वरं धयादी थें याना च्‍वँ धकाः इमित बःबियाः धाल।

प्रेरित 13:50

अय्‌नं यहूदीतय्‌सं नांजाःपिं धर्मीपिं मिसातय्‌त व शहरय् च्‍वंपिं नायःतय्‌त ग्‍वाकाः पावल व बारनाबासयात ख्‍यानाः इमिगु इलाकां पितिनाछ्वल।

प्रेरित 14:1

आइकोनियनय् थ्‍यंकाः नं इपिं निम्‍हं धर्मशास्‍त्र स्‍यनीगु छेँय् वन। अन इमिसं तसकं बांलाक नवाःगुलिं यक्‍व हे यहूदीतय्‌सं व यहूदीमखुपिन्‍सं नं विश्‍वास यात।

प्रेरित 14:4

अन शहरय् च्‍वंपिं मनूत निगू पुचः जुयाः बाया वन। छपुचः मनूतय्‌सं यहूदीतय्‌गु पँ लित, अले मेपिन्‍सं प्रेरिततय्‌गु पँ लित।

प्रेरित 15:22

अले प्रेरितत, थकालिपिं व मण्‍डलीयापिं फुक्‍कसिनं जानाः यहूदा धाःम्‍ह बारसाबास व सिलासयात ल्‍ययाः इमित पावल व बारनाबास नाप एन्‍टिओखियाय् छ्वयेगु क्‍वःछित।

प्रेरित 15:27

जिमिसं यहूदा व सिलासयात छिकपिन्‍थाय् छ्वयाहया च्‍वना, इमिसं नं थ्‍व हे खँ छिकपिन्‍त कनी।

प्रेरित 15:32

हानं यहूदा व सिलास थः हे अगमवक्तात जूगुलिं इमिसं अन च्‍वंपिं विश्‍वासीतय्‌त यक्‍व खँ धयाः साहस बियाः बल्‍लाकल।

प्रेरित 15:40

पावलं थःनाप वनेत सिलासयात ल्‍यल। अन च्‍वंपिं दाजुकिजापिनिगु आशिष कयाः इपिं बिदा जुयाः वन।

प्रेरित 16:3

पावलं वयात थःनाप ब्‍वनायंके मास्‍ति वय्‌कल। अन च्‍वंपिं फुक्‍क यहूदीतय्‌सं तिमोथीया बौ ग्रीक खः धकाः स्‍यू, अले हानं तिमोथीयात आः तक म्‍हय् चिं मतय्‌कुनि धकाः नं स्‍यू। अय्‌जूगुलिं यहूदीतय् नायःतय्‌सं यानाः पावलं तिमोथीयात म्‍हय् चिं तय्‌कल।

प्रेरित 17:10

अय्‌जूगुलिं दाजुकिजापिन्‍सं चान्‍हय् जुइवं पावल व सिलासयात बेरियाय् छ्वयाबिल। बेरियाय् थ्‍यंकाः इपिं धर्मशास्‍त्र स्‍यनीगु छेँय् वन।

प्रेरित 17:12

अय्‌जूगुलिं इपिं यक्‍वसिनं हे विश्‍वास यात। अथे हे तःधंपिं ग्रीक मिसा व मिजंतय्‌सं नं विश्‍वास यात।

प्रेरित 17:14

अय्‌जूगुलिं विश्‍वासीतय्‌सं उघ्रिमय् पावलयात समुद्र सिथय् छ्वयाबिल। सिलास व तिमोथी जक अन हे च्‍वनाच्‍वन।

प्रेरित 17:17

अय्‌जूगुलिं धर्मशास्‍त्र स्‍यनीगु छेँय् वनाः यहूदीत नाप व परमेश्‍वरयात मानय् याइपिं मनूत नाप खँ ल्‍हाः जुल। अले बजारय् नापलाक्‍व मनूत नाप नं न्‍हिं न्‍हिं खँल्‍हाबल्‍हा याना जुल।

प्रेरित 17:34

गुलिसिनं वयागु खँय् विश्‍वास यात। इपिं मध्‍ये अरियोपागसयाम्‍ह दुजः डियनुसियस धाःम्‍ह मनू व दामारिस धाःम्‍ह मिसा नं दु। थुपिं बाहेक इपिं नाप मेपिं नं दु।

प्रेरित 18:4

पावलं विश्रामबार पतिकं धर्मशास्‍त्र स्‍यनीगु छेँय् वनाः यहूदीतय् नायःतय्‌त व ग्रीकतय्‌त विश्‍वास याकेत स्‍वयाच्‍वन।

प्रेरित 19:10

पावलं निदँ तक थथे यानाच्‍वन। अय्‌जूगुलिं एशियाय् च्‍वंपिं यहूदीत व यहूदीमखुपिं फुक्‍कसिनं प्रभुयागु खँ न्‍यने खन।

प्रेरित 2:44

फुक्‍क विश्‍वासीतनापं जुइगु व न्‍ह्यागु चिजं मंकाः यायेगु यानाच्‍वन।

प्रेरित 21:28

“हे इस्राएली दाजुकिजापिं, जिमित ग्‍वाहालि यानादिसँ। उखेंथुखें वनाः सकसितं झी मनूत, मोशायागु व्‍यवस्‍था व थ्‍व देगःया विरोधय् न्‍यंका जूम्‍ह थ्‍व हे खः। नकतिनि हे जक थ्‍वं यहूदीमखुपिन्‍त देगलय् हयाः थ्‍व थाय्‌यात अपवित्र यानाबिल।”

प्रेरित 28:24

वयागु खँय् गुलिसिनं विश्‍वास यात, गुलिसिनं मयाः।

प्रेरित 4:23

थथे त्‍वःता हये धुंकाः पत्रुस व यूहन्‍ना थः पासापिन्‍थाय् वन। इमिसं तःधंपिं पुजाहारीतय्‌सं व थकालिपिन्‍सं धयाहःगु खँ फुक्‍कं इमित कन।

२ कोरिन्‍थी 8:5

जिमिसं मतिइ तयागु स्‍वयाः नं इमिसं यक्‍व हे ग्‍वाहालि यात। न्‍हापां इमिसं थःत हे प्रभुयात देछाल, अले परमेश्‍वरया इच्‍छा कथं इमिसं थःत जिमिगु ल्‍हातय् लःल्‍हाना बिल।